شكراً للرسائل الإيجابية 💙 شكراً لكل شخص بحب قناة الأثر الطيب .. الله يسعدكم جميعاً 🌸.

- بتجاوب بس علي بدك اياه !

..
الاسئلة اللي بتصلني ومحتاجة نقاش ما برد عليها ..
السبب : مهما كتبت ما رح تقتنع وما رح يكون ردي كافي ..
وفي بعض الاسئلة ما بشوفها مع كمية الاسئلة اللي بتصل دفعة وحدة , فإذا انت مصمم أجاوب على سؤالك .. بسعدني تكرر السؤال .. وسامحني على هاد الخلل ..

بالمناسبة عدد الملاحظات التي وصلتني 1415 ملاحظة .. أي ملاحظة لك ؟

- هو أحمد أكبر منك ؟ ومين اللي رجع من تركيا قبل فترة ؟

...
صحيح أحمد أخوي الأكبر . وأخي محمد رجع من تركيا قبل فترة .. برضو سافر تركيا للعلاج من إصابته في العدوان الأخير على غزة .. كان محمد برفقة أخي عبدالله الشهيد .

- ايش اكتر اشي تكرها في دنيا


..
#الظلم

- انس من متى انت ب غزة
و انت لاجئ ؟

من يوم ما انولدت بغزة .. يعني من 12-7-1996 ..
صحيح لاجئ ♥️

وهي انشودة لاجئ .. لمن يُحب الإستماع ..

https://www.youtube.com/watch?v=bx4RWo35No8

- هل هناك لغة تحب ان تتعلمها؟

#العبرية

انتهت الاسئلة .. ♥️

‏دُعاؤك غيبًا ، أعظم الهدايا وأثمنها.

عجبي لمن يبيع الجنة بلذة ساعة !

"لا أحد يستطيع أن ينسيك تلك الأيام التي تجاوزتها كأنك تتجاوز ساحة ألغام."

"اللهم حُبك، اللهم عُونك، اللهم رضاك، اللهم لُطفك، اللهم الحاجه كُل الحاجه إليك، اللهم هُداك وذكرك وتيسيرًا لا يتبعُه عُسر يارب العالمين."

سيفاجئك لطف الله الخفي من حيث لا تدري .. وتهدأ روحك وتطيب نفسك وتنعم براحة البال .. ثق في اللّه .. ❤️

كان أبي ' في وقت معين من العمر شديد علي أنا واخوتي ' يحاسبني على كل شيء يراقب كل تحركاتي ' أين أذهب والوقت ومتى أعود ومع أصدقائي - كل تفاصيل حياتي - حتى أنني اتذكر عندما كنت أذهب للسهر مع أصدقائي تصل الساعه للعاشره أستأذن منهم وأعود للبيت وكان جوابي المعروف لديهم (أبوي قلي لا تتأخر بره الدار لانه بخليك تنام بالشارع) لم أكن أخجل من هذا الجواب حتى لو انتقدني الناس ' لأني بعد مرور سنوات من هذه الأمور إكتشفت أن '
خوف أبي هو حب ' ونبرة صوته العالي هي أمان "
وضربه لي " هو سند لي الآن '
عرفت أن أبي هو باب في السماء سأدخل منه الي الجنة ♡❤

- مش ملتزمة بالصلاة وحابة اصلي ، بس بلاقي صعوبة ما بعرف ليه ؟!

