" لا تنحنِي ولاتسقُط ، قف ووَاجه الحياة بكُل أريحيّة ، تذكر إنّ وراء كُل غيّم كثيف هُناك مطَر. "

♥️

بذكر الإله تطيب الحياة ♥️

#انشودة

اللهم صل وسلم وبارك على سيدنا محمد .. نغمة رنين جميلة ♥️

اذا أردت أن يُعطيك الله ما تتمنى وما تريد فإفعل هذا الشيئ ❤️. .

مين فاكر .. فقرة الاسئلة ؟
..
من باب التفاعل مع المشتركين في القناة اسأل وإن شاء الله .. رح انشر الإجابة على القناة . :)

http://sayat.me/AnasNasr/read#_=_

- متوقع یکون فی حرب عن قریب!!؟

....
العلم عند الله , لكن دائما .. تسبق الحرب مؤشرات واحداث تهيئ لحرب .. وهذا المؤشرات واضحة من أشهر .. اسرائيل من حين لأخر تصعد وتقوم بنشر الفيديوهات لتكره الشعب بالمقاومة والمقاومة تقوم بنشر فيديوهات لإظهار جهوزيتها كفيديوهات التدريبات .. أيضًا .. الفيديوهات الأخيرة للأسرى .. كانت رسالة قوية للإحتلال ..
..
في النهاية .. " الله لا يجيب حرب وربنا يحفظ شعبنا الكريم الناس مش متحملة حالها "

..

- نصيحة بتوجهها لمقدسية ؟

..
النصائح كتار .. لكن ما حددتي من اي ناحية .. بس تجاوزًا .. الإلتزام بالصلاة و الفرائض .. المداومة على الاذكار .. الالتزام باذكار الصباح والمساء ..
الارادة و عدم الاستسلام امام الاحتلال .. و دعواتك لأخوانك في غزة وأنتِ عند المسجد الاقصى 💜

لو لم يكن اسمك أنس ; ماذا كنت ستسمي نفسك ؟

#محمد

..
شو هدفك بالحياة وهل تظن انو الندم بداية لحياة جديدة
ولا مجرد تضيع وقت ؟
...
كل انسان فينا عنده أهداف بطمح يحققها ,, و لكن لو حكيت عن هاد الأهداف راح أكون أقل ارادة لتحقيقها ,, لما أوصل الها باذن الله راح أحكيلكوا عن رحلة وصولي 💙


أما بالنسبة للندم و الانسان الي بندم فهو انسان صادق مع نفسه و صاحب قلب طيب ,, و طبيعي ما حس بالندم الا لأنه بملك قلب جميل و حابب يسمو بنفسه للأفضل ,, عمره ما كان الندم شيء سيء ,, و هو فعلا بداية التغيير ,, و بداية لحياة جديدة و مش تضييع وقت 💚

لكن المبالغة في الأمور سيئة و كذلك الندم ,, لأنه ممكن هالاشي يضعف من شخصية الانسان و يحسسه انه هو أقل من الناس 💜

طريقة تسهل عليا حفظ القران ؟

...

حفظ القران بحتاج منا نية صادقة ,, لأنه لولا وجود هالنية ما راح نقدر نواصل و ممكن نستسلم لليأس ,, و بالتالي أنا لازم أكون صادق في نيتي بين و بين نفسي لحفظ القران ,, و ما أبدأ بجزئيات كبيرة ,, يعني بالتدريج ,, في اليوم الأول نص صفحة و اليوم الي بعده صفحة كاملة ,, و راح تسير أمورك كلها بشكل حلو باذن الله 🌸

نيتك لترك المعصية راح تخليكي تتركيها باذن الله ,, حتى لو بعد حين ,, 🌸

ماذا لو أصبح أنس اعلاميا مشهورا ; ما هي الاشياء التي ستتغير في حياته ؟

....

لو تحدثت عن هاد الشيء قبل الوصول اليه ربما لن أكون صادقا تماما لأنني لم أعايشه ,, و لكن على سبيل التوقع للأشياء التي ستتغير في حياتي ,, فأتوقع أن أكون أكثر تفاؤلا ,, أكثر بهجة ,, أكثر راحة و رضى عن نفسي 💙

ممكن صورة الك نتعرف على شكلك ؟!

..
تفضل :) .

- أكثر أنشودة بتحبها ؟
..
ما في أنشودة محددة لأني بحتفظ بالأناشيد اللي بسمعها من 2011 يعني عندي تقريبًا 4.000 انشودة .. أو أكثر .

...
لكن في انشودة بحب انشدها اسمها " احلى خبر لو فاضت الروح لله "

- محمد منصور ومحمد معمر ... نفسي افهم شو بينك وبينهم ... ليش متعلقين ببعض هيك ؟!

