اهلا
بقولكم تجربتي بس اول شي ابي اقوله ان التحصيلي مب صعب ابد ف لاتشيلون همه..
بدأت اذاكر قبل اختباري ب شهرين واسبوعين بالضبط، والوقت كان كافي وزياده بعد متخيلين!


بالنسبه للتأسيس:
ذاكرت ل (فيزياء وكيميا واحياء) من كتاب ناصر..
وذاكرت الرياضيات من كتاب المعاصر 5

(مايحتاج تشترون المعاصر واشوف لو تذاكرونه من كتاب ناصر احسن لكم لانه الاساله اللي بكتاب ناصر هي بالضبط اللي بتجيكم بالاختبار)

فيزياء:
الماده اللي بدات فيها بحكم اني ماكنت ادري وش الفيزياء اصلا، جلست اسبوعين بالضبط ومابينهم اي بريك

ذاكرته مع فرح ابراهيم باليوتيوب وهذا كان احسن شي قررت اسويه، ولو انصحكم فيها من اليوم لبكره ما بوفي حقها، كنت حرفيا ما افهم اي حرف بالفيزياء لكن معها قدرت استوعب كلل شيي
كنت اخذ ٥ صفحات باليوم والخص اللي تقوله واليوم الثاني اراجع كل اللي لخصته قبل ابدا مذاكره واتاكد اني فاهمه كل شي

كيمياء:
اخذت مني عشر ايام وتمنيت لو اني اخذت وقت اطول لكني كنت مستعجله لاني متوقعه التجميعات بتاخذ وقت ف قلت مابي اطول بالتأسيس (طبعا غلط لان التجميعات ماتاخذ وقت ابد)

كنت اتابع مقاطع محمد العمري باليوتيوب، و اساله الكيمياء بالاختبار كانت لعبه حرفيا مافي اسهل منها

رياضيات:
من المعاصر
خلصته ب ١٢ يوم

احياء وعلم بيئة:
خلصته باسبوع
اساله ناصر اللي بالكتاب هي نفسها الي بتشوفونها بالتجميعات ف احفظوها لو تقدرون

كذا مجموع ايام التأسيس ٤٣ يوم الباقي تجميعات وتسريبات


التجميعات:
١-تجميعات غشام ٢٠٢٣+٢٠٢٢(احفظوها حفظظظظظ الاختبار نسخ لصق منها)
٢-تجميعات الحوت
٣- تجميعات سايفر

التسريبات:
ماتذكرهم كلهم صراحه لان كانت اي قناة تطلع قدامي اشوفها+الاوراق المسربه..
وكنت حاجزه اخر يوم بكل الفترتين ف نص اختباري نفس افكار التسريبات بالضبططط ف احرصو انكم تشوفونها كلها مره مهمه
الي اتذكرهم:
الحوت
الكنز
يلو
غشام
سايفر

أهلًا🙋‍♂️، معكم cσcσ
مدة مذاكرتي كانت تقريبًا 6 شهور بديت من الفصل الثاني وكنت اذاكر يومين واسحب 4 ايام 😅، مذاكرتي الجدية بدأت قبل الاختبار بـ 4 شهور كـمذاكرة يومية.
قبل ابدأ بالتحصيلي كنت اشوف الكل جايب تحت 80 وان الاختبار صعب ومن ذا الكلام وهذا اول شي انخدعت فيه بس من اول صفحة بالاختبار اكتشفت ان الموضوع اسهل بكثير + الانحراف المعياري انه ينقصك هذا غير صحيح بتاخذ درجتك اللي تستحقها،
الفترة الاولى خبصت فيها بسبب اني مانمت كويس مع ذلك جبت 10 اغلاط واكثر ممكن وشوفوا كم نتيجتي!🤔
وبحمد الله وشكره موزونتي حاليًا مجرد اني شفتها هان علي كل التعب اللي صار ونسيته وكأني تعبت لعدة ايام فقط مو لشهور السعاده هذي تنسيك كل تعب تعبته ودعواتكم أن الله يوفقني بكلية الطب والجراحة. 🙏

بقسم تجربتي على قسمين✌️ :
1- التأسيس :
الخطوة الأولى والأهم نحو التحصيلي، نبدأ بالمصادر ( ناصر العبدالكريم - المعاصر )
المعاصر إستخدمته للرياضيات فقط، ناصر لجميع المواد. من رأيي إذا أساسك ممتاز بالرياضيات ماتحتاج المعاصر لأن ميزة المعاصر الأستاذ عماد الجزيري يأسسك بشكل ممتاز لكن اسئلتها سطحية وسهلة جدًا مستوى التحصيلي أعلى منها، بكل الحالات لازم انك تعدي على ناصر بالرياضيات.
"المعلمين اللي استفدت منهم :
⁃ عماد الجزيري ( ماث المعاصر )
⁃ العوهلي ( ماث ناصر )
⁃ تكنوقراطية ( فيزياء )
⁃ محمد العمري ( كيمياء )
⁃ احمد سكول ( احياء )
بالنسبة لكتاب النبلاء برأيي انه ماله فايدة كتاب ناصر ومقاطع احمد سكول بتخليك اسطورة بالأحياء.
وأكرر لاتستعجل بالتأسيس افهمه كويس شي مافهمته لاتسكب له.
2- التدريب :
أكثر مرحلة ممتعة بالتحصيلي بعد ماتخلص تأسيسك بيكون عندك بحر من التجميعات ومهو شرط تذاكرها كلها ( هذي اللي ذاكرتها انا شخصيًا )
⁃ غشام 22 + 23
⁃ سايفر
⁃ أهم 400 سؤال لجهاد
بالنسبة للحوت ذاكرت نص الفيزياء وسحبت عليه،
غشام عدته حوالي 3 مرات وماندمت جميع افكار الاختبار ماخرجت عنه، كان عندي وقت كافي للتجميعات شهر كامل يمديك تخلص اكثر من كذا.
التسريبات كانت مهمة نوعًا ما لكن جزء من الاختبار جا منها يعني لاتعتمد عليها.
"ملاحظة"
يوم اختبارك لاتذاكر شي ولاتجهد مخك خلك هادئ خذلك مراجعة سريعة بدون اجهاد لأن اسئلة الاختبار كثيرة وبتتعب بآخر قسم او قسمين ومابيمديك تركز بشكل كافي.
ونصيحة أخرى ركز بدروس المدرسة لأنك بتدرس المنهج بشكل معمق عكس كتب التحصيلي بتدرس رؤوس الأقلام فقط وهذا اكبر شي ندمت عليه هو عدم اجتهادي بالمدرسة.
وختامًا ؛ مو مهم تجيب درجة عالية الأهم هو توكلك على الله والسعي في طلب الرزق ( إعقلها وتوكل ) دامك سويت اللي عليك فهذا كافي جدًا.
أي احد عنده استفسار بحاول أفيده @m2math101_128

لَوْلَا المَشَقَّةُ سَادَ النَّاسُ كُلُّهُمُ.