...
الصلاة .. ❤
اغلبنا ملاقي صعوبة بالإلتزام فيها ، طيب شوف هالخطوات 😍

1-اشتري سجادة صلاة تكون بلونك المفضل ❤
2- اشتري اواعيي خاصة بالصلاة تكون انيقة والوانها متناسقة حسب مابتحب " اواعي الصلاة مليانة بكل الالوان 💚
3- اشتري عطر بتحبه وريحتو حلوة وخاص بالصلاة يعني ماتحط منو الا وقت تصلي ولما تشمه يزكرك بالصلاة 💙

4- في ناس بلبسو جرابيين ، اشتروا جرابين خاصة بالصلاة ماتنلبس الا بالصلاة بس 💜

5- خد من ابوك مسبحة بتحبها ولونها بتحبه و مصحف خاص فيك وحطه جنب اغراض الصلاة ، بكل صلاة اقرأ وسبح
😉
6-اول ماتسمع الاذان اتخيل الرسول قاعد معك ، ردد معاه الاذان و اركض توض و صلي 💙

7 - احكي دعاء الوضوء يلي يفتح ابواب الجنة ال8 " سبحانك اللهم وبحمدك اشهد ان لا إله الا انت استغفرك واتوب اليك,, .. اللهم اجعلني من التوابين واجعلني من المتطهرين 💙

8- اركضي و صلي ، والبسي تياب الصلاة الخاصة وحطي من العطر الخاص بالصلاة واقرأ من القران صفحة بكل صلاة لا اقل ولا اكثر 😍

9-قبل ما تكبر وتبلش الصلاة فكر انه الرسول هو الامام بهي الصلاة !! صلي بهدوء لترتاح فيها مو ترتاح منها -.- ، صلي بحُب لربنا مش لانها فرض -.- ، قدامك ملك الملوك سامع كل همسة بصلاتك لاتستعجل فيها ريح قلبك ..

10- كل ركن بالصلاة اعطيه حقو ، و وقتو الكافي ، بهدوء وكل شي بخطر ببالك احكي لربنا بالسجود ، هو رح يسمع حتى الهمسة منك 💙

11- السجود , ما بدي احكي كتير عنه غير انك الان اقرب اشي لربنا ، وقت تسجد ذنوبك بتكون عم تنزل عالارض .. طول سجود شو فيها ! بدها تضيع حلقة المسلسل تضيع ، حدا بحب يبعد عن ربنا !! ضلك ساجد احكي لربنا كلشي حتى عن اسرارك الضايعة عيط وما تقلق ربنا سامعك.. (ما ترفع راسك وفي بقلبك كلام )

12 -بعد التشهد وقبل ما تسلم كتر من الدعاء لانه مستجاب👍

13- بعد ما تسلم استغفر قد ما فيك ، الملائكة هتكون تحكي وراك امين 🌸

14- ادعي ربنا يرزقك رضاه و حبو ويثبتك عالصلاة 💟

15- اسمع دروس لشيوخ متل نايف الصحفي ومنصور السالمي 💝

16- احفظي سور جديدة لا تضلي بنفس
السور ، الفلق و غيريهم عشان لاتسرح ..

17- في كثير ناس محتاجة هاد الكلام .. والدال على الخير كفاعله 💙 شارك هذا الرد وان شاء الله في ميزان حسناتك .. 😊


#الأثر الطيب

إن الله تعالى إذا احب عبدًا تفقده كما يتفقد الصديق صديقه ..

- اللهُم حُبك

- احكيلي كيف اعيش الحياة بعد ما ربنا اخذ مني اكثر حاجة بحبها ؟ بجد انا مخنوق ....

...


ع فكرة..مش كل اشي ربنا اخذه منك معناته ما كان الك .. أحياناً ربنا بيوخد منا شغلات صغيرة.. عشان يرجعلنا إياها كبيرة...
ام موسى -عليهِ السلام- أمرها ربنا إنها تلقيه في النهر..وأخده منها رضيع...ورجعه الها بعد م حماه من فرعون واتربّى بعدها بقصر الملك وبحضن امه..لو ربنا تركه وقتها وما امرها تلقيه كان انقتل..زيه زي باقي اﻷطفال الذكور...
مش معنى انه يروح منك اشي يعني ما رح يرجع..صدقني لو ربك كاتب هالإشي الك..رح يرجعلك احسن من أول..
إذا أردتَ شيئاً وأبْعدهُ الله عنك فأطلق سراحه..ف والله لو كان لك....لن تقدر على منعهِ جميعُ قوى السماواتِ والأرض...
وإن لم يكن اليك..سيعوضك الله بما هو خيرٌ لك ...
تذكر دائماً انَّ نفسً لن تموت حتى تستوفيَ رزقها...لا شيء يضيع عند الله..❤
استودع ما تخشى فقدانه عند الذي لا تضيعُ عندهُ الودائع...
وتأكد بأنه مهما غابَ عنك..سيعود ❤

- احكيلنا عن المستقبل والماضي ..

