وكُل ما تفكر انك وصلت ل مرحلة النُضج بتكتشف انك لسا ما وصلتها ، هالمرحلة بالذات مش مرتبطة بعمر ابداً .. هي شوية وعي على كتير من التجارب الي بنمُر فيها .. واللي بشعِرك هالشعور هو تغيرك الفعلي اللي ببدأ يتلاحظ من أقرب الناس الك .. طبعاً ممكن يكون تغيير سيء وممكن جيد واحيانا بعكس ايجاباً على تصرفات البعض من باب (وعيّ زايد ) او من وجهة نظر البعض" بُعد فِكري جداً اوسع " مجال التغيير في الحياة مجال واسع .. ومافي اشي بضل على حالو الا اذا انت ضليت واقف مكانك .. حتى النُضج مراحل .. منها بتعلمك ومنها انت بتعِلم غيرك ، وجمال التغيير عائد عليك اولاً


#الأثر_الطيب

بتمُر علينا فترة التفكير الشديد !
الي بحمل معه ذكريات .. مواقف.. مشاعر و تفكير بالمستقبل .. وندم على كم شغلة ، وممكن تحليل لكُل صغيرة وكبيرة بتمُر علينا بيومنا وبحياتنا ، قديش فكرة بتروح وبتيجي .. وبتضلها على البال زي قصة لو موسيقى بنسمعها كتير وبتعلق بالذاكرة ..

يمكن من زخم الأفكار اللي عالقة بالمُخ تضل ببالك حتى وانت نايم وتحلم فيها ! ومع كُل فكرة وموقف وندم وشعور ايجابي او سلبي " كم شغلة بتتغير فيك بدون ما تحس " ..

سألت كيف بقدر اخفف من كثرة التفكير القاتل عندي بعد القراءة الكثيفة بالموضوع اكتشفت انها ما يُسمى " بلعنة العباقرة "
علّ وعسى أن لا تقتلني ذات يوم 😅
وتكون بفائدة عائدة عليّ وعلى الي حوالي 💚

#الأثر_الطيب

الناس بتروح وبتيجي ، الإشي الثابت ب "حياتك" هو إنت عشان هيك دائمًا حط حالك بالبداية وبعدين الناس.. إعمل الشغلات اللي بتحبها عشان "إنت" بتحبها. روح الأماكن اللي "إنت" بتحبها إصنع مستقبل"ك" بنفسك لإنه إنت رح تتحمل أي خطأ بينتج.. أعطي رأي"ك" الخاص بكل شيء حوليك ، أترك بصمتك الخاصة
فكّر بعقل"ك" لانه الله اعطاك ياه الك
ولإنه بالاخر الناس بتروح وبتيجي .

#الأثر_الطيب

في لحظات معينة شعورنا بالألم فيها بيكون في أشدّه.. بنكون حاسين انه هاللحظة هتدوم للأبد ومش هنقدر نتخلص من شعورنا هاد أبدًا .. وانه الحياة سكّرت بوجهنا وكل خليط المشاعر الصعبة والدراما المرافقه له ..
بس الغريب واللطيف انه بعد مرور فترة من الزمن على هاد الشعور بنكون نسيناه وفعليًا قد ما نحكي انه بنتزكر شعورنا بهديك اللحظة في الغالب بيكون مجرد كلام عابر والموضوع في عقلنا يتلاشى كأنه ما صار ابدا ..

ف بالتالي موضوع المشاعر بأكمله ليس سوى قضية وقت .. وكل الاوقات هتمضي .. هتعدي .

#الأثر_الطيب

مرات كتير بيكون في بقلبنا كلام بنخفق في التعبير عنه ، لعدة أسباب بتختلف من شخص لآخر ومن موقف لآخر .. صحيح بنندم انه ماحكيناه بوقتها وبنحس بأنه أخفقنا أمام ذاتنا لإننا ما امتلكنا الجرأة إنه نحكيه.. بس تأكد ان السكوت دائمًا أفضل من الكلام وندمنا على سكوتنا كمان أفضل من الندم على اشي حكيناه أو حُكُم أطلقناه بدون تفكير .

😊

تعلم كتير منيح كيف تحافظ على مبادئك ولا تتنازل عنها ولا تقلل منها مع الأيام !
..بالبداية ممكن الناس تستغرب افعالك .. ويمكن تلومك ، بس تأكد مافي شخص بحب يشوف انسان بدون مبادىء او بسهولة بتخلى عن مبادئه .. وقد ما بينلك انه مش متقبل اصرارك ع مبادئك ..هو من داخلهُ بكون بحترمك كتير وهالإحترام بخليك ما تنزل من عيونه الا بس تبدأ تتخلى عنها .

