اللهم مستقبًلا أعظم مما حلمت وحياة ألطف مما أردت،
اللهم توفيقًا و رضًا و حبًا و خيرًا ما حييت <3

أَليْسَ اللّه بِكَافٍ عَبْدَه💛؟

‏شكرا لكل الذين كان بوسعهم أن يؤذونا ولم يفعلوا، شكرا للذين تلمسوا حرارة كلماتهم قبل أن تخرج من أفواههم، شكرا للذين شاهدونا نعرج ولم يسقطونا.

‏أﻣﻲﺳﺎﻣﺤﻴﻨﻲ :
‏ﻟﻨﻈﺮة ﻋﺒﻮس ﻧﻈﺮﺗﻬﺎ إﻟﻴﻚ ﻣﻦ ﻏﻴﺮ ﻗﺼﺪ ﻟﻨﺒﺮة ﺻﻮت ﺗﻌﺪت ﻧﺒﺮة ﺻﻮتك ﺳﺎﻣﺤﻲ ﻋﻘﻮﻗﻲ ﺗﻤﺘﻤﻲ ﻟﻲ ﺑﺎﻟﺮﺿﺎ ﻳﺎ جنتي.

الجندي الحقيقي لا يقاتل لأنه يكره ما هو أمامه ولكن لأنه يحب ما هو خلفه.

الأصدقاء الذين خذلوك يحل محلهم آخرون جدد، يظهرون في اللحظة الحرجة، ومن أماكن لا تخطر لك على بال.

في فيس بوك - لا دهشة في أن تراه يتغزلُ بالصداقةِ وهو أبعد الناس عنك، أو يتحدث في الحب وهو لم يُرك منه شيء، لا دهشة في أن تراه ينشر عن القراءة وهو لم يعرف بعد عنوان رواية، عن الابتسامة وهو الذي يُشعرك أنك بحاجة لتدفع له كي يُريك اياها، عن العلاقات الاجتماعية وهو حين يحادثك على الأرض، يحادثك بعين والأخرى في هاتف!

سأبدأ بالإجابة على بعض الاسئلة بعض دقائق ... من يجد في ذلك إزعاج له فليقُم بإسكات صوت الإشعارات ♥️

- أردنك ان تنصحني في شيء .: هﻷ انا بدرس اصول دين والحمد الله مقتعنة بتخصصي وحابه ..ومن بداية الفصل زيلي سمعت انو في تخصص االدعوة واعلام وجديد ومن جديد طبقوه عنا ...وانا في حيرة شديدة هل احول على التخصص ولا اضل وفي مليون دوامة وفكر وفكر بتتعلق بلموضوع ...بعدين والحمد انا كسرت جاحز الخوف من كل شيء وعندي قدرة اني احكي واشرح واقف على امام ناس كدا لطاما اني صاحبة رأي وبنفس عارفة ومش عارفة ..والله موضوع محير شي بقلي لا لا لا انت اجنيتي ...وشي بقلي خليكي زي ما انت اه ...؟؟؟

......


بما إنك حابة تخصصك ودخلتيه عن اقتناع ليش تحولي منه ؟
انتي استخيري الله وصلي الاستخارة واستشيري اهل الخبرة لانهم اعرف مني .. وممكن تستعيني بدكاترة وعمداء الكلية .. وحاولي تستفسري عن كل شئ بالتخصصين وحطي بعين الاعتبار ما يروحوا عليكِ ساعات درستيها .. وتوكلي على الله .. اللي بترتاحي اله ادخليه مباشرة ..
والله يوفقك .. ويوفق الجميع ♥️

- شو بتنصحني بكلمتين بس


إتقِ الله ..

