- انا طالبة توجيهي لما اجي ادرس وامسك الكتاب باقعد افكر كتير متلا كم بدي اجيب كيف راح ييجي الامتحان وما باحس حالي انجزت اشي .. وخايفة من هالسنة ..

.....

بما إنك طالبة ثانوية عامة حاولي يكون وقتك منظم وخلي ثلث يومك دراسة .. يعني اليوم فيه 24 ساعة .. قسميهم 8 ساعات دراسة ، 8 ساعات نوم ، 8 ساعات راحة و اكل وطشات ... الخ ..

اتبعي النصائح التالية ، من خلالها رح يسير تفكيرك كله بالدراسة ان شاء الله ..
1- حددي اهدافك ، اكتبيهم في ورقة صغيرة ، مثلا اكتبي اريد ان احصل على معدل (..) % ، في الورقة الاهداف اكتبي لمين رح تهدي هاد التفوق والنجاح ، لأمك ، لابوكِ اللي تعبوا في توفير متطلباتك .. عشان هاي اللحظة المنتظرة لحظة نجاحك .. حاولي كل يوم تتخيلي يوم الشهادات وانتِ حاصلة على معدل تتمنيه .. هاد أكبر حافز للدراسة ,, الحافز الداخلي ..
2- صلي الصلوات على وقتها .. ولا تضيعي فرض ، مش عشان الدراسة والله يوفقني في توجيهي بس ، وبعد توجيهي رح اترك فرائضي .. بل لان الصلاة تعطي الراحة والسكينة .. لا تنسي تدعي لنفسك وانتِ بين يدي الله .. خلي أهلك يدعولك لان دعوة الوالدين مستجابة ..
3- حاولي تحضري كل دروسك قبل ما تروحي على المدرسة .. وأهم شي المراجعة اول بأول .. راعي وانتِ بتدرسي التركيز .. حاولي تدرسي المادة عن حب واكتشاف ..مش للدراسة وامتحان ..
4- لا تسمعي لكل واحد بحكي توجيهي صعب ، بالعكس توجيهي سهل وسهل جداً بس بدك تشدي حيلك لأنه مصيري ... والكل بيطلع على معدلك ، حاولي ما حدا تضيعي فرحة توجيهي لأنها فرحة لا يضاهيها فرحة ..
5- وقت ما تيجي تسرحي او تفكري بأي شي استغفري و سبحي .. وأقرأي ورقة أهدافك " تحفيزك الداخلي "
6- لا تحكي لحدا عن شو درستي او وين وصلتي .. دراستك إلك بس ..
7- لا تقعدي كتير على النت لانه ملهي بالدرجة الأولى .. خسارة تضيعي سنتك وفرحتك بالتوجيهي عشان النت ..
8- توكلي على الله ، والله ما بيضيع تعب حدا .. أعطيكي جدول بسيط ممكن تسيري عليه .. أولا لما تروحي من مدرستك خدي راحة ونامي ساعة .. قبل العصر بنصف ساعة إذا كان عندك واجبات حليهم .. كل مادة خصصي إالها ساعة إلا ربع .. تحضير ومراجعة .. وربع ساعة راحة ..

وربي يوفقك ويحقق أحلامك ..

كنت اتمنى ان ينصحني احد وانا في الثانوية العامة مثلما كتبت لك . الحمدلله

هي نصائح نشرتهم مسبقًا عن موضوع الدراسة .. الله يوفقكم جميعًا .

" فويلٌ للقاسيةِ قلوبهم من ذكر الله " ..

صباح الخير .. 😊
الله يسعدكم جميعا ..

‏وإن ضاقت عليك كل الأركان فركن الله باقٍ لا يضيق

"التقطوا لكَ صورةً من كل زواياك، لكنهم نسوا داخلك."

صَديقي 💚
أَشبِعني قُرباً فـَ غداً سأرحل دون أن أُودِّعك 💔 !

‏"تتعلم من والديك الحب والمرح وكيف تضع قدما قبل الأخرى .. ولكن عندما تفتح الكتب تكتشف أنك تملك أجنحة"

الصور التي تناقلها و تداولها الإعلام الإسباني

صاحب الثور أحضر هذا الثور لحلبة مصارعة الثيران وفي وسط الصراع بينما الثور مضرج بالدماء من السيوف على ظهره من قبل مصارعه شاهد صاحبه على طرف الحلبة فانطلق إليه ظناً منه انه سيساعده وبطبيعته الفطرية قبل صاحبه قبلة وهو لايدري أن صاحبه قد باعه ليستمتع المتفرجون بموته.

