هو لا يفهم في أنماط التدين كثيراً أو كتب الدين، لكنه يحب الله وقلبه معلق بالصلاة ،وما من شيء يحدث له إلا ويحادث الله به ، يعلم أنه موجود " يجزي عن الحسنات ويعاقب عن السيئات " ففي قلبه غريزة الإيمان التي اودعها الله في كل نفس لا ايمان الكتب والفلاسفة .


اللهمَ غريزة الإيمان الخالصة لوجهك الكريم ♥️

رابط قناة الأثر الطيب .. حاول تساهم في نشر القناة عن طريق ارسال الرايط لمجموعة من اصدقائك وشكرا الك
https://t.me/Athart

المرور بيوم سيء، لا يعني أَن حياتَك بأكملها سيئة، تفائلوا بالخير تجدوه بإذن الله :)

" أمضِ مستغفراً لعلك تنام مغفوراً لك " .

أختي الكريمة :

"اعشقيه مؤمناً، لا تنظري إلى طول لحيته، الايمان ليس باللحى، انظري إلى طيبته، هو سيحبك ويدافع عنك كما عقائد دينه، سيتذكرك كما الصلاة، ويدعو الله في كل صلاة أن تكوني له، سيصوم عن كل أنثىً غيرك، سيزكي عينيه إن شئت ِ ، وسيدعو الله أن تكوني له في الجنة إن لم يسطع إليك في الدنيا سبيلا، لا تصافحيه، اجعلي نفسك كما الجنة، وهل يصل الإنسان إلى الجنة دون أن يشقى ؟!"

وَمَنْ مِنَّا بٱستِطاعتِهِ تَحريمُ الحُبِّ ونفيُهُ مِنَ الوُجود ؟ مَنْ مِنَّا بإمكانِهِ منعُ القُلوبِ مِنَ الخَفقان ؟ مَنْ مِنَّا بِقُدرتِهِ التحكُّمُ بَمشاعِرِه ؟
سُلِبتْ مِنَّا المقدِرة عَلى كُلِّ هذا ، وأُمِرنا بترويضِ عَلاقاتِنا ، بِمُراوغةِ النَّفسِ وتهذيبِها لِيبقى الحُبُّ طاهِراً بريئاً مِنَ الشَّوائبِ وخالِياً مِنْها ..
سَلامٌ لِقُلوبٍ قاومَت ، لِقُلوبٍ كابدَتْ ، لِقُلوبٍ بالعِفَّةِ تمسَّكت ، لِقلوبٍ رُغمَ المُغرياتِ ثبتَتْ ..
وهدَى الله أفئدةً عماها الهَوى ورُغماً عنها تعثَّرتْ ..

اللهم لا تجعلني ممن يدل عليك ثم يعرض عنك ويدعو إليك ثم يفر منك .

الحمدُلله ♥️

‏ارسل دعوتك في السحر واكتبها بدمع العين على قراطيس الخدود ووجها للعرش وانتظر الإجابة.
#ادعوا_ربكم

نحو مفاهيم صحيحة:

لا يزال بعض الرجال يتسببون في إيذاء المرأة نفسيًا وعاطفيًا عندما يمتنعون عن الأكل من الطعام الذي تُعدّه المرأة الحائض أو النفساء تقززًا ونفورًا، ولا يعلمون أنّ هذا كان من عادات اليهود الذين علّمنا رسول الله صلى الله عليه وسلم مخالفتهم وعدم تقليدهم .
لقد كان النبي صلى الله عليه وسلم يضع رأسه في حِجر عائشة وهي حائض ويُشعرها بحبه وقربه منها، وكان عليه الصلاة والسلام يضع فمه ويشرب من المكان الذي تشرب منه عائشة من السقاء .