..


في البداية .. حلو جدًا يكون عندك شغف تعرف شو سر التعلق ..
لكن " احكيلك شغلة " الإنسان لما يلاقي إنسان بكمله في جميع الأشياء في حياته .. فما بقدر يستغني عنه ..
وعلى فكرة البعض بظن صداقتنا من أيام أو اشهر .. أو علاقتنا بدأت إلكترونيًا .. لكن الصراحة العلاقة بدأت قبل 6 سنوات يعني لا انا ولا محمد ولا محمد كنا نعرف حاجة اسمها فيس بوك ..
علاقتنا كانت مبنية على حب وأخوة .. وكانوا مش أصدقائي المقربين ع فكرة .. كانوا اصدقاء اخوي عبدالله رحمة الله عليه .. ولأني كنت متعلق بعبدالله وين ما يروح معاه وين ما يطلع اكون معاه ..
فتعلقت في اصدقائه .. وبعد رحيل عبدالله .. ضل صحابه حولي وما تركوني بل ساعدوني عشان ابدأ حياتي من جديد .. وقفو معي بالشدة واسعدوني .. وبنظر أهلي "أصدقائي اخواتي " يشهد الله أبوي بعتبرهم مثلي وبحبهم كثير .. وكل ما يكونوا عندي بيجي بشرب معنا قهوة .. وكمان اخواتي الصغار يمزحوا معهم وكأنهم اخوة .. " محمد منصور ومحمد معمر ومحمد أبويوسف من أصدق الأصدقاء .. ربي يحفظهم .. مرت أيام مرة وايام حلوة وكنا مع بعض ..
والحمدلله .. بيصير زعل بينا وما بدون بفضل الله .. لانه صداقتنا مش مبنية على مصلحة او على هدف دنيوي .. الله يجمعنا في الجنة يارب ..
...
احكيلكم شغلة أول مرة أحكيها :

بتذكر يوم ما استشهد عبدالله .. أبوي اتصل بمحمد منصور وكمان محمد أبو يوسف حكالهم عظم الله اجركم بإستشهاد أخوكم عبدالله .. من كثر ما كانوا مع بعض ♥️

- نصيحه النا لما نمر بعواصف الحنين

...
حدد سؤالك.. عشان بصراحة أحيانًا الحنين بيكون لأشخاص تركوا الحياة واحيانًا لناس بنحبهم والمسافة مفرقانا .. واحيانا لناس بنكرههم بس تركوا ذكريات حلوة فينا ..
..
عمومًا كلنا بنمر في عواصف الحنين ,, و لكن تعاملنا معها بختلف من شخص لآخر ,, أنا بفضل لو اتعاملنا معها بشكل عادي و أهدينا دعوة حلوة لهالأشخاص الي بنشتاقلهم ,, الأمر أبسط من انه نستهلك عليه كل مشاعرنا 😁

- بدنا انشودة روحانية وحلوة منك ..

..
حاليًا بسمع أنشودة مهلًا أخي .. وكلماتها حلوة جدًا .. نصيبك تسمعها معي ♥️

https://www.youtube.com/watch?v=p-emrtvHvlk

- كيف بتقضي يومك شو بتعمل فيه ؟

...

الحياة من انسان لانسان بتختلف ,, و كمان الأيام ,, في أيام بتكون مع العائلة ,, و أيام بغير فيها أنا و أصدقائي جو ,, أيام للشغل ,, أيام بتمر بدون ما أشوف حدة ولا أكلم حدة لأني بكون محتاج أراجع نفسي بكثير أشياء و أغير حياتي للأفضل ,, و في أيام بتكون مزيج ما بين الأصدقاء و العمل و الخ ,, 💙

- شفت الك صورة انت ومؤمن مرجان ومحمد
بتعرف مؤمن .؟

..
صحيح بركة مؤمن .. ربي يحفظه ♥️

- كم عمرك وشو بتدرس بالجامعة ؟

..
لو مهتم بإمكانك تزور حسابي الشخصي على الفيس بوك .. #قائمة_حول .

https://www.facebook.com/anasnasrfh/about?lst=100014818093927%3A100014818093927%3A1485551149

- لو عادت الحياة بأنس سنتين للوراء ; ما هي الأشياء التي ندم عليها و سيغيرها ؟

...

بندم اني ما بدأت في قراءة الكتب من زمان ♥️

- ما هو الكتاب الذي تقرؤ حاليا ؟

..
رواية ميمو زين .. ما بظن في حد منكم عمره قرأها .. اقرأوها رائعة جدًا .. انا امبارح بدأت فيها ♥️