- بصراحة هي مشكله بتواجهني
انا شو ما عملت لأهلي وشو ما قدمت الهم ما بلاقي لا شكر ولا احترام بحسهم مستصغريني أو ما الي قيمه عندهم ولو شو ما عملت الهم ما ببين بضل اشتغل ليل نهار ويعمل كل شي فش بنت بعمري بتعمل متلي بحس عالفاضي ما بحبو أكون مرتاحة لو كنت نايمة بعملولي قصة اني طول اليوم نايمة أو قاعدة والله تعبت كثير
مع أنهم بعاملوا نسوان خواني أفضل مني بكثر وبمدحوهن وشكر بس انا لا طب ليش شو الفرق بيني وبينهن مع اني متل الخدامه الهم
بترجاك بدي شي حل يريحني
بتعرف رغم كل هاد برفض أي شخص يتقدملي ما بعرف شو السبب بس برفض ..

.....

أختي : خلي الهدف الأساسي خدمة والديكِ لارضائهم ورضاء الله عز وجل ، ما تنتظري منهم شكر ولا شي يمكن بدعولك بظهر الغيب ، خلي عندك حسن ظن فيهم .. وتوكلي على الله .. احتسبي كل شغلة بتشتغليها لله عز وجل .. والله مش حينساكي وحيرضيكي ، بس انتي قولي دائماً الُحمد لله على كُل حال ..
جربي تتناقشي مع امك ، قوي قلبك وروحي واجهي امك وابوكي ، مش غلط ولا عيب ، يمكن والدك بتخافي منه ، بس الام قلبها حنون على اولادها جربي انك تحكي معاها ..

..
أقلك : أنت لو حطيتي هدف قدام عينك .. رح تعملي المستحيل عشان تصلي لهاد الهدف .. ولو واجهتك صعوبات ومواجهات .. رح تتعبي أكثر وتقول بينك وبين نفسك .. لا لازم أصل .. بدي أقلك ( رضا الوالدين من رضا الله عز وجل .. خلي في شغلك وتعبك نية بر الوالدين والتقرب لله عز وجل فيهم ) ..

والله يصلح الحال ..

- بدي تنصحني كيف اكون قريبه من ربنا أكثر من هيك وأنه كيف اغير روتين يومي الممل واكون صادقه من نفسي أكثر من هيك
وجو الإحباط واليأس كيف اطلع منه مع العلم أنه جو العائلي اله دور من اليأس
وكيف الأمور الي ربنا بستجيب فيها دعوات بتصير
مع العلم انا بصلي بشكل مستمر حتي قيام الليل وأدعية وقرآن ولكن لا قلبي ولا عقلي بهدا
بدي حل اطلع من اليأس الي انا عايشه فيه .

...

بدك حياتك تتحول من حزن الى فرح ، علق قلبك بحب الله ، خلي هاد شعارك ، انسي العالم والمحيط العائلي اللي حواليك ، انتي مستقلة بحياتك ما الك فيهم ، كل انسان حر بحياته فقط , اسعد نفسك بنفسك ولا تنتظر من حد يسعدك " ،
كيف بدك تقرب من الله ؟ اذا نويتي الله حيساعدك ، ادعي في الصلاة بان يرزقك الخشوع في الصلاة ، ادعي في كل شي بتتمنيه ، واشكي كل همومك لله رح ترتاحي كتير .. لما تكوني بتشتغلي او قاعدة حاولي لو تستغفري 10 مرات بس .. مرة على مرة زيدي الاستغفار ,, رح تلاحظي بعد ايام , لسانك تعود على ذكر الله .
لما تصلي تذكري بانك بين يدي الخالق الرحمن الرحيم القوي .. لما تحكي مع ابوكي او دكتورك بتركزي معه وبتصغي بكل حواسك فما بالك لما تحكي مع رب العالمين .. الله امن عليك بالصحه والعافية .. راجعي حسباتك وان شاء الله بتغير الحال ..
ونصيحتي الأخيرة /


ما ترفعي راسك من السجود وفي بقلبك كلام ما قلتيه لله عز وجل .. احكي كل شيء بقلبك .. حتى الكلام الموجود بقلبك ومش قادرة تحكيه ربنا بعرفه .. أنت بس ثقي بالله عز وجل .

هدوء كلمات وضجيج فكر .

- .نصيحتك لبنت امها بتقولها انها خايفة عليها من الزمن .. كمان شو بتنصح بنت صار عمرها 26 وما تزوجت وااللي حوليها اعطوها احساس انها القطر فات .. مع انه اكملت دراستها الجامعية وبتشتغل ومبسوطة ؟..