نصر فحجان - غزة

" إِلَّا مَنْ أَتَى اللَّهَ بِقَلْبٍ سَلِيمٍ " ♥️

- انا بدرس بجد بس بفوت الاختبار بتوتر وما بعرف احل شي واحيانا ما بقدر اركز .. شو اعمل ؟؟


..
حاول تجتاز مرحلة التوتر عن طريق إزاحة الخوف من داخلك .. كيف ؟
قلل من اهمية الإمتحان ولا تعطيه الهول الكبير والتعظيم وكأنه امتحان يؤهلك لدخول الجنة .
لا انصحك بأن لا تقرأ وتهمل دراستك ولكن إعطاء الأمر أكثر من حجمه يؤدي إلى فشلك والدليل هو توترك الزائد .. ضع في معتقداتك انك ذاهب لإمتحان لن يؤثر كثيرًا على معدلك حتى لو كان امتحان نهائي .. وإن شاء الله ستشعر بأنه " كوز " وتجتاز منه بكل سهولة .. الله يوفقك ..

مجرد رأي .. ورأيي ليس مقدس

- انا بحكي مع بنت جديد لسا بس بحكي معها عادي
ايش بتنصحني اكمل ولا انهي. الموضوع ّ
ف مناسبة اكبر مني ف سن .


..
نصيحتي لن تكون سبب تغيرك بقدر ما ستكون كلمات عابرة .. كأي معلومة قرأتها في كتاب .
..

لما تحكي مع بنت أكبر منك أو أصغر منك " أنت الإنسان الوحيد اللي عارف مصلحتك " يعني والله إذا بتحكي معها عشان بدك تعرف معلومة او هي بتقدم فائدة " لا ضير في ذلك " لأنك مش جاي تفسد نفسك بقدر حاجتك للمعلومة او الفائدة .. لكن والله اذا انت إنسان فاضي وبدك تسلي حالك وتحكي مع البنت من باب مش لاقي حد تحكي معه فما بنصحك لانه غلط ومش صح واللي بتعمل اليوم رح يصير فيك بعد سنوات " كما تدين تدان " اللي ما بترضاه على نفسك واهل بيتك ما ترضاه للناس ..
وهالأيام الكل صار يقول مش غلط نحكي مع بنات في زمن الفتنة .. لا يا أخي والله أكبر غلط .. وخاصة بعد الإنفتاح اللي صار عنا بزمن السوشيال ميديا .. صار سهل الشب يحكي مع بنت وسهل جدا البنت تحكي مع شب .. عشان هيك الأمر مش بإيدي ولا بإيد أي إنسان يقلك ما تحكي بقدر ما هو بإيدك أنت تغير من داخلك قول والله اللي بعمله غلط شو احكي مع بنت عشان انا فاضي وزهقان .. اصلا يوم بعد يوم الكلام رح يتطور " صح ممكن تكون واثق بنفسك وتقول لا مستحيل نلف يمين وشمال بالحكي "
تذكر " لا يخلو رجل بإمرأة .. والمواقع بينك وبينها الشيطان ..
والله شايفك .. حط مخافة الله بين عينيك " والله هل الرد عليها برضي ربنا " ؟!
طيب يا سيدي ليش نبعد كثير بالحكي !!!
مثال مش بسيط " لو الرسول جنبك بتحكي معها ؟!"
رح تقول لا ..
بدي اذكرك ربنا شايفك .. خالص تحياتي الك وسامحني ♥️

- كيف ممكن اوصل لدرجة كبيرة من اللامبالاة ؟

..
بالعامية " كُل خوازيق كثير " ..
اللامبالاة ما بتيجي من فراغ شوف اليوم الإنسان في بداية حياته لما يصاب بمصاب او خيبة او او او الخ .. بتلاقيه تعب نفسيًا ومكسور ومش قادر يكمل الحياة .. لكن الكبير بالسن او العجوز صاحب سن 70 سنة لو صار شو ما صار ولا كأنه صار شي " بطلت تفرق " ( بهمش ) ..
يعني في يوم من الأيام وبشكل مفاجئ رح تلاقي نفسك بتتلقى مصائب وانت مبتسم وبارد جدًا .. لأنك بتقول في داخلك " شفت امر من هيك بدها تفرق معي " ؟!

