- انس انتا شو بتشتغل ف سمارت ميديا


..
علاقات عامة في المكتب , ومصور , ومعد برامج , ومقدم برامج ولو في احداث او فعاليات بكتب تقرير اخباري " يعني ( مراسل ) وأكثر مجال بحبه " سيناريست "
.
لكن كل هاد المسميات تحت بند #متطوع .

يلا معلش ♥️

- اعتذر لن انشر السؤال .

...

أنت في داخلك تعرف أنك تستحق كل السوء الذي يحصل لك، فأنت مقصر بحق نفسك، بحق عائلتك، والأهم من هذا بحق ربك.. هل تتوقع بعد كل هذا أن تحيا في نعيم!💔

- الي 6 سنين في الجامعة منهم سنتين دراسة والآن عدت للجامعة من اول وجديد
ايش اسوي؟😢


....

اولاً بغض النظر عن الفترة التي تعطلت بها عن الدراسة ، والأسباب التي أدت إلى ذلك ، إلا أن تلك المدة يجب الا تكون عائق أمامك ومبرر للأن تتكاسل في تحقيق النجاح والتفوق ..
فلست الوحيد من حدث معه ذلك ، هناك أمهات ,أباء عادوا لمقاعد الدراسة لعمر يناهز الأربعون وأكثر ، وقد حققوا معدلات الإمتياز ، لما لا تكن منهم ؟!
بعدين خذ هادي النصيحة .. اصبح عقلك أكبر واكثر استيعاباً للكتب ، فيسهل عليك تحصيل معدل مرضي ، لكن إذا توفت لديك الهمة .. والعزيمة .. والارادة ..
توكل على الله .. وبعد تلك المدة الطويلة غياباً عن الدراسة .. تكّون لديك حماس وحافز كبير للدراسة .. ادرس جيداً .. وحقق حلمك ..

- هلقيت أنا بنام متأخرة وبكون ناوية أصلي قيام ليل وبحط المنبه وما بصحى الي كم من يوم ما بصلي قيام ليل ومضايقة والله عشان هادة الشي 😐 شو أعمل ؟
.....

مش شرط لازم تصحي بالليل .. ممكن قبل ما تنامي تصلي ركعتين قيام الليل .. ولك الأجر إن شاء الله ..
إذا بدك تصحي قيام ليل في الثُلث الاخير من الليل أول شي حطي النية .. ولا تسهري كتير .. اقري أذكارك قبل مما تنامي والمعوذات. وحطي المنبه جنب راسك عشان تصحي عليه .. والله يوفقك .

- سؤالي انا الي تقريباً ٢شهرين بكلم شب بس مش بالحرام او بالحب لا بكلمه بالاخوة لانه انسان دايماً يسال عني يدعيلي يوجهني ينصحني يشجعني لعمل الخير وهو اصغر من ب٥سنوات
بنتكلم كتابة مش صوت وكمان ما وريته شكلي لانه مستحيل اعمل هاد الشي بمواقع التواصل
وهو عاهدني يعاملني زي خواته
هل يعتبر هاد الشي حرام الي بعمله يغضب ربنا
وشو تنصحني اعمل لو غلط
وكمان سؤال لو انا حبيت انسان بس من غير ما هو يعرف من بعيد انسان في كل الصفات الحسنه هل هاد الحب يعتبر حرام .


....


شوفي إذا كان الكلام بلا فائدة وما إله أي هدف ليش تحكي ؟!
وأقلك الافضل .. إذا كان ضميرك وقلبك مرتاح .. كملي بالحديث ..
إذا كنتِ بتتعبي من هاد الحديث و بأثر على نفسيتك ابتعدي !!
أما من الناحية الدينية .. حكمي عقلك الله راضي عن هاد الحكي ولا لا؟! .. هل هادا الحديث جائز أم لا ؟! أنتِ أدرى وأعلم بمصلحتك ..

بالمناسبة | الحُب فطرة في الانسان ، ويميل كلٌ منا إلى الاخر ، إذا كنتِ تحبيه فأتقِ الله فيه .. ولا تعصِ الله فيه .. فيد من تُحب بيد من تعصي .. إدعُ الله بأن يكون من نصيبك ..

- انا بأجد صعوبة بالدراسة هاد الفصل والنهائي قرب وبأجل قرايتي كتير لدرجة انو تراكم علي مواد يالله قديش..فأرجوك انصحني لعلي ارجع لصوابي ..

....

أُختي كلها شهر تعب ودراسة وبعدين بترتاحي ، أقل من 30 يوم على الامتحانات النهائية وبعدين إجازة من اليوم شدي همتك .. و حطي جدول تخلصي فيه المساقات .. وسيري عليه بإنتظام ..
ما بتيجي الامتحانات الا وانك مستعدة تماماً .. شدي الهمة مش ضايل وقت للامتحانات ..

بالمناسبة || نزلت نصائح قبل هيك ممكن تستعيني فيهم .. وفقك الله ..

