اللي ربنا مخبيه احسن من اللي نفسنا فيه .

أنا مسلم و الإسلام دين كامل ، لكني لست إنسانا كاملا ، إذا ارتكبت خطأ فلا تلوموا الإسلام بل لوموني أنا . ♥️

- كتب تنصح نقراها ؟

..
بصراحة ما بعرف كيف عقليتك أو شو بتحتاج يعني في ناس بتسألني عن كتب وهي عمرها ما قرأت كتب فبنصحها في قراءة كتب التنمية البشرية " للشاذلي أو الفقهي " وفي ناس ما شاء الله عنهم وصلوا لمرحلة كل اسبوع بقرأ كتاب ..
" مش عارف شو بناسبك بالظبط "
انت الك عالمك الخاص فيك .. شو بتحتاج ؟ اقرأ

- كيف أصر على حلمي ولا أستسلم و أضعف ؟!

...
( قبل 6 شهور تقريبًا نشرت هاد الكلام .. بحثت عنه عشان يكون بمثابة حافز الك .. وإن شاء الله الكلام يرفع من معنوياتك ويسعدك ) ♥️

..........



احذر من الناس اللي بتقتل أحلامك , أحترس من الناس اللي بدها تدفن طموحك , احمي حالك من كُل حد بدو يسلب إرادتك .. حتى لو كانوا أقرب الناس الك , معظم الناس اللي ما عندهم أحلام , بيصحو من النوم هدفهم يحطمو حلمك ,, ويبعدوك عنو , ما عندهم أهداف , ما عندهم طموح , ما عندهم شغف لحياتهم غير تحطيم طموحات الناس اللي عندها طموح وهدفهم الناس يصيروا فاشلين مثلهم , عدوك الأكبر اللي رح تتعامل معو هو نفسك , اذا كان في عدو جواتك عمرو ما في عدو برة رح يقدر يعمل معك شي .. أوعك تفكر انو الحياة سهلة .. اوعك تفكر انو الناس صحيت من النوم لقيت احلامها بتستناها .. ما في حد رح يضربك على وجهك بقسوة قد الحياة .. إذا بدك تصل لحلمك بدك تكون عارف انو رح تنضرب من الدنيا مرة واثنين وثلاثة .. الخوف والفشل والناس حيكونوا واقفين في وجهك لحتى يرجعوك لورا .. وسهل جدًا انك ترجع , سهل جدًا انك تقع على الأرض , سهل جدا انك تكون دايمًا ورا والناس كلها قدامك , ما رح تتعب كثير ويوخذك أي جهد لحتى تكون إنسان فاشل .. وعندك خيارين .. يا بتكون مثلهم وبترضا تضل دايمًا ورا ؟ يا اما بتسأل حالك هل رح اقدر اصل لطموحي ؟ للحلم اللي بدي اياه ؟
وخليك واثق من حالك ودايمًا خلي إجابتك نعم ..
قول : أنا الشخص اللي رح اصل لطموحي ..
اوعك تخلي صداع الناس يهز ثقتك بنفسك ..
بتعرف وكتيش رح تكون إنسان قوي وعارف الحياة منيح ؟
لما تتمرط في هاد الحياة ..
أقلك شي ؟
أنا أكثر محفز اللي في حياتي إنسان حكالي ( أنت فاشل ولا عمرك رح تصل لحلمك )
اليوم انا واثق من نفسي ورح اثبتت اني أفضل منك وانو كلمة فاشل هي محفز مش مجرد كلمة رح اسمعها واشعر باليأس .
..
ما بظن في إنسان بالكون كله رح يقدر يمنعك وما في إنسان إلو الحق يمنعك من تحقيق حلمك ..
كثير من الناس اللي شايفة انك ناجح رح تحاول توقعك بدل المرة ألف , عشان ما تضل مستمر في تحقيق حلمك ..
لكن بدك كل مرة تقع تقوم أقوى من قبل , وما تقع لورى , أقع لقدام , ولو دفنوك أنت واحلامك تحت الأرض وقطعولك ايديك , كمل حلمك حتى لو بدأت تُـحفر بسنانك .. اثبتلهم انك قوي وبتستحق , اثبتلهم انو الحياة محتاجة مثابرة وتعب واجتهاد .. وخلي نظرتك للحياة مليانة أمل وتفائل .. عكسهم تمامًا ..
ما ترضى تكون إنسان مقبول , أو جيد , كون إنسان عظيم ..
وانسى كُل كلامهم اللي بتشوفوا وبتسمعوا ..
الحكمة من كل كلامي ,
مش مشكلة تقع مرة ولا اثنين .. المشكلة ما تقوم لما تقع ..