...
تنساش أول 70 سنة بالحياة صعبة ♥️

- شو آخر ماكتبت وشو كتابك المفضل ؟

..
أخر ما كتبت قصة عن تاريخ حركة حماس بطريقة درامية . وتم نشر القصة .

الكتاب المفضل غير محدد ولكني أحب قراءة كتب التنمية البشرية لأنني أرى حاجتي لها في هذا " السن " ♥️

- شو بتنصحني ادرس لاني بدي أخلص توجيهي ماني عارف شو اتخصص .

..
شوف أنت وين بتلاقي نفسك .. يعني لو انا قلتلك ادخل تخصص إعلام رح تدخل وانت ما بتحب التخصص ؟!
" حب ما تعمل كي تعمل ما تُحب " ..
قول في نفسك انا وين رح الاقي نفسي بالمستقبل ؟!
غمض عينك وشوف وين انت بعد 10 سنوات ..
وربنا يوفقك .. انت بتختار تخصصك بحسب قدرتك وما تسمح لحد يقلك ادخل التخصص اللي هو حابه .

- كيف يمكنني ان انتصر على اعدائي ؟
..

رأيي ممكن ما يعجب الكُل بس عن تجربة " قاتل الناس بالحُب " اليوم لو عدوك عاملك بسوء وعاملته بإحترام رح يكره حاله " وانت ممكن في بداية الأمر تشعر انك بتهين نفسك وبتنزل من مقامك بس بالعكس انت هيك بتكبر في عينه وبتأجل امرك ليوم الحساب " ربنا ما بنسى حد " اليوم تعامل بحُب واحترام حتى لو تمت إهانتك بيوم من الأيام الكل رح ينظرلك نظرة مختلفة انك انسان مختلف .. رح يتذكرك الكل بعد وفاتك انك انسان خلوق ومؤدب على الأقل .. ♥️

- شو نوع الكتب الي بتحب تقرأ فيها وتحب الرويات وشو آخر الرويات الي قريت وبتتتصح فيها .

..
يمكن تستغرب لو قلتلك ما تقرأ روايات أو قصص .. اقرأ كتب تأثر فيك وتقدمك في حياتك مش كتاب يموت فيه البطل او كتاب في كلام غزل حبيته او قصة خيالية بتخليك تبكي وانت بتعيط .. اقرأ كتاب يخليك تحب انسان بحاول يتقرب منك تترك انسان ما بتمنالك الخير .. تبحث عن الأمل وتغير مفاهيمك بالحياة ..
الكتب مفيدة جدًا بس انتقي الكتب المميزة اللي رح تخليك إنسان جديد .. للعلم وبشكل كبير تغيرت مفاهيم البعض مع قراءة الكتب " لدرجة الإلحاد "
صار ملحد بعد إعجابه لكاتب .. الحديث في هذا الموضوع يحتاج إلى نقاش ولكن سؤال لعشاق القراءة .. " هل من الممكن ان تحدثني عن حياة صحابي ترك فيك خلق جميل أو اثر طيب "؟
...

السؤال من أجل مراجعة النفس .

- ليش مابتنشر كتير ؟

..
الحياة مش " تيليجرام ولا فيس بوك وانستقرام .. في جامعة وفي عمل في حياة وأصدقاء في عالم حقيقي بعيشه بيومي العادي .. والسوشيال ميديا مجرد منصة .. .

- ماهو الضياع ؟

..
" تلاقي شبشبك مسروق من على باب المسجد "

..
ههه بمزح بس من باب الضحك ..
الضياع : هو الفقد والحاجة في وقتٍ واحد " لما تفقد شيء وما تعرف شو سبب فقدك او ما في مبرر للضياع "
..
وتعريف الضياع ما بحتاج نص كتابي بقدر ما بحتاج إحساس .. " شوف انت بشو حاسس .. أقلك ؟!
الضياع انك مش عارف نفسك بشو حاسه .

خلينا نحكي عن الضياع بعدين بلاش نقلب المواجع ♥️

- الإنترنت منتشر بشكل كبير كيف بدي اقلل منه .

..
اشغل نفسك , اقرأ , اخرج مع اصدقائك , تنزه .. ♥️