‏اذا واجهت صعُوبة ابتسم، من رحل لن يعود، ومن ضرك سيُضر ذات يوم، من أبكاك سيجد من يبكيه، وإن ضاقت بك اسجد لربك وسيعوضك الكثير .

‏إياك أن تستصغر عقلي ، أن تأخذني كيفما شاء بك الهوى إياك ، أن تمازحني بجديه ، أن تضع يدك على جرحي وتضحك ، أن تتغابى مثلاً وأنت تفهمني.

صبرًا أخي ..

https://www.youtube.com/watch?v=dTLhEVsBogQ&app=desktop

https://www.youtube.com/watch?v=6c4iGUTvjmY

طوبى محمد ومحمود .. أنشودة جميلة ♥️

يقول أينشتاين:
الفرق بين العبقرية والحماقة
أن العبقرية لها حدود !!

تكلموا عنك بما لا تُحب , فسجلت عليهم غيبة
ثم محا الله عنك بعض ذنوبك ونقلها لهم !

- ما المزعج في الموضوع ؟!

-

لديك ما يقارب اكتر من شهر ونصف قبل نهاية العام .. جرب أن تتخلص من شئ لا يستحق الإنتقال معك للعام الجديد ❤️

#رسالة أسعدتني ♥️

" قُمت بحذف تطبيق التيليجرام من هاتفي كي لا أنشغل بقراءة ما تكتب عن كتبي الدراسية , فأنا حاليًا منشغل بالدراسة .. وفي الحقيقة قُمت بإسترجاع التطبيق لأنني لم استطع الإبتعاد عن قناتك .. وأخص بالذكر إجابات الاسئلة التي تقوم بكتابتها أنا أحب القراءة كثيرا وهذا شيء غير جيد في وقت الإختبارات ".

كل الشكر ♥️

"تعيش الإبرة قصة ثأرٍ بعد أن ثقبوها."

سابدأ بالرد على كل من ترك سؤال .. شكرًا لكم من القلب ♥️ .. لمن ينزعج من الإشعارات يُمكنه كتم صوت الإشعارات ..

http://sayat.me/AnasNasr/read

- الي تقريبا اسبوع في شب عرفته من موقع من مواقع التواصل الاجتماعي ، و صرنا نحكي مع بعض عادي و يحكي معي و يقلي انتي زي اختي و كتير بيدعيلي ، ونا مش عارفة هل هادي المحادثات الي بتصير بينا غلط ولا كيف ، مع انو ما عمره حكالي ابعتي صورك او اشي زي هيك ، و انا كمان بحترمه جدا و واثقة من انه شب خلوق و ما شاء الله عليه و مبين عليه من صفحته و من طريقة رده عالناس 😑

....
أُختي ليست كل المحادثات محرّمة ، هناك فرق بين كل محادثة والأخرى ، لكل محادثة سبب ، وهناك محادثات بدون أسباب ..

خلينا نأخد المحادثات كيف ممكن تسير خطوة خطوة .. من بداية المحادثة ممكن تعرفي الشخصي اللي بيحكي معك .. مثلأ اذا بدأ معك نتعرف ؟.. او اسمك .. معلومات عنك .. طلب معلومات شخصية لا تردي عليه ... لأنه من بداية المحادثة تبين إلك أنه شخص مش محترم وهدفه يتسلى .. طبعأ هادا الشي حرام لأنه ما إاله هدف ..

أما اللي ببدأ المحادثة بالرد على السلام و يعرف بنفسه ممكن تردي عليه .. ممكن تردي عليه لكن بحدود .. ردك يكون موزون .. واعرفي اله هدف بالمحادثة ممكن حابب يستفسر عن شي .. لكن لا تخوضي كتير بالحكي .. مثلأ أنتِ معلمة ولك خبرة في مجال التدريس وطلب منك شخص مساعدة عبر الفيس بوك لا مانع انك تساعديه ولكن كما ذكرت بحدود الأدب ..

بدي أنصحك نصيحة .. لا تخوني نفسك وضميرك وعائلتك بالحديث مع شخص لمجرد التسلية .. تجعلين من نفسك مركز للتسلية للشباب الفارغة عقولهم ..
وأقلك شغلة ثانية .. لا تحكي مع شباب حتى ان شاء الله الله بكرمك وتتزوجي مع تكوني ندمانة إنك حكيتي مع أي شب .. او تكوني ورقة ضغط عليكِ من واحد لا يستحق مجرد التفكير فيه ..