تمسك بأحلامك وأحذر من الناس اللي بتحاول تقتل أحلام ..

للمرة الثانية : كتب تنصح نقراها .
..
إجابة مختلفة ..

..

تجولي قليلا في المكتبة ستجدي موضوعات كثيرة تعتني بالروايات الجميلة والممتعة ، نصف الموضوعات هناك تتحدث عن الروايات وبريقها ومتعتها التي لاتنتهي ، الرواية ربما زاحمت الشعر كثيرا وتفوقت عليه في الطلب في هذا الزمن . هناك روايات كثيرة جدا جدا ، لكن الأفضل أن أعطيك أسماء روائيين مدهشين وعليك باقتناء رواياتهم ، مثلا : واسيني الأعرج راائع بمعنى الكلمة ، عظيم ، مبهر ، كل رواياته غاية في الجمال " ذاكرة الماء - طوق الياسمين - شرفات بحر الشمال - حارسة الظلال .. "

أيضا " أحلام مستغانمي " روائية من ذهب . سيدة اللغة . نجمة محلقة في سماء الرواية العربية . من لم يقرأ رواياتها فـ قد فاته الشيء الكثير . عليك بها في ثلاثيتها " ذاكرة الجسد - فوضى الحواس - عابر سرير " ، بالتأكيد ستدعين لي حين تقرأين لها .


وروايات اخرى ..

حكاية حب- غازي
امراة من هذا العصر - هيفاء بيطار
حالة شغف - نهاد سيريس
المحبوبات - عالية ممدوح
خارج الجسد - عفاف البطانية
الموت يمر من هنا - عبده الخال
عودة الى الايام الاولى - ابراهيم خضير
بوح الرجل القادم من الظلام - ابراهيم السعدي
المزحة - ميلان كوندير
جيشا - آرثر غولدن
مريم الحكايا - علوية صبح
شجرة الحب وغابة الاحزان - اسمية درويش

- انس ، عمرك فكرت انه اصحابك راح يتخلوا عنك ! وانه ما حدا لحد !
ليش كل حدا يدخل بطريقي بتخيل هيك وما بتعمق بالشخص وبالفعل بروح

...

طبيعي ما في حد لحد , لكن مش من الطبيعي أنتظر لحظة تخلي صحابي عني .
هو يوم ما بدي أصاحب بدي اصاحب اي حج ويلا السلام ؟! ولا بدي انتقي صحابي انتقاء ؟
الإنسان بختار صاحبه عشان يقف معه على المرة قبل الحلوة مش بصاحب واحد لهدف معين .. طيب لو صاحبه عشان هدف فطبيعي يتخلى عنه ويهمله وما يعبره .. لكن لو صاحبه واعتبره اخ وحبه والله مستعد يتخلى عن كل الدنيا بس عشان يقف مع صاحبه .. بعدين مجرد شكوكك في انهم رح يتركوك ف المشكلة مش من الصحاب ولا حتى من الناس اللي حوليك بقدر اهتزاز ثقتك في الناس اللي حوليك .. كلنا بمر في حياتنا ناس ما شاء الله عنها بتقف معك ومستحيل تتخلى وفي ناس كمان مستحيل تقف معك .. يلا يلا بعد المصلحة ترد السلام عليك .. عشان هيك راجع حساباتك وقول مين اللي بستاهل كلمة صاحب ومين اللي ما بستاهلها .. وتزعلش من كلامي .. اذا كان شوي شديد " احنا بتعامل مع الجميع اخوية " ♥️

الله يحبك

- هل الإعلام بيقدر يوصل الي بدك اياه ولا بس الإعلام هواية .