...

المستقبل ، أشي بعيد بعيد يمكن يكون أبعد من وصولنا لهداك اليوم بيوم من الأيام ، ويمكن أصلا ما يجي من الأساس ويمكن أصلا لو أجا ما نمتلك الفرصه لنكون نحنا بالايام يلي حلمنا فيها كمستقبل، بالنهايه الله وأعلم شو بيستنانا لعند ما نوصل لهناك ! ، والماضي أشي قديم قديم أجا وراح بسلبياته و بكل الاشخاص يلي كانوا و المواقف و الاحداث الحلوه والمره كلها صفت ذكريات وكمان بالنهايه هالاشيا كلها أنتهت وما بيفيد معها لا ندم ولا زعل ولا حنين لترجع تنعاد يعني خلص !
كلنا كلنا مهما أختلفت أحوالنا بهالدنيا وعلى الرغم من كل الفوارق يلي بناتنا كبشر لكن كلنا تساوينا بأنو بنتملك بس اليوم ، اليوم وبس 💙
لهيك عيشوا الحياه لحظه بلحظه مهما كانت هالحظه حلوه وأدخلوا جوا تفاصيلها وأستمعتوا وأغتنموها وأكتنزوا منها لتصير رصيد لايامكم الحلوه بالحياه ، ما تربطوا سعادة الحياه بإنسان معين مهما كانت معزتو لأنو هيك هيك حيجي يوم وتفترقوا 💔 ، السعاده بحد ذاتها نسبيه للبشر لهيك ما تبخل عأي انسان متواجد بحياتك بالسعاده يمكن الاشيا يلي بنظرك أنت ما بتسوى انها تكون سعاده ، لكن لو هالاشي بدر منك لقلب ما يزرع بقلبه كل معاني السعاده بس بس لانه منك أنت ما تبخلوا عبعض بالمواقف الحلوه والهدايا البسيطه ولو حتى بالكلمه الحلوه 💙
واليوم البشع ، مصيرو ينتهي بكل تفاصيلو ونكدوا وضغطه وأشخاصو ويصفي ذكريات ، استغلو ليصير رصيد ليزيد خبرتكم بالحياه مهما كان بشع وصعب ! ، مهو الدنيا من العدل أنو أيام الدنيا تلف علينا بالدور ويكون يوم رائع وحلو ويوم وسط ويوم مقرف ومع هيك كلو كلو رح يمشي ويصير ذكرى ♥️


#حكايا_قلب

- أحدهم كتب سؤال , لا أريد نشره لأن طريقة طرح السؤال لم تعجبني وفيها قنوووط كبير .. سأقوم بنشر الإجابة فقط .

..
يقول تعالى : ( وإذا سألك عبادي عني فإني قريب )
اقعد مع حالك شوي ...انسى كلّ شي ممكن يشتت انتباهك
اتذكر قديش طلبت من الله اشياء و كنت تدعي و تتمنى هالدعاء يصير ..
اذكر كم مرة حكيت في بالك ان الله ما بحبك لان ما بستجيب دعائك ..
اتذكر قديش بكيت و قلبك انحرق لانك كنت تتمنى شي و صار شي تاني ..
اتذكر الفرحة الي حسيت ان الله حرمك منها و حكيت مش راح ارجع اطلب شي من الله لانه دعواتي مش مستجابة ..
اتذكرتهم ؟ كلنا صار معنا نفس الاشي و فكرنا الله ما بحبنا ..
اتطلعنا ع الجانب السلبي زي ما بنعمل دائما و ما عمرنا فكرنا بالجانب الايجابي بـ هالشي ..
ما فكرنا انه يمكن الله ما استجاب هالدعاء لسبب معين من بين هاد الاسباب ..

