انحلت مشكلة برشلونة والريال ولا لسا ؟

منذ مدة طويلة وانا منقطع عن العمل الإعلامي الميداني .. #التصوير .
..

بالمناسبة .. منذ ثلاثة أيام وأنا اكتب قصة جديدة ..
في الحقيقة .. القصة صعبة بعض الشيء لأنها مربوطة في الواقع بشكل كبير , ويجب قراءة الكثير من كتب التاريخ لإستكمال بعض الأجزاء والتعرف على بعض التفاصيل التي ستساعد في إنجاز القصة ..

بالكم انجزها قبل 14-12-2016 ؟

https://www.youtube.com/watch?v=c6xRsMXiT_0

بإذن الله بكرة طالعين .. اسرانا من الزنازين ♥️

‏عمومًا: بعد كل شعور مُر أشربوا قهوة .

فتاريخنا الفلسطيني مكتظ بالأحداث، وكذلك البطولات، والملاحم، وربما المجازر، والحروب.
فهذه حياة الفلسطيني باختصار.
و من هنا تبدأ حكايتنا..
.............


قريبًا ... ♥️

‏أكتب لي كما لو إنها المرّة الأخيرة التي تستطيع فيها الوصول إلي.


هنا ..
http://sayat.me/AnasNasr

لا تؤذي قلبا لم ترى منه الا كل شيء جميل .

صلوا على نبيّكم💛

الدنيا فانية .. يا بتتعامل بحب وانسانية .. وتترك اثر طيب با ما في لازمة لوجودك في هالحياة ..


..
ما تعيش حياتك بتتصيد اخطاء غيرك ومجاكر في غيرك وبتنتقم من غيرك ..

كون صاحب ضحكة حلوة ومبين انها من القلب .. خليك قريب من الكل .. ما تظن التنازل ضعف .. ولا اهانة .. تنازل بس ولو لمرة عشان تسعد غيرك .. شوف بعد ايام كيف حياتك .
..
انا واثق رح تفكر شو تتنازل كمان عشان تسعد اللي حوليك ..
ما تفكر بنفسك عشان ما تتعب ..
فكر بإسعاد وحل مشاكل غيرك .. رح تتحول حياتك لجنة .. ليش ؟
كما تدين تدان رح يكرمك ربنا بإنسان .. يفكر في همك وحياتك ويدور على اسباب سعادتك ويعملك كل اللي بتتمناه ..

..

الخير موجود فينا بس احنا بنقول " نفسي نفسي " .. انت من جوا نظيف وطيب وقلبك ابيض .. وما في حد بشك في هاد الشي .. حتى تصرفاتك السيئة مش بإيدك .. أنا عارف .. التصرفات اللي صارت خارج ارادتك ..مش بإيدك .. انت زاد همك وتعبت وصار اللي صار .. ضمرك خليه صاحي .. دايمًا .. بتفكر بكل كلمة قبل ما تطلع بتخاف كلمة منك تكسر اي انسان .. وحتى حركاتك بتراجع حالك اول بأول .. بتخاف تظلم وتكسر قلوب اللي حوليك ..

يا حبايب .. احنا في هالدنيا زوار .. مش عارفين متى ربنا رح يوخذ امانته .. بس لازم نحهز حالنا ..
اليوم حرمت نفسك من ملزات الدنيا وشهواتها .. عشان عارف فيه جنة وفيه نار .. ربنا ما رح ينسالك هاد الشي .. رح يعوضك ..


