- أنا من الأشخاص المزاجيين ومزاجيتي حادة كمان وبيجيني شعور ما بعرف حقيقته صراحه وأي حد بيحكي معي ولو كلام عادي بيكون نفسي أضربه وبصير أصرخ عليه وهيك وأنا كتير كتير تعبت ومحتاجة نصيحتك ..





........


بما إنك اعترفتي بغلطك ، وعندك عزيمة وارادة لحتى تتخلصي من هاي المشكلة سهل عليكِ الحل .. وانتِ في بداية طريق الحل ..

حاولي قدر الامكان تسيطري على نفسك ..كيف ؟
حاولي اذا عصبتي تستغفري .. تروحي على مكان ثاني .. وخدي نفس عميق .. خليكِ مبتسمة في كل مكان ..
كوني اجتماعية نوعاً ما .. لا تقعدي كتير مع نفسك .. اقعدي مع أهلك ، صديقاتك ، قرايبك ، خدي دورات ، اطلعي وانزلي .. اختاري ألفاظ حسنة وانتِ بتحكي مع غيرك .. أسلوبك بالحديث من خلاله بياخد الغير انطباع عنك .. اذا كان اسلوبك سيئ الكل رح ياخد عنك فكرة سلبية .. واذا كان طريقة كلامك واسلوبك حلوة بياخدو فكرة منيحة عنك ... ما قرأتي قوله تعالى " ولو كنت فضاً غليظ القلب لأنفضوا من حولك " خطوة بخطوة بتمشي الأمور .
مش ضروري في يوم واحد تقدري تسيطري على نفسك .. الموضوع بالتدريج ..
لما تيجي تحكي مع غيرك اول شي حطي في بالك " أسلوبي بالكلام منظم وما بدي اجرح حدا ولا حد يزعل مني " .. المسألة كلها تَعَوُد على شو أنتِ متعودة تتعاملي مع غيرك " بدي اسألك شو ذنب الغير " اخوك ، اختك ، صديقتك ، امك .. الخ " بمزاجك؟ّ ... انتِ عاملي بأخلاق لا بمزاج .. إذا بقيتي على هاد الشي ما رح يضل معك حدا .. والكل بسير يكره يحكي معك ... بإيدك أنتِ تغيري نفسك .. فكرة ازرعيها في داخلك " أريد أن أتغير نحو الافضل " عقلك بستوعب هادي الفكرة وان شاء الله بثأثر على أسلوبك ..
اشتغلي على نفسك خطوة بخطوة نحو التغيير .. و ربي يوفقك .. :)

#الأثر_الطيب

- أحب الدراسة گثیراً .. ومعدلی الدراسی 95 ولگن اطمح دائما ان یگون اعلی ولگن لااستطیع الذراسة گثیرا،لااحتمل اشعر انی مقیدة .

........

بما انه في عندك طموح إسعِ نحو تحقيق حلمك وطموحك .. مش لازم تدرسي كتير .. وتقعدي 24 ساعة على الكتب .. الموضوع محتاج فقط تركيز .. 4 ساعات في اليوم او 3 كافيات لتجيبي معدل 98 واكثر .. الدراسة مش بعدد الساعات .. المهم قدرتك على الحفظ والفهم والتركيز .. قبل ما تطلعي على مدرستك حضري دروسك ..وراجعي لما تروحي .. ركزي بكل شي بتقوله المدرّسة بالصف لانه من كلامها بيجي الامتحان .. تعودي عل حل التمرينات حتى اذا اجاكِ أي سؤال بالامتحان بيكون مرّ عليكِ بتمرينات حلتيها ..
عند الامتحانات لا تتوتري .. ثقي بنفسك .. بإمكانك تحصلي معدل فوق ما تتخيلي بقدراتك ..
شدي الهمة والله يوفقك .. :)


#الأثر_الطيب

- ابن اختي بيقطع بالصلاة وقد مأمه تشد عليه ابدا مع العلم عمره15سنة يعني اليوم والله كان بدو يقرأ للامتحان تاعه بعدين يصلي ..بصراحة اختي تعبت منه كتير وطول نهاره عالجوال وحاولت معه انها تسحب الجوال برضو منفعش .واليوم قلتله بدي اصير ارن عليك ع كل صلاة صار يقلي بدي ابعد الجوال عني ومن هالكلام ..فأرجوك تلاقيلي حل ..وجزاك الله خيرا ...

....

ستجدي حلك هنا ..في هذا المقال ..
إليك الرابط .. بتمنى يحقق استفادة ..

https://saaid.net/tarbiah/137.htm

سؤال جديد .. ♥️

http://sayat.me/AnasNasr/read#_=_

بعض البشر أخلاقهم في غيبوبه مدى الحياة..

بعض الفيديوهات الرائعة .. أتمنى أن تنال إعجابكم ♥️

للمصورين والمبدعين والباحثين عن الجمال
موعدكم مساء الاثنين مع أكبر وأجمل قمر (بدر) ترونه منذ 70 عامًا
في ظاهرة كونية ستحدث لأن القمر سيكون في أدنى مسافة له من الأرض
الآن جهزوا كاميراتكم وصباح الثلاثاء فرجونا إبداعاتكم
..
تذكير: يمكن مشاهدة هذه الظاهرة عند حلول الليل في أي مكان من العالم

" اللَّهُ لَطِيفٌ بِعِبَادِهِ يَرْزُقُ مَن يَشَاءُ ۖ وَهُوَ الْقَوِيُّ الْعَزِيزُ "

‏سوف يأتي يوم لن أكون معكم وسوف تدخلون هنا لتقرأوا ما كتبت ، فإن وجدتم ما يؤجرني فانشروه وإن وجدتم ما يؤثمني فاتركوه 💕.