- انا طالبة توجيهي لما اجي ادرس وامسك الكتاب باقعد افكر كتير متلا كم بدي اجيب كيف راح ييجي الامتحان وما باحس حالي انجزت اشي .. وخايفة من هالسنة ..

.....

بما إنك طالبة ثانوية عامة حاولي يكون وقتك منظم وخلي ثلث يومك دراسة .. يعني اليوم فيه 24 ساعة .. قسميهم 8 ساعات دراسة ، 8 ساعات نوم ، 8 ساعات راحة و اكل وطشات ... الخ ..

اتبعي النصائح التالية ، من خلالها رح يسير تفكيرك كله بالدراسة ان شاء الله ..
1- حددي اهدافك ، اكتبيهم في ورقة صغيرة ، مثلا اكتبي اريد ان احصل على معدل (..) % ، في الورقة الاهداف اكتبي لمين رح تهدي هاد التفوق والنجاح ، لأمك ، لابوكِ اللي تعبوا في توفير متطلباتك .. عشان هاي اللحظة المنتظرة لحظة نجاحك .. حاولي كل يوم تتخيلي يوم الشهادات وانتِ حاصلة على معدل تتمنيه .. هاد أكبر حافز للدراسة ,, الحافز الداخلي ..
2- صلي الصلوات على وقتها .. ولا تضيعي فرض ، مش عشان الدراسة والله يوفقني في توجيهي بس ، وبعد توجيهي رح اترك فرائضي .. بل لان الصلاة تعطي الراحة والسكينة .. لا تنسي تدعي لنفسك وانتِ بين يدي الله .. خلي أهلك يدعولك لان دعوة الوالدين مستجابة ..
3- حاولي تحضري كل دروسك قبل ما تروحي على المدرسة .. وأهم شي المراجعة اول بأول .. راعي وانتِ بتدرسي التركيز .. حاولي تدرسي المادة عن حب واكتشاف ..مش للدراسة وامتحان ..
4- لا تسمعي لكل واحد بحكي توجيهي صعب ، بالعكس توجيهي سهل وسهل جداً بس بدك تشدي حيلك لأنه مصيري ... والكل بيطلع على معدلك ، حاولي ما حدا تضيعي فرحة توجيهي لأنها فرحة لا يضاهيها فرحة ..
5- وقت ما تيجي تسرحي او تفكري بأي شي استغفري و سبحي .. وأقرأي ورقة أهدافك " تحفيزك الداخلي "
6- لا تحكي لحدا عن شو درستي او وين وصلتي .. دراستك إلك بس ..
7- لا تقعدي كتير على النت لانه ملهي بالدرجة الأولى .. خسارة تضيعي سنتك وفرحتك بالتوجيهي عشان النت ..
8- توكلي على الله ، والله ما بيضيع تعب حدا .. أعطيكي جدول بسيط ممكن تسيري عليه .. أولا لما تروحي من مدرستك خدي راحة ونامي ساعة .. قبل العصر بنصف ساعة إذا كان عندك واجبات حليهم .. كل مادة خصصي إالها ساعة إلا ربع .. تحضير ومراجعة .. وربع ساعة راحة ..

وربي يوفقك ويحقق أحلامك ..

كنت اتمنى ان ينصحني احد وانا في الثانوية العامة مثلما كتبت لك . الحمدلله

هي نصائح نشرتهم مسبقًا عن موضوع الدراسة .. الله يوفقكم جميعًا .

" فويلٌ للقاسيةِ قلوبهم من ذكر الله " ..

صباح الخير .. 😊
الله يسعدكم جميعا ..

‏وإن ضاقت عليك كل الأركان فركن الله باقٍ لا يضيق

"التقطوا لكَ صورةً من كل زواياك، لكنهم نسوا داخلك."

صَديقي 💚
أَشبِعني قُرباً فـَ غداً سأرحل دون أن أُودِّعك 💔 !

‏"تتعلم من والديك الحب والمرح وكيف تضع قدما قبل الأخرى .. ولكن عندما تفتح الكتب تكتشف أنك تملك أجنحة"

الصور التي تناقلها و تداولها الإعلام الإسباني

صاحب الثور أحضر هذا الثور لحلبة مصارعة الثيران وفي وسط الصراع بينما الثور مضرج بالدماء من السيوف على ظهره من قبل مصارعه شاهد صاحبه على طرف الحلبة فانطلق إليه ظناً منه انه سيساعده وبطبيعته الفطرية قبل صاحبه قبلة وهو لايدري أن صاحبه قد باعه ليستمتع المتفرجون بموته.

أفضل تعليق كان لأحد الصحف التي عنونت الحدث ب

"لا يوجد حيوان في العالم أكثر وحشية من الإنسان"

#- منقول

" خاطب في الرجل عقله ، وفي المرأة قلبها ، وفي الأحمق أذنه "

"تشعر بإنه شيء لا تستطيع تجاوزه في البداية،ثم تعرف بإنه كان أسهل مما تعتقد،أخف مما كنت تظن بإنه ثقيل وصعب أخف من أن تشعر به حتى" 💚