- أخ أنس هلأ أنا ما بسمع أغاني بس بسمعها ف السيارة ويوميا مع العلم انو السواقين مختلفين يعني المهم بحاول أشغل نفسي ف الاستغفار وما أنتبه بوصل البيت بلاقي الأغنية عالقة ف راسي شو أعمل !؟
التاني :: إنو أنا طول عمري ما بشاهد المسلسلات من جديد صرت أتابعهم شو أعمل حاسة إنو هاد الإشي أتعبلي قلبي ..



..............


أختي : كل ما تيجي الأغنية على بالك حاولي تستغفري .. تشغلي نفسك بأي شي .. افتحي أنشودة بتحبي تسمعيها ..
وانتِ بالسيارة لا تركزي بالأغنية ، أقري كتاب أو أي شي محتاج تركيز ، حتى تركيزك يكون كله في هاد الكتاب ..وما تلتفتي للاغنية ..

أما بالنسبة للمسلسلات : بما انك اعترفتي بالذنب يإيدك القرار انك تبتعدي عنهم ، كوني حازمة وقولي رح اترك المسلسلات .. وابتعد عن كل شي يغضب الله ..
وقولي لنفسك شو بستفيد لما اتفرج على مسلسل " حياة أناس اخرين " عبارة عن مضيعة وقت فقط وما في فايدة بترجع علي ... توكلي الله .. والله رح يساعدك ..

- صديقة إلي مقربة جدا مني قلبها صافي وحنون جدا وأطيب منها ما في
وبتظن منيح بالناس وبتتوقع االأفضل وحكيمة وعاقلة وحافظة لكتاب الله
جديد حاسة قلبها مش منيح حاسة حالها بتصير سيئة بتفقد الشغلات الحلوة من قلبها
ضروري أبعتلي اشي انصحها تعملوا لأنو ما بتحمل اشوفها زعلانة بالمرة ..

.............

أبعتيلها هاد الكلام :
ما دُمت تدعو الله ، لا تجعل لليأس في قلبك مكان. ..

"ألا بذكر الله تطمئن القلوب "

..
ع فكرة ما في إنسان بيتغير بدون سبب أكيد في سبب ازعجها وضايقها .. أقعدي معها واعرفي الأسباب .. وإن شاء الله الحل يكون موجود .. ربي يوفقكم :)

- أنا طالب في جامعة مختلطة وبصراحة قديش بحاول اغض بصري إلا انه بتلف عينك يمين بتلاقي بنت وبتلف شمال بتلاقي بنت صرت اكره اروح على الجامعة من هاد الشغلة والاقرف من هيك تخصصي مش موجود غير في الجامعات المختلطة .
ما بدي حل تقلي ابعد وداوم على الذكر لانه لساني دايم على الذكر والحمدلله ....

..
قلبك طيب أخي وربي يحفظك .. أنا نشرت إجابة بخصوص هاد الموضوع من فترة .. لكن رح أنشر صورة الأن بمثابة رد على سؤالك ♥️

الحُسّاد لو شافوا واحد مشنوق !!
.قالو نيالو! بيتمرجح !!

- انا امي كتير عصبية علي وما اقدر ارضيها لة شو ما عملتلها احاول كتير ما اغلط بحقها لمن عالفاضي على مل شي صغبر بتعمل منه مشكلة كبيرة كتير وبتميز بيني وبين خواتي كتير مع انه خواتي ما بعاملوها متلي انا اكتر وحدة بحاول ارضيها لكن ما اقدر عالفاضي ..


.........

حاولي قدر الإمكان تعرفي شو الأشياء اللي بتحبهم أمك و إعمليها .. واي شي بضايقها ابعدي عنه ..
وغالبا الامهات بشكل عام بتحب بنتها تكون نشيطة بتساعدها بشغل البيت ، وأخلاقها عالية .. قبل ما تطلب شي تكوني محضراه .. بدها تحس انه في عندها بنت بالبيت ..

حاولي إحكي مع أمك وتحاورو .. بس لا ترفعي صوتك بالحديث معها ..
اسأليها شو أكتر شي بتحبه لتعمليه .. الأمهات قلبهم حنون على ابنائهم موقف صغير بفرحها وموقف ثاني بزعلهاا ..