والله كريم .. ♥️

- لا تحفل بالأخرين الذين تركوك و رحلوا بعيداً، لا تستغرب ابداً، قد تفعل ذلك مع نفسك يوماً، ستتركك ولن تسأل عنك. سيحدث ذلك عندما تكتفي من الخيبات، عندما تأتيتلك المفاجأة الصامته التي تجعلك تبتسم بشفتيك الشاحبتين، ليعتصر قلبك أخر قطرة شجاعة لديه، حينها ستموت وأنت على قيد الحياة .. لِذلك عِش ما دام قلبك شجاعاً كفاية .. عِش ما دام روحك مليئة بالحياة.💛

#الأثر_الطيب

يخو :

أوعك في يوم من الأيام تفكر تخفي عفويتك وتخجل منها ! عفويتك نعمة من ربنا عشان تخفف اليأس والحزن إلي بتعيشه ، أوعك توقف ضحك عشان ما توقف الحياه في روحنا؛ لأن ضحكتك هي الي بترد الروح لالنا ؛ عفويتك وروحك الحلوة هي الي بتخلينا نتجاوز كل الأمور الصعبة . إنت إلي بتخلينا نعيش. 💛

امانة فهمت ؟

- اسمع شو بدي اقلك
- قول ؟
- شعور حلو بس تقعد بينك وبين حالك وتفكر بحياتك .. 🤔
وتشوف انه يا الله قديش تعبت وتعبت .. قديش شفت بحياتك اشياء صعبة ومريت بظروف حسيتها فوق طاقتك وشفت ناس بتمنولك الشر وبس بدهم يحبطوك وما بدهم اياك تكون مبسوط بحياتك ..
بس تتذكر قديش كان عندك مشاكل خلتك بلحظة تفكر حالك انسان ضعيف .. وقديش هالمشاكل يمكن كانت كبيرة لدرجة انه مستحيل جبل يتحملها ..

بس تعال علي احكيلك هالإشي

فكر بحالك الحين وشوف .. انت الآن عايش ومبسوط وهالمشاكل تحملتها وكنت قدها ، بتعرف ليش ؟
لانه ما في اشي اسمه فوق طاقتك
وتذكر انه { لا يكلف الله نفساً إلا وسعها } ..
شوف حالك قديش كنت قوي وقد " حالك " وكنت سند "لحالك" وما صعب عليك اشي ..
وقتها بتحس بشعور رائع بدخل على قلبك بالزبط زي شعور الإنتصار .. وبتيجيك تنيهدة فرح بتحكي فيها ياااه شو اني انسان قوي ،
هالقوة اللي انتَ حاسس فيها هاي حقيقة .. هاي القوة واقع لانك فعلا بني ادم قوي

اوعى بعد كُل هالقوة انك بيوم من الأيام تستسلم عشان اي اشي ... انتَ بتقدر تتحمل كل شي لانك ' #قوي '

فهمت علي ؟!
- أكيد فهمت ..

..
خلي ردك أكيد .. كون واثق بنفسك ♥️

- ممكن تسمعني ؟
- ممكن !!
- أحياناً الإنسان لما يتعوّد على روتين معين ومع مرور الوقت بيفقد الشعور بقيمة اللحظة وبصير بشكل أو بآخر غير مدرك بإنو هالحال اللي هو عايش فيه حينتهي , كأنه ومع التعويد بيضمن بأنه ما في شيء حيتغير وبفكر إنه حيضل عايش هاللحظات للأبد , عالأقل مع نفس الأشخاص ..

بس سنّة الحياة حتنقلك لروتين مختلف بأشخاص مختلفين ووقتها بس الواحد بيدرك قيمة اللحظات اللي عاشها بدون إهتمام وممكن وقتها يندم على المواقف الكثيرة اللي كان فيها بارد , فاقد للإحساس , غير مراعي لشعور اللي حواليه.
على المواقف اللي فضّل فيها الإنعزال عن صنع الذكريات وعن حفظ الملامح وعن تقديس اللحظات اللي ما حتتكرر ..

وين الحياة حتتركنا بعد سنة أو سنتين أو حتى عشر سنوات هالشي في عالم الغيب ..
المهم في الحاضر تعلّم تقدّر اللحظة .. تعلّم توقف الزمن وتحفظ الملامح وتحفظ المشاعر اللي صاحبت هاللحظات .. تعلّم تخلي الناس اللي حواليك يعرفوا إنك بتحبهم وبتقدرهم وإنك شاكر لوجودك معهم ..

