ماذا لو أصبح أنس اعلاميا مشهورا ; ما هي الاشياء التي ستتغير في حياته ؟

....

لو تحدثت عن هاد الشيء قبل الوصول اليه ربما لن أكون صادقا تماما لأنني لم أعايشه ,, و لكن على سبيل التوقع للأشياء التي ستتغير في حياتي ,, فأتوقع أن أكون أكثر تفاؤلا ,, أكثر بهجة ,, أكثر راحة و رضى عن نفسي 💙

ممكن صورة الك نتعرف على شكلك ؟!

..
تفضل :) .

- أكثر أنشودة بتحبها ؟
..
ما في أنشودة محددة لأني بحتفظ بالأناشيد اللي بسمعها من 2011 يعني عندي تقريبًا 4.000 انشودة .. أو أكثر .

...
لكن في انشودة بحب انشدها اسمها " احلى خبر لو فاضت الروح لله "

- محمد منصور ومحمد معمر ... نفسي افهم شو بينك وبينهم ... ليش متعلقين ببعض هيك ؟!

..


في البداية .. حلو جدًا يكون عندك شغف تعرف شو سر التعلق ..
لكن " احكيلك شغلة " الإنسان لما يلاقي إنسان بكمله في جميع الأشياء في حياته .. فما بقدر يستغني عنه ..
وعلى فكرة البعض بظن صداقتنا من أيام أو اشهر .. أو علاقتنا بدأت إلكترونيًا .. لكن الصراحة العلاقة بدأت قبل 6 سنوات يعني لا انا ولا محمد ولا محمد كنا نعرف حاجة اسمها فيس بوك ..
علاقتنا كانت مبنية على حب وأخوة .. وكانوا مش أصدقائي المقربين ع فكرة .. كانوا اصدقاء اخوي عبدالله رحمة الله عليه .. ولأني كنت متعلق بعبدالله وين ما يروح معاه وين ما يطلع اكون معاه ..
فتعلقت في اصدقائه .. وبعد رحيل عبدالله .. ضل صحابه حولي وما تركوني بل ساعدوني عشان ابدأ حياتي من جديد .. وقفو معي بالشدة واسعدوني .. وبنظر أهلي "أصدقائي اخواتي " يشهد الله أبوي بعتبرهم مثلي وبحبهم كثير .. وكل ما يكونوا عندي بيجي بشرب معنا قهوة .. وكمان اخواتي الصغار يمزحوا معهم وكأنهم اخوة .. " محمد منصور ومحمد معمر ومحمد أبويوسف من أصدق الأصدقاء .. ربي يحفظهم .. مرت أيام مرة وايام حلوة وكنا مع بعض ..
والحمدلله .. بيصير زعل بينا وما بدون بفضل الله .. لانه صداقتنا مش مبنية على مصلحة او على هدف دنيوي .. الله يجمعنا في الجنة يارب ..
...
احكيلكم شغلة أول مرة أحكيها :

بتذكر يوم ما استشهد عبدالله .. أبوي اتصل بمحمد منصور وكمان محمد أبو يوسف حكالهم عظم الله اجركم بإستشهاد أخوكم عبدالله .. من كثر ما كانوا مع بعض ♥️

- نصيحه النا لما نمر بعواصف الحنين

...
حدد سؤالك.. عشان بصراحة أحيانًا الحنين بيكون لأشخاص تركوا الحياة واحيانًا لناس بنحبهم والمسافة مفرقانا .. واحيانا لناس بنكرههم بس تركوا ذكريات حلوة فينا ..
..
عمومًا كلنا بنمر في عواصف الحنين ,, و لكن تعاملنا معها بختلف من شخص لآخر ,, أنا بفضل لو اتعاملنا معها بشكل عادي و أهدينا دعوة حلوة لهالأشخاص الي بنشتاقلهم ,, الأمر أبسط من انه نستهلك عليه كل مشاعرنا 😁

- بدنا انشودة روحانية وحلوة منك ..

..
حاليًا بسمع أنشودة مهلًا أخي .. وكلماتها حلوة جدًا .. نصيبك تسمعها معي ♥️

https://www.youtube.com/watch?v=p-emrtvHvlk

- كيف بتقضي يومك شو بتعمل فيه ؟

...

الحياة من انسان لانسان بتختلف ,, و كمان الأيام ,, في أيام بتكون مع العائلة ,, و أيام بغير فيها أنا و أصدقائي جو ,, أيام للشغل ,, أيام بتمر بدون ما أشوف حدة ولا أكلم حدة لأني بكون محتاج أراجع نفسي بكثير أشياء و أغير حياتي للأفضل ,, و في أيام بتكون مزيج ما بين الأصدقاء و العمل و الخ ,, 💙

- شفت الك صورة انت ومؤمن مرجان ومحمد
بتعرف مؤمن .؟

..
صحيح بركة مؤمن .. ربي يحفظه ♥️

- كم عمرك وشو بتدرس بالجامعة ؟

..
لو مهتم بإمكانك تزور حسابي الشخصي على الفيس بوك .. #قائمة_حول .

https://www.facebook.com/anasnasrfh/about?lst=100014818093927%3A100014818093927%3A1485551149

- لو عادت الحياة بأنس سنتين للوراء ; ما هي الأشياء التي ندم عليها و سيغيرها ؟

...