1-انه راح يستجيب بس بـالوقت المناسب لـهالشي و هو اعلم منك.
2- انه هالشي سيء كثير الك على الرغم انك شايفه مش سيء .
3- انه ربنا حابب يختبر صبرك و يشوف مدى تحملك لعدم الاستجابة بس راح يستجيب .
صدقني بس تفكر بـ هالشي وتحكي "الحمدالله " راح تحس بالراحة الكبيرة الي ربنا بدّه اياك تحسها..
...

ربنا ما بكره حد ..و ما حد بدعي و ربنا ما بستجيبله الا يكون في سبب من الاسباب الي حكتلك عنهم فوق .

في بداية الأمر ستعتقد بأن روحك أمست رماداً وأن حينما فارقت من أحببتهم أن روحك فارقت جسدك وتبهت كل ألوان الحياة في نظرك ، تظل تعارك الأيام يوماً بعد يوم إلى أن تعتاد ، وتخبرك الحياه بأن لو تناثر فتات قلبك لن ولم تتوقف لتلملم تبعثرك وأنك إن لم تنتنشل نفسك بنفسك لتواكب عجلة الأيام هي نفسها العجله التي سوف تدهسك وتلقي بك إلى القاع أو أدنى ، يوم أو شهر أو ربما سنة أو أكثر ولكن في النهايه ستنسى أو تتناسى ورغم أنفك ستجبرك الدنيا أن تعيد ترتيب أولوياتك من جديد وتلقي بالأشياء والأشخاص إلى منحدرات اللامبالاه غير مأسوف عليهم ، وفي مرحلة ما سيتدخل الله بعطفه ولن يكلك الى نفسك طويلاً وسيجبرك جبر يليق برحمته وكأنك لم تكسر يوماً ما ، وسيغنيك به عنهم ، وسيعوضك حتى ترضى ، ويسعدك وكأنك لم تشقى .

- أنا أؤمن 💙

- موجوع من الحياة كل يوم بستقبل وجع جديدة قرفت من حالي بجد شو اعمل ؟

...
رح احكيلك مثال واقعي وعلى هالمثال رح نحكي عن وجعك تمام؟
في اشارات بالشارع بتحكيلك انك ادير بالك في مطب صح؟ وانتَ بتخفف السرعة علشان ما يصير معك حادث
على الرغم انك بتكون مستعجل وبتصير تحكي ببينك وبين حالك يالله من وين اجي هالمطب بس بتخفف..
وهيك الحياة برضو ..في إشارات بهالحياة بتحاول تقلك إنّو لازم "تتمهل قبل المطب" بمرحلة ما،
أو إنّو واجب تنتبه لهالطريق كونها "وعرة" وممكن تتعب خلالها . .ممكن يكون في بحياتك كتير طرق "وعرة"
وهالشي بخلي قلبك يتعب كتير ..بس كون واثق انه هاد لسى شي خفيف من الحادث الي ممكن يصير معك "بعيد الشر"
واذا صار معك حادث وتعبت كتير كتير كتير ..بكون السبب انك مش مطلع ع المطب منيح ..
بس خلينا نرجع ونحكي انتَ لسى عايش من هالحادث وهاد شي كويس ..خد درس ودير بالك مرة تانية
وصدقني رح تقدر تكمل سواقة ..قصدي حياتك ♥️ وقلبك رح يشفى من هالمطب ♥️
الخلاصة من هالحكي "بعد كلّ وجع ..في راحة وحكمة "
اتفقنا؟ سلامة قلبك من الوجع ♥️