صدقني هالأشياء بسيطة كثير ويمكن الواحد ما يشوف إلها قيمة حالياً , بس مع الوقت كل شي حيختفي إلّا هاللحظات. ❤️
- يااااااه .. والله كلام صحيح .. ♥️

...

" لأصدقائي العفويين "
اللطافه ياعزيزي بتجلب مشاكل لما تكون موجهة للناس الغلط ؛ بمعنى اخر .. لما انت تضحك في وجه شخص سيء النوايا؛ انت سببت لنفسك مشكلة لمجرد كونك عفوي ولطيف!
لما تساعد شخص وينتهي به المطاف انو يستغلك ؛ انت هان اعطيتها للشخص الغلط.
انا مش بطلب منك توقّف عن كونك لطيف وعفوي..هالاشي هو احلى اشي فيك؛ بس كون حذِر.

..
من باب الأخوة حبيت اقلك ♥️

- بتعرف شو أقرف شعور ؟
- اه بعرف
- طيب. شو أقرف شعور ؟
- اقلك .. اتك تعيش ف مكان معبى ناس بس تضل حاسس حالك وحيد ، تحس حالك مش قادر تحكي لاي حدا اي اشي ، الكل موقف ضدك وشايفك غلط ، ما الك اي حق تحكي الي بتفكر فيه ولا الك اي حق تسوي الي بتحبه ، عايش ف مكان حُر بس انت مش حُر ولابحياتك رح تكون حُر. قمع و تخريب ومعاملة سيئه بس مش مسموحلك تحكي حتى الصح! ليش ؟ لانهم مفكرين هم الصح وانت الغلط ، مفكرين انهم بفهموا بكل اشي وانت بس الغبي التافه الي لازم تموت. هاي غربه موحشة ومابحياتك رح تلاقي الطريق، انت محبوس ؛ مأكول حقك ومخروس ومع هيك ، ممنوع تحكي لأ؛ ممنوع تحكي رأيك الا اذا كان مثل رأيهم. ماحدا بهتم فيك ولاحدا بسأل.. المكان معبى ناس بس انت وحيد ومريض، بينتهي فيك الأمر مزتوت بالسرير وبتتمنى الموت الف مره ولاتطلب من حدا منهم طلب، لانك عارف شو الجواب ومش حابب تسمعه.
- يالله .. والله شعور مقرف جدًا .
..

..

الشتاء ربيع المؤمن ..

الأجواء باردة والأغلب الأن مدفي حاله تحت البطانية عشان ما يشعر بالبرد ..
لو طلبت منك تقوم تتوضأ وتصلي ركعتين قبل ما تنام , وكمان عشان تكسبها وتنام على وضوء .. الأمر مش صعب .. بس محتاج جهاد نفس .. اسأل نفسك سؤال .. مين أقوى أنت ولا الشيطان .. يلا يلا " زمان لما كان ابوي بدو يشجعني أقوم لصلاة الفجر .. كان يقول " الشيطان غلبك واقوى منك مش قادر تقوم .. اقول لا لا أنا اقوى واقوم أقف قدام المي اضل ساعة استنى تصير دافية هههه " ذكريات طفولية ..
المهم :
يلا نشوف مين أقوى ؟ أكيد متابعين القناة قويين ورح يهزموا الشيطان ويثبتولوا انهم ما بيتأثروا بوساوسه ..
..
وما تنسى تقرأ المعوذات وسورة الملك .. وأية الكرسي .. واذا ما قرأت اذكار المساء .. اقراهم قبل ما تنام .. والله يخفظك ..

سامحوني طولت عليكم .. بس والله بحبكم وربنا يجمعنا في الجنة ♥️

هي جنة طابت وطاب نعيمها .. ❤