بندم اني ما بدأت في قراءة الكتب من زمان ♥️

- ما هو الكتاب الذي تقرؤ حاليا ؟

..
رواية ميمو زين .. ما بظن في حد منكم عمره قرأها .. اقرأوها رائعة جدًا .. انا امبارح بدأت فيها ♥️

- مين اقرب صديق الك ؟
وهل الاستاذ راجي الهمص من أصدقائك؟
..
..
مجموعة أصدقاء مع بعض مقربين .. دايمًا مع بعض ♥️
أما الأستاذ راجي هو بمكانة أخي الأكبر . ♥️
ولو سألتو السؤال رح يجوابك نفس الإجابة مع تغيير بسيط " اخوي الصغير " هههه ♥️

- عندمآ تكون حزين إلى ماذا تلجأ لتجلب لنفسك السعآدة ؟

..
موكلها لله عز وجل والحمدلله " الحياة ماشية " وبعد الله عز وجل ..
بقعد مع أهلي .. سعادتي بوجودهم ..
..
ع فكرة : الحزن اذا اعطيته فرصة يسيطر عليك " غلبك وسيطر عليك " لكن لو واجهته وتحديته .. وشغلت نفسك والتهيت .. حياتك بتمشي وما بتشوف الحزن نهائي ..

- موقف ابكاك غير استشهاد اخوك عبدالله !؟

..
كثير مواقف وبسيطة جدًا
" الناس منقسمين لقسمين "
- ناس دمعتهم قريبة يعني من موقف انساني او شيء محزن او مشهد من فيلم او غيره بتلاقيه ببكي ..
- وناس صعب تشوف دمعتهم حتى لو صابتهم مصيبة .

..
انا من الناس اللي دمعتي قريبة .. لما كنت احضر برنامج نافذة الخير برمضان على فضائية الأقصى .. بلاقي حالي تلقائيًا " بدمع " .

- صلاح صافي شو بالنسبة الك ؟

أخوي ♥️

- نصيحتك لطالبة جامعبة :

جددي النية ,, داومي على صلواتك ,, حاولي أن تلتزمي بمواعيد الصلاة و تصليها على وقتها ,, لان التزامك بمواعيد الصلاة سيسهل عليك جميع أمور حياتك و سيساعدك في تنظيم وقتك ,, حاولي تدرسي بعد صلاة الفجر و ما بين الساعة 7:00 و 10:00 مساءا او اختاري أكثر اللحظات هدوءا ,, ما راح يكون يومك كله للدراسة ,, 3 ساعات شيء رائع ,, طبعا مش لازم ننسى رضى الوالدين الي هو أهم
شيء بالدنيا و أساس التوفيق بعد الله ,, و راح تنتظم باقي أمور حياتك بالتدريج باذن الله 🌸

على ثرى غزة المبارك من جنوبها إلى شمالها ومن شرقها إلى غربها، يواصل مجاهدو القسام رغم البرد والامطار رباطهم على ثغورها، وكأنّ عتمة الليالي هي كحل عيونهم التي تبصر نور النصر والتحرير والتمكين.

عينان لا تمسهما النار: عين بكت من خشيت الله , وعين باتت تحرس في سبيل الله

- بصوت مين بتحب تسمع القرآن ؟

..
يوسف الداغوش .. مزمل حسب الله .. سلمان العتيبي ♥️

- تخرجت من الجامعة ؟

خلصت دبلوم والحمدلله .. الان بدي أكمل مسيرتي التعليمية 😂

نصيحة منك الي لحتى اقدر أتخلص من العنآد الي عندي ؟

..

لو بحثنا في أسباب العناد بنلاقي أهم سبب فيه انه بكون الشخص فينا مر بتجارب سابقة و قاسية نوعا ما و تراكمت هاد التجارب عند الشخص و أصبح ينفر منها و بالتالي هو راح يقاوم اي موقف شبيه بهاد المواقف ممكن يمر فيه ,, التخلص من العناد راح يكون بانه احنا ما نحلل تصرفات الناس على اساس شخصي او وجهة نظر شخصية تنفرنا منهم و تخلينا ما نتقبل ارائهم و نلجأ للعناد ,, يعني نكون أشخاص سلسين و عمليين في حياتنا و نتقبل وجهات نظر بعض .