😊

أحيانا بنشتاق لأيامنا القديمة ، لحالنا ، لإهتماماتنا وعفويتنا ..
بس لو اتطلعنا على حالنا هلقيت هنعرف إنو مشينا طريق طويلة ، تخطينا كتير شغلات صعبة وطلعنا منها ، بكينا كتير وضحكنا كتير ، غربلتنا الحياة بس صرنا أحلى ، صرنا أوعى ؛صرنا أقوى.

وبنعرف إنو بعد كم سنة كل أيامنا هاد هتصير ذكرى، لإنو كلنا هنتغير ، هنشوف شغلات أصعب وهنتجاوزها وإحنا بنبتسملها وبنودع كل خيبات الأمل، هنكون أملنا الوحيد وقوتنا الثابتة ، وقتها بس بنقدر نستوعب إنو الناس الي كانوا يحكولنا هننسى كانوا صادقين، هنعرف إنو في كل مرة كنا نخسر صديق كنا الف مرة نكسب ذاتنا ، هننعرف إنو كل ساعة درسنا فيها أخدنا مقابلها الف ساعة راحة ، كل دمعة نزلت كسبنا بدالها الف دقة قلب ، كل حدا كرهنا صار مكانه الف حدا حبنا ..
إصنع مستقبلك الآن ، لإنو بس إنت بتختار مستقبلك مش القدر .. بس إنت .

قيل في الصباح :
"هُو صديقٌك القديم، وبقية الأوقات مجرّد معارف".❤️

‏قد حار الفِكرُ في جمال عيناكِ مُتعجبًا ،
أيُعقل أن أعينَ يوسفَ قد توارثت ؟ ❤️

‏" مع كُل زلّاتي وكل ما أقترف ، لم يتركني الله يومًا ، ففي صدري خجل وحُب ووحدة ، فالله وحده هو الأمان "

‏اللهم ابعد عني الضيق وبدل ضيقي فرح
‏وارح قلبي بما أنت اعلم به مني ❤

‏أعُوذ بالله من حُزني ، وإنقِباض قَلبي ، وبهُتان روحي ، وكَئابة وقتِي .

الحب بدو تضحيات 💜

على قد الاهتمام، بنزهر💜.

خطواتها الأولى 💚

هدية لطيفة 💚

لما الورد يدخل في الصابون ♥️

”غلطتي كانت دومًا بأنني لا أنسى، أتذكر جميع التفاصيل وأتذكر تلك الكلمات والنظرات، حتى أني أتذكر شعوري حينها."

مهما كنت تُعِدُّ نفسك لفقدان أحد أفراد أسرتك ، بغض النظر عن عدد الأسابيع والأشهر التي كانت لديك لتتهيأ في عقلك وقلبك ؛ تظل هناك صدمة لامفر منها.. وتلك الصدمة الاخيرة القاتمة عندما تُدرك أن أثمن شيء لديك لم يعد هنا .. أجدني أقول لنفسي مرارًا وتكرارًا بقدر أنفاسي: "لقد رحلت يا عبد الله ". ورحل معك الاف الأشياء الثمينة الأخرى التي جعلت الحياة مبهجة جدًا. رحل ذلك التقرب للعودة إلى البيت في نهاية اليوم .. رحل التشوق لسماع صوتك على الطرف الآخر من الهاتف ..رحل الشعور بيدك على يدي .. رحل صوت ضحكتك .. ودفء ابتسامتك وهذا ما يقشعر له البدن ويشل الوعي أن كل هذا لن يحدث مرة أخرى .



- مقتبس من كتاب المذكرات الخاص بي .

في فترة من حياتك بتقِل فيها همتك وقوتك لكل اشي ، بتكون عنجد ما الك طاقة تواجه الأمور وبتتلقى أي اشي ببرود تام وردة فعل عادية
والأسوأ من هيك بتحاول تبني جسر عازل على قلبك هالجسر بشبه جهاز الإنذار اللي مابسمح لحدا يدخل
كإنك خايف تتوجع ، أو تنخذل ، أو خايف تخوض تجربة وتفشل ! حتى انك واقف مكانك عند نقطة وحدة لا قادر تقدم ولا ترجع
يمكن ما بستنى الأشياء المنيحة تيجي لحالها ، بس بعطي جهد من تفكيري وتخطيطي أكثر من اني أتغير عنجد ،
للحظة قررت أنتقل من مرحلة التخطيط لمرحلة التطبيق ، صحيح جواتي ارادة وقوة كبيرة بس ماعندي هديك الهمة او الشغف
بدأت أطبق اللي بحاول أوصله بس هالفترة أصعب من التخطيط وأصعب حتى من الإستسلام ، لأنك بتكون بمرحلة " التأسيس" ، اللي هي أهم مرحلة ،
يا أساسك بكون صح ، يا بنهدم
يارب القوة لكُل اللي جاي ، وتخطي كل اللي راح ..
والأهم يارب الثبات على الهدف


- مقتبس من كتاب المذكرات الخاص بي