ختاماً مش كل محادثة حرام ممكن تكسبي من وراها أجر لو عملتي محادثة جماعية مثلاً وارسلتي " اللهم صل على سيدنا محمد " شوفي كيف ممكن تستفيدي ..
اهم شي ابعدي عن المحادثات التعارف ، أسئلة شخصية لأنه ممكن تغرقي بوحل العمالة وانتِ ما بتعرفي ..
أو ممكن يطلب صورتك وتبعتيها ويبزك فيها ... وين رحتي ؟ وين راحت سمعتك ؟ وين سمعة اهلك راحت ؟
وممكن تطلعي معه او يطلب يشوفك بالجامعة .. مرة على مرة بتزداد العلاقة وبيكون هدفه يوقعك .. وانتِ بتسيري حسب ما خطط .. لما يدمر حياتك ومستقبلك ..

حتى ما أطول عليكِ بالحكي .. بدي أقلك مع الشباب بشكل عام لا تزيدي بالكلام .. جاوبي حسب السؤال .. لكن الاسئلة الشخصية عنك لا تجاوبيها بشكل مطلق ... لا تفضفضي للشب حتى م يمسك عليكِ ورقة ضغط ، ابعدي عن قصص ارسال الصور ومحادثات الصوت لأنك ما بتعرفي الشخص اللي بيحكي معك .. وخلي أهلك على عِلم بكل شي بسير معك .. ممكن تستغلي المحادثات في فائدة تعود عليكِ .. والله يوفقك ..


بالمناسبة .. هذا الموضوع على وجه الخصوص .. يحتاج إلى تفصيل أكثر .. أعتذر على الكتابة بإيجاز .
...

- كيف يتحقق لِي اليقين في الدُعاء ؟!
...


أحكيِلك كيف .. صَفِي ذهنك ولا تفكر بأي شي .. وأغمض عينيك .. وتخيل معي ..
تخيل نفسك بعد ما ربنا يستجب دعوتك ان شاء الله ..
تخيل دموع فرحتك وسجودك لله بعد ما رزقك باللي بتتمناه♥️
تخيل نفسك وانت رايح تتوضي عشان تصلي ركعتين شكر 🙂
وانت ساجد ودموعك ما بتوقف من كُتر الفرحة .. يارب انا آسف .. آسف اني كنت يائس أو قانط من رحمتك وأنت أرحم الراحمين .. آسف اني دعيت وانا معتقد الاستجابة مستحيلة !
تخيل وانت بتكلم نفسك وتحدثها عن يأسك وقنوطك من رحمة الله .. والله أرحم من الأم من ابنها .. على الرغم من ذلك استجاب الله لدعوتك ا !

تُحدث نفسك كم كنت ملحاً وأنت تدعو وتيأس من الاستجابة والله ينقذك من الغرق في أمور لم تكن في مخططاتك وحساباتك ..

وفي اللحظة اللي انت بتتخيل فيها كل هادي الشغلات .. استشعر انه سبحانه ينظر الى قلبك .. يري ما به كله ❤️
ينادي يا ملائكتي أجيبوا طلبه. فقد حان وقت المكافأة على طويل الصبر :) ❤️

قول[ اللهم أرنِي عجائب قدرتك في تحقِيق ما أتمني ] ❤️
ادعي بعدها بأي شئ .. رح يكون ساعتها عندك يقين في الله كبير جداً ❤️
واختم دعوتك بـ [ وما ذلك علي الله بعزيز ] :) !
ذكر نفسك ان دعوتك .. لن تُعجز العزيز :)

وأخيرا بدي أقلك .
إذا جاءك اليأس ليحدثك عن المستحيل
فحدثه عن قدرة ربّ العالمين !
قال تعالى: ▥◈ أنما أمره إذا أراد شيئا أن يقول له گن فيكون ◈▥

اتفقنا ؟ ♥️

- الموسيقى يلي بالاناشيد الي بتسمعها حرام ولا لأ . هل تسأل أهل الإختصاص في الرد على بعض الأسئلة ..

...

بخصوص حرام ولا لأ ..
تفضل اسمع هاد الفيديو عشان ما أكتب كثير .. فيديو دقيقتين ورائع .
https://www.youtube.com/watch?v=5deAiaZygLU

..
بخصوص أهل الاختصاص .. بصراحة لحتى الأن ما سألت لكني في أكثر من إجابة .. طلبت من صاحب السؤال يسأل أهل الاختصاص .. :) .

- هل لك أنت توصف نفسك ؟ .. شخصيتك ؟؟

في الحقيقة .. لا
لكنني قبل سنوات قُمت بكتابة تحليل شخصي ووضعته عبر حسابي الشخصي على الفيس بوك .. بإمكانك تصفح حسابي الشخصي وقراءة ما كتبت قديما ." تجده في المعلومات التفصيلية "

كل الشكر .

- كيف بقدر ابحث عن قناة واشترك فيها على تطبيق التيليجرام .

..
عن طريق رابط القناة ..

- بنفع أصلي القيام وانا مصلية الوتر ولا لازم اكون مصلية القيام بعدها الوتر ؟

..
اه بنفع .. توكلي على الله .