أفضل تعليق كان لأحد الصحف التي عنونت الحدث ب

"لا يوجد حيوان في العالم أكثر وحشية من الإنسان"

#- منقول

" خاطب في الرجل عقله ، وفي المرأة قلبها ، وفي الأحمق أذنه "

"تشعر بإنه شيء لا تستطيع تجاوزه في البداية،ثم تعرف بإنه كان أسهل مما تعتقد،أخف مما كنت تظن بإنه ثقيل وصعب أخف من أن تشعر به حتى" 💚

“ومنهم من يقضي عمره يصف الطريق لكل سائل، ثم يضِل”

" أستودعتك اللهُّم إلهامي، تأملاتي، عُمق تفاصيلي، وأشيائي البسيطة التي أحتمي بها من اضطراب هذا العالم .." 💙💙💙

..
انشودة بحبها ❤

- https://telegram.me/athr5aub

رابط قناة الأثر الطيب .. لمن يُحب المساهمة في نشر القناة ♥️

أنت أبدًا مش ضعيف ؛ عمرك ماتفكّر إنّك ضعيف ،أنت أقوى من ما الكل بشوفَك وأقوى من كل تخيلاتك للقوّة.. قوتَك كلّها مخبية بجمالك .. بلمعة عيونَك وبعمق ابتسامتَك ، لو يوم قِسيَت عليك الدّنيا ؛ أنت مصرتِش ضعيف ! بالعَكس أنت لسّاتك قوي بس أخدت استراحة من قوتك ؛ أنت عندك كَم هائل من اللطافة والحب والطاقة بتشع دايمًا بس أنت مش شايفها ،
حتى لوخسرت مرة ،مرتين ، تلات أو حتى عشرة .. عادي ! دايمًا لازِم نخسر عشان نصير أخف و نمشي أسرع لأهدافنا.. إحنا زي الطيّارة؛ لوتحمّلت أكتر من مابتقدر مش رح تطير ولو طارت ممكن توقع كلّها ؛ عشان تتجنب انها توقع كلّها بتخفف حمولتها وبتخسر جزء منها .. حتى لو هالحمولة ف يوم كانت أغلى ماتملك.. لازم تخسرها عشان ماتوقع بعدين و تخسر شغلات أكتر بكتير وتوقع وتتكسّر ونبطّل نقدَر نصلّح اشي فيها.. كون متأكِّد كل خسارة بتمر فيها هي نصر قريب لإلَك.. كل زعل زعلته رح يجي مكانه فرحَة تنسيك اياه وتمحي كل آثاره .. كل مرة فكّرت حالك فيها ضعيف هي مجرد إعادة تنظيم لِداخلك.. إعادة تأهيل لحياتك وأولوياتَك كلّها .. ممكن تعتبرها ديكور جديد وتغيير روتين حتاخد وقتك لما تِتعوّد بس رح تنبسط كتير وتتعوّد ..
خلّينا نتطلّع عالجانب الإيجابي من كل خسارة ؛ رح نكتشف قديش الحياة صارت أخف وأهدى.. صارت أسرع وصار عنا خبرة ومناعة بشغلات كتير ؛بمعنى آخر صرنا أقوى.
لو أنت مش قادر تتحمل خسارتك فكِّر بلمعة عيون النّاس إلِّي بحبوك لما يشوفوك مبسوط .. فكِّر قديش قاعد بتخسر وقت المفروض تستغله بسعادتك ؛بينما أنت قاعد على سريرك بتتحسر وبتبكي.في هاد الوقت كنت بتقدر تعيد ترتيب أوراقك وتبدأ من أول وجديد.
ماتضل قاعد بالغرفة وبالعتمة.. قوم ! شوف الدنيا قديش سعيدة ،شوف العصافير وهي تغني لما تشوفك والبِسَس وهي بتجري ورا بعض عشانك طلعتلها والهوا إلي بلاعب خدودَك ، شايف قديش العالم محتاجك ؟ شايف قديش أنت مهم للكوكب والمجرة ؟ ليش لساتك حزين ومفكر انك لاحول لك ولا قوة ؟ ولك أنت كل القوة وكل الحب ، أنت كل الجَّمال💛
مش لايق عليك الزَّعل وشِكلك مش حلو وأنت مكشِّر.. صوت ضحكتك كان يعبي الكوكب ورد ويعبي البيت فَرَح .. العصافير والهوا بستنّوا فيك تسعِدهم .. يلا قوم وأرقص على أغنيتك المفضله.. شِم الهوا واستمتع ف كل لحظه بحياتك ؛ صلِّي كتير وأشكر ربنا على قوتَك وجمالَك وضحكِتَك ،نظم حياتك من اول وجديد ،لسّا ما خسرت اشي وانت لازلت قوي زي ماكنت دايما💛
خليّك دايماً قوي .. العالم محتاج قوتك 👊 ً .

ويحدث أن يضع الله في بصرِك نور؛ وفي قلبك راحة ؛ و في روحِك سعادةً مطلقة.
لاتدري ماسببها ربّما دعوةٌ صادقة دعوتَها في ظهرِ الليل.
أو حتى صدقة أهديتها لمتسوّل ؛ ابتسامة لمكتئب ؛ دمِِ لمحتاج..
لعلها دعوة صديقك الذي ساعدته في كربته .
من المؤكد انّه حب الله لك ؛ ف عندما يحبّك أهل السّماء يحبّك أهل الأرض💙 ".