.

طبعًا .. لعلمك .
الإعلام هو السلطة الرابعة .. بعد التشريعية والتنفيذية والقضائية ..
وبدك تحط في عين الإعتبار انك بتقدر في أي تخصص ومجال توصل للمكان اللي بدك اياه بس بإرادتك وإجتهادك ..

- مخمور بالوحدة على الرغم انو علي دراسة لكن مليش بال والله...الحل اي حاجة المهم اطلع من هالحال ..

..

حط هدفك نصب عينك ,, و راح تلاقي نفسك تلقائي بتتشجع للدراسة ,, حط في بالك انه دراستي يوم عن يوم بتخليني اتجاوز درجة من درجات سلم النجاح و باذن الله راح تتشجع و تدرس ,, اقنع نفسك انه الانسان بلا علمه ما بيسوى و هو بالفعل هيك طبعا و بردو راح تلاقي نفسك أجتك طاقة مش طبيعية للدراسة ,, ثق بنفسك و بقدراتك و راح تنجح باذن الله ,, وفقك الله .

..

انتهت الأسئلة .. شكرًا لمن ترك سؤال واعتذر على الاسئلة التي لم أقم بالرد عليها . ♥️

"ليس هناك إنسان ما ، يتحمّل أن يبقى تحت ظل علاقة لم يمسّها الاهتمام يومًا" :')

قبل النوم /
أنوي أن أقول لنفسي حتى لو فشلت ومت صفراً ضئيلاً على أقصى شمال العالم، أني فعلت كل ما أمكنني فعله.. أني عشت حياتي كما أريد، وأنني لا أحمل أحداً مسؤولية حياتي، ولا أحمل ضغينة اتجاه أحد

"صباح الخير ، ثم إنه حينّ يتعلق الأمر بِحلمك, فكُن أصماً تماماً, ولا تفتح مجالك السمعي لأصوات ضحكاتهُم الساخره, حتى تكون أنت من يبتسَم في النهاية." ❤️

حاول أحد الموظفين إيهام من حوله أنه شخص مهم !
فلما طرق رجل عليه الباب سارع الموظف إلى حمل سماعة الهاتف متظاهرا بأنه يكلم شخصا مهما..!!
فلما دخل الرجل قال له الموظف: تفضل اجلس ولكن انتظرني لحظة فأنا أحاول حل بعض المشاكل.."
وبدأ يتظاهر بأنه يتكلم بالهاتف لمدة دقائق..ثم أغلق السماعة وقال للرجل: تفضل ماهو سبب زيارتك؟
فقال الرجل: "جئت لإصلاح الهاتف يا أستاذ !!
إقبل نفسك كما هي .. لأنك لن تكون غير نفسك ..

"‏أُمي جهتي الخامسة وقلبي الثاني والحرف التاسع والعشرون من أبجديتي ، أُمي كتفي الثالث واليوم الثامن وحبيبتي الأولى و الأخيرة ."

"وَلاَ تَيْأَسُواْ مِن رَّوْحِ ٱللَّهِ إِنَّهُ لا يَيْأَسُ مِن رَّوْحِ ٱللَّهِ إِلاَّ ٱلْقَوْمُ ٱلْكَافِرُونَ". 💚

"قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً"💚

ربي لا تشغل عقلي بما يقلقه ولا قلبي بمن لا يرحمه ولا وقتي بما لا ينفعه
ربي كن لي وكن معي واجعلني بك أقوى وبك أغنى ,, يارب .