يمكن عند أمك اسباب تخليها معصبة . انتي حاولة تتجنبي اي شي بعصبها ..وخاصة لو كان فيه سبب .. ومثال بسيط " لو بدك تطلبي من أمك شي , ما رح تطلبيه منها وهي متضايقة .. بتنتظري اللحظة إلي تكون فيها أمك مبسوطة عشان تطلبي منها ..
ما تحكي معها باسلوب سيء وهي متضايقة .. وإن شفتيها متضايقة خففي عنها .. مش تزيدي همها .

في النهاية :
توكلي على الله .. والله بساعدك .. :)

- أخي أنس الوالد بيشتغل بالجامعة الاسلامية؟


لا ..

- كيف نقضي يوم كامل بطاعة الله يعني شو نعمل بعد الفجر لعند وقت النوم بحيث يكون كله طاعة بطاعة ؟؟وبارك الله فيك ..


...........


العبادة بتختلف من شخص لآخر ..
وكل واحد فينا بختلف يومه عن الثاني ..

ممكن أنت موظف وغيرك عليه جامعة او ممكن فاضي ..

بس ممكن أفيدك ببعض العبادات ممكن تعملها خلال يومك ..

-اصحى قبل الفجر وصلي ركعتين بنية قيام الليل ..
-صلاة الفجر في المسجد ..
وبعد السلام إقرأ اية الكرسي .. قل سبحان الله 33 مرة ، الحمد لله 33 مرة ، الله اكب 34 مرة ..
ولا تنسي وردك اليوم من القرآن

-لا تنسى أذكار الصباح ..
-صلاة الشروق ..
-اذا عندك جامعة " طلب العلم عبادة ، واذا موظف فالعمل عبادة ، وإذا كنت فاضي بإمكانك تساعدة الوالدة بأعمال البيت واستغلال الوقت بالاستغفار .."
-لا تنسى صلاة الظهر في المسجد و كذلك سبح واحمد وكبر 33 مرة ..
-استغل الوقت في الاستغفار ..
-صلاة العصر في المسجد ..وبعدها قم بزيارة صلة أرحام ..

-بعد صلاة المغرب إجلس مع أهل بيتك وشاركهم بالحديث ..حاول التعرف على مشاكلهم واحتياجاتهم وساعدهم

-ساعد اخوتك بحل واجباتهم وابحاثهم ..
-صلي العشاء بالمسجد ..اجلس مع اصدقاء .. استمع لدرس ديني ..

اقرأ اذكار المساء ..

وربي يوفقك ويتقبل منك .. :)

-أنس عمرك تضايقت من حدة لدرجة كبيرة وما كنت طايقه وليش ؟؟


..
شكرًا على إهتمامك .. بس أنا إنسان مثلك تمامًا .. يعني بضحك وبزعل .. يحس وعندي شعور .. مش مجرد قطعة لحم وشوية عظم بدون روح .. بدي أقلك ... النظرة الملائكية اللي البعض بنظرها إلي عن طريق بعض الملاحظات اللي بتصلني .. بجد بتسعدني في بعض الاحيان وبعض الأحيان بشعر انها مسؤولية كبيرة وانه الغلطة اللي ممكن أغلطها رح تكون محسوبة علي وما رح تمر هالغلطة مرور الكرام ..
..
أه انا بتضايق وبنجرح وبتمر علي أيام بسكر جوالي وما بدي أحكي مع حد بس بنفس الوقت .. ما بتمر ساعات الا وبصحى على نفسي وبقول هاد الشي غلط .. لازم أكون أقوى .. والناس اللي بتحبني مش لازم أخليها تدفع ضريبة حبها إلي وتحزن وتضايق معي .. لازم أكون سبب السعادة في حياة الناس اللي بتعرفني .
مش #الأثر_الطيب وع الفاضي .