‏الحلم حين يمسي صعب المحال، تحايل عليه، غيّر من طبيعته، زد عليه أو انقص منه أو حتى بدّله بحلمٍ أجمل، لكن لا تتوقف عن الحلم بسبب لحظة خذلان.

" لا بارك الله فِي المواقِف التي تنهَشُ القّلب ، لا بارك الله فِي أصحابِها. "

معلومة دينية:
قد تذهب للصلآة وتجد الإمام راكع ثم تكبّر وتركع معه، ولا تُقبل صلاتك !
هل تعلم لماذا ؟
يجب عليك ان تنوي ان تكون التكبيره هي "تكبيره الأحرام" أي ترفع يديك ثم تقول الله اكبر . .
بعدها تقول مره أخرى الله اكبر "تكبيرة الركوع" ثم تركع ،
لأن بعضهم يقول الله اكبر ينوي بها ( تكبيره الركوع )
وهكذا لا تقبل صلاته ويلزمه الاعآدة لان تكبيرة الإحرآم
"من أركان الصلآة"
والركن : لا يجبره سجود سهو او ركعة !

- أنا من الأشخاص المزاجيين ومزاجيتي حادة كمان وبيجيني شعور ما بعرف حقيقته صراحه وأي حد بيحكي معي ولو كلام عادي بيكون نفسي أضربه وبصير أصرخ عليه وهيك وأنا كتير كتير تعبت ومحتاجة نصيحتك ..





........


بما إنك اعترفتي بغلطك ، وعندك عزيمة وارادة لحتى تتخلصي من هاي المشكلة سهل عليكِ الحل .. وانتِ في بداية طريق الحل ..

حاولي قدر الامكان تسيطري على نفسك ..كيف ؟
حاولي اذا عصبتي تستغفري .. تروحي على مكان ثاني .. وخدي نفس عميق .. خليكِ مبتسمة في كل مكان ..
كوني اجتماعية نوعاً ما .. لا تقعدي كتير مع نفسك .. اقعدي مع أهلك ، صديقاتك ، قرايبك ، خدي دورات ، اطلعي وانزلي .. اختاري ألفاظ حسنة وانتِ بتحكي مع غيرك .. أسلوبك بالحديث من خلاله بياخد الغير انطباع عنك .. اذا كان اسلوبك سيئ الكل رح ياخد عنك فكرة سلبية .. واذا كان طريقة كلامك واسلوبك حلوة بياخدو فكرة منيحة عنك ... ما قرأتي قوله تعالى " ولو كنت فضاً غليظ القلب لأنفضوا من حولك " خطوة بخطوة بتمشي الأمور .
مش ضروري في يوم واحد تقدري تسيطري على نفسك .. الموضوع بالتدريج ..
لما تيجي تحكي مع غيرك اول شي حطي في بالك " أسلوبي بالكلام منظم وما بدي اجرح حدا ولا حد يزعل مني " .. المسألة كلها تَعَوُد على شو أنتِ متعودة تتعاملي مع غيرك " بدي اسألك شو ذنب الغير " اخوك ، اختك ، صديقتك ، امك .. الخ " بمزاجك؟ّ ... انتِ عاملي بأخلاق لا بمزاج .. إذا بقيتي على هاد الشي ما رح يضل معك حدا .. والكل بسير يكره يحكي معك ... بإيدك أنتِ تغيري نفسك .. فكرة ازرعيها في داخلك " أريد أن أتغير نحو الافضل " عقلك بستوعب هادي الفكرة وان شاء الله بثأثر على أسلوبك ..
اشتغلي على نفسك خطوة بخطوة نحو التغيير .. و ربي يوفقك .. :)

#الأثر_الطيب

- أحب الدراسة گثیراً .. ومعدلی الدراسی 95 ولگن اطمح دائما ان یگون اعلی ولگن لااستطیع الذراسة گثیرا،لااحتمل اشعر انی مقیدة .

........

بما انه في عندك طموح إسعِ نحو تحقيق حلمك وطموحك .. مش لازم تدرسي كتير .. وتقعدي 24 ساعة على الكتب .. الموضوع محتاج فقط تركيز .. 4 ساعات في اليوم او 3 كافيات لتجيبي معدل 98 واكثر .. الدراسة مش بعدد الساعات .. المهم قدرتك على الحفظ والفهم والتركيز .. قبل ما تطلعي على مدرستك حضري دروسك ..وراجعي لما تروحي .. ركزي بكل شي بتقوله المدرّسة بالصف لانه من كلامها بيجي الامتحان .. تعودي عل حل التمرينات حتى اذا اجاكِ أي سؤال بالامتحان بيكون مرّ عليكِ بتمرينات حلتيها ..
عند الامتحانات لا تتوتري .. ثقي بنفسك .. بإمكانك تحصلي معدل فوق ما تتخيلي بقدراتك ..
شدي الهمة والله يوفقك .. :)


#الأثر_الطيب