بدك تعيش مبسوط ؟
- كون عفوي ، تخجلش من اي حركة أو كلمة بتطلع منك بما انها مش عيب !
- لما تشوف غيرك احكيله " صباح الخير" بطريقة حلوة ونشيطة مع ضحكة ، يمكن بسبب هالكلمة والضحكة تغير يوم غيرك للأحسن
- تتصنعش ، خليك ع طبيعتك ! بتحكي هلأ او هسا او هلكيت او هلئيت احكيها زي ما هي
- احكي لغيرك شكراً ولو سمحت ، اعتذر اذا غلطت.
- حب عيلتك وحِب صحابك .
- انوي تصحى ع صلاة الفجر نية صادقة ورح تتفاجئ انك صاحي مصحصح .
- اقرأ قرآن كل يوم لو صفحة وحده ،
- لو بتحب القراءة اقرأ ، اقرأ كلشي وتسمعش من الناس الي شايفة انه اشي غريب كتير تقرأ !
- جرب اي اشي غريب او مجنون،
وقف حدا غريب واحكيله يلا نتصور سلفي :$
- ادهن غرفتك الوان حلوة ، اكتب اسمك ع الحيط ، ارسم أشكال غبية بس بالنسبة الك حلوة :')
- البس ألوان سعيدة ، خبص بالألوان زي ما بدك بس كون انت مبسوط
- أبعد كل البعد عن الناس الي شغلها احباط ،
- كون مبسوط لأنك بتستاهل :")❤.

مجرد التفكير بإنو في يوم من الأيام ممكن تفقد أي شخص قريب منك أو غالي عليك وقتها بتوقف التفكير لأنو التفكير بهدا الشي صعب جدا ،، والأصعب لو تحقق هادا الاشي.....
يا الله ما أصعب هالشعور اللي ما حد بشعر في إلا اللي جربو كل يلي حواليك بيقعدو يواسو فيك وبتحس بشعور الشفقة من ناحيتهم بس لأنهم مش مجربين هادا الشعور -الله لا يدوقو لحد- والمشكلة : بيشفقو عليك لحظيا بس بعدها ... بيرجعو لحياتهم الطبيعية وانت بترجع لذكرياتك ولهمك وحزنك وبتقعد تتذكر كل لحظة جمعتك بهالشخص (أخوك ،أبوك ،ابن عمك ) أو أي إنسان غالي عليك وساعتها بتلاقي دموعك بتنزل لا إراديا وبتحاول توقف دموعك وتستملك نفسك بس ما بتقدر كأنو بلون مليان مي وماااا سدق ينفجر بتحس حالك زي الطفل وبتحاول ما يكون حد عندك عشان تقدر تبكي براحتك و ما تبين ضعفك لأي حد ،، وبكل ذكرى لها الشخص بتتجدد المأساة والحزن وإنت متأكد إنو هالشعور مش بإيدك بتحاول تطلع من هالجو وما بتلجأ وما بتلاقي اشي بيطلعك من هالجو إلا الكتابة بتقعد تكتب كل يلي ببالك بدون محد يتدخل بتفاصيلك الخاصة اللي حتى لو الكل عارفها بضل بقلبك ... أشياء بتضل بينك وبين نفسك وما بتحب حد يعرفها وبتضل تكتب ويمكن تطول وإنت بتكتب وكل كلمة بتصاحبها دمعة بتقتل قلبك من جوا ما بتقدر تتحكم بمشاعرك وأحاسيسك وقتها بتوقف كل شي علشان تمسح دمعتك و تكمل كتابتك ولما تخلص وتنشر يلي كتبتو الكل بقلك الله يعينك ويصبرك وخلص بمجرد القراءة بينسو كل اشي وبيرجعو للي كانو بيعملو هما ما بيعرفو حجم الحزن يلي بقلبك ما بيطلعو إلا عالظاهر – شوف كيف لبسو ،شوف كيف ضحكتو ما بتفارق وجهو -ومن هـالحكي ومن هالكلام بس ما حد بـيـقَدر إلا اللي مر بنفس ظروفك لا تقلي صاحبي المفضل ولا أي حد
بس ممكن يكون شخص إنت ما بتعرفو هو اللي مر بنفس ظروفك .. الوحيد يلي بيفهم كل كلمة إنت كتبتها وإنو كلامك يلي كتبتو مش مجرد قصة حزينة ولكن كل حرف إلو معنى ،،،الكلام كتيير وما بخلص وبصراحة .. مش قادر اكمل ..

بجد أنا أسف .

يعوض الله ،
ويعطي الله ، ويغنيك عن كل العباد الله ، ويجبر قلبك الله ،
ولا يفهمك و يفهم ضعفك وحاجتك وقلة حيلتك إلَّا الله". ❤️