...

بالمناسبة عمر 26 يعني لسى شابة في مقتبل العُمر ، في امامك فرص كثيرة ، لا تسمعي اللي حواليكِ ، بما انك مبسوطة بشغلك و في حياتك لا تهتمي بما يُقال المهم انتِ تكوني مبسوطة ومرتاحة بعيشتك .. في كتير بنات تزوجو على 30 وأكثر ، العمر مش مقياس .

النصيب لما يجي ما بيطلع على عمرك ..

اما بالنسبةة للام الخايفة على بنتها هاد الشي طبيعي كل بنت بتخاف على بنتها وهاد من حبها واهتمامها على بنتها ، لانها اكثر خبرة واعرف منك بالحياة ..

- أخي هلقيت تقدملي واحد بصلي وأخلاقو طيبة وما شاء الله عنو بس هوة بأيد فتح واأنا حمساوية وكل أهلي حماس وأهلي موافقين لأنو شب خلوق بس أنا ما بدي وما بعرف صح ولا غلط الي بعملو ؟

...

بإختصار شديد :

قال الرسول صلى الله عليه وسلم : ( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير) رواه الترمذي .

مش ضروري التنظيم السياسي .. أهم شيء الدين والأخلاق والأدب .

- صار في مشكله عنا بالعيله بين أبوي و عمتي .. و المشكله تأججت بسبب زوج العمه .. حاولت أضلني على مسافه وحده بين الكل حتى ما تتأثر العلاقه بينا كأولاد على اعتبار انه ما النا دخل بخلاف الكبار .. حاليا انحكمنا كل واحد من عيلته و صارت مناسبات و انمنعنا من الزيارات .. شو الحل برأيك ؟

حاولي إنك ما تقطعي العلاقة مع عمتك وأولاد عمتك ، ومتل ما حكيتي ما الكم في مشاكلهم ، وهاد مش معناه انكم ما تتدخلوا بحل المشكلة ، يعني مثلاً تروحي لأبوكي وتحكيله عن عمتك وطيبتها ، وتمدحيها ، وتفكيريه بأيام جميلة جمعتكم ، او ممكن تستعيني بأكثر شخص بأثر في ابوكي ، ويحكي معه ، وحاولي مع عمتك واحكيلها انه والدك ما زال بحبها ونفسه ترجع الامور متل ما كانت ..
...
اقنعي الطرفين يرجعوا ثاني بتنحل المشكلة .. والله يصلح الحال ويهديكم جميعًا :) .

- صحبيتي محبطة وجدا كمان وكل الفترات قلقانة وخايفة وبتحسنش الظن بالله ودايما مرتعبة وبعدين بخاف تعديني من هالشعور هاد واليوم تقاتلت معها وحذفت الفايبر الي من خلاله بنتواصل مع العلم هي بجامعة وانا بجامعة مع اختلاف التخصص برضو ..ف نصيحتك الي ارجع اكلمها ولا كيف وهل الي عملته صح ؟
.........

ليش هي تأثر عليكي ، ليش مش أنتي تأثري عليها ؟!

بما انه انتي واثقة بنفسك ، وواثقة بالله ، حاولي تغيري من فكرها ، يعني مثلا فكريها بآيات قرآنية . لما تحكيلك انا متشائمة ابعتيلها فيديو يرفع معنوياتها .. احكيلها قبل ما تنام تجرب تقرأ الاذكار لمرة فقط ، و تنام على سورة الملك .. بلاش تقرأها من اول مرة بس تسمعها .. تلقائيا حيرق قلبها .. ورح تشكي همها لله ..

خطوة بخطوة بتمشي الامور . وانتي حطي النية انك تصلحي حالها .. والله حيساعدك ولك الاجر ان شاء الله ..

انا نفسي اكون مفيدة لمجتمعي بس مش عارفة كيف ؟

..

حتى تكون عنصر فاعل بالمجتمع ، إذا كنت طالب جامعي إنك تدرس وتجد بالدراسة وتجيب معدل عالي أحلى خدمة قدمتها للوطن ..
اما اذا كنت خريج .. إذا كان عندك وظيفة أخلص فيها ، وأتقن عملك وساعد المحتاجين ...

اذا كنت بلا عمل طرق الخير كثيرة .. ساعد المساكين ، والمحتاجين ، لكل شخص محتاج مساعده ