الزوجة الشاطرة في هالزمن : هي إللي بتقدر توازن بين زوجها و أطفالها و بيتها و فيسها و تويترها و واتس أبها و انستغرامها

البنت إللي عمرها 14 و كاتبة مش قادرة أشيلو من راسي
قصدها عن القمل صح ؟

منذ عدة شهور
أول مرة تيجي الكهرباء على منطقتي يوم كامل
الحمدلله و ربنا يديم نعمه على غزة

في مجتمعنا /
الحلوة بتزوجها واحد مش حلو
والحلو بتزوج واحدة مش حلوة
و إذا واحد حلو تزوج واحدة حلوة ، الناس بطرقوهم عين حتى يتطلقو

إذا شغلت نفسك بحب رب العالمين .. ستكسب نفسك والآخرين

واحد بخاف من زوجته كتير و دايما في الصلاة بيدعي عليها تموت
.
مرة أجت قعدت جنبو و هو بصلي
صار يدعي و يقول : يا رب عفوك و رضاك و الموضوع هضاك هههه

صورك الشخصية لصفحتك على الفيس تعكس جزء كبير من تفكيرك و شخصيتك الحقيقية
#‏غالبا

الأقارب إذا أرسلت لهم كرت دعوة زواج ، بقولو فش داعي للكرت احنا أهل
.
و إذا نسيت تبعت ل حدا منهم كرت بيقول والله ما بنروح على عرسهم ، ما عزمونا !
،
و بعدين معاكم

تستغرق الأنثى 20 ثانية لبلع الطعام
أما الشاب : غمض عين ، فتح عين ، نص الجاجة راحت فين

في الصلاة ، كان أحد الشباب خاشع و يبكي
بعد الصلاة نظر إليه رجل باستغراب و سأله : لماذا تبكي
أصبحنا نستغرب من الخاشع لماذا يخشع بدل أن نحزن على أنفسنا و نسألها لماذا لا نخشع مثله !
#‏فويل_للقاسية_قلوبهم
#‏اللهم_نعوذ_بك_من_قلب_لا_يخشع

نقطة وسطر جديد :

عيب تلاقي بنات و شباب من أمة محمد إللي مفروض يكونو حاملين هم الأمة و الدين و الأقصى .. عايشين في الفيس ع نظام لايك بلايك و تعليق بتعليق
كثير شفت شباب و بنات كاتبين منشورات بالصيغة التالية :
(( لايك = لايك
تعليق = تعليق
مقرب = مقرب
إللي مش عاجبو يحذفني من عنده
ما بدي أصنام و أعداد عندي ))
بتلاقي الواحد منهم قاعد ليل نهار بحط لايكات لكل أصدقاؤه عشان يحطو لايكات عنده
هيك عايشين و متفقين و فاهمين بعض
( بجمعهم لايك و بفرقهم لايك )
و بعضهم منشوراتهم تافهة ولا تحمل أي رسالة
أنا شايفهم مساكين و عايشين وهم و مضيعين وقتهم و بعيدين عن الواقع و أظن أن بعضهم فاشلين و حزناء في حياتهم و استخدمو الفيس لتعويض النقص
بحب أقول لكل شاب وبنت من هالنوع /
ارتقوا و انتبهوا لحياتكم و انجحو في واقعكم و كونوا من شباب الأمة الذين لهم أثر في خدمة الدعوة و تغيير الواقع و تحرير الأقصى
خلو هدفكم نشر الفائدة والابتسامة و أخلصو النية لله
كونوا عظماء في الواقع وليس عالفيس
فكم من شخص ليس له قيمة أو حساب إلا عالفيس فقط !

في البيت الفلسطيني
أعظم معركة بين اثنين لما يكون واحد ماسك ريموت التلفزيون و الثاني حاطط إيده على الرسيفر عشان أخوه ما يغير عن القناة
#‏ذكريات_الطفولة
#الله_يرحمك_يا_عبدالله

الوحيد الذي يسمعك دون ملل و يرضى عنك عندما تشكو حالك له
و يزيل همك عندما تذكره هو الله
| ما خاب من قال يا الله

#‏نصيحة_للمتزوجين
كل ما تطلب منك زوجتك طلب أو مشوار
سجلو بدفتر و خليها تبصم عليه
| معاً لمحاربة جملة ( انت ما عمرك عملت إلي شئ )

الإنسان الجميل شكلاً ليس دائماً طيب
لكنّ الإنسان الطيب دائماً جميل

فيه أطفال معهم آيفون 5 و مش عاجبهم
أنا لما اشتريت المسطرة إللي جواها مي و نجوم ضليت أسبوع فرحان
و لما شريت محاية بريحة الفراولة ما قاومت ريحتها الحلوة و أكلتها

رسالة لكل شباب غزة عالفيس /
الأصدقاء من خارج غزة يحبوننا ليس لجمال أشكالنا أو مناصبنا ...
يحبوننا فقط لأننا من معشوقتهم غزة
كونوا صوت و صورة غزة الجميلة التي يعرفونها

من فوائد الفيس / إنو خلا بعض البنات يزبطن الطبيخ و يتفننو فيه عشان يصوروه
#‏زبطو_و_صورو_وانشروا

الحقد .. الحسد .. حب الشهرة .. الرياء .. الغرور
أمراض تقتل سعادة القلب
| ربنا يبعدها عنا و يبعدنا عنها

تبيض الدجاجة بيضة واحدة رخيصة الثمن و تملأ الدنيا صراخاً
بينما تضع السمكة آلاف من بيض الكافيار غالي الثمن و هي صامتة
| دع إنجازاتك تتحدث عنك .. أو بتبيض وانت ساكت

#‏غزاوي مسافر بطيارة
جابتلو المضيفة 4 حبات دوالي في صحن
أكلهن و لما خلص قالها : مستوي مستوي ،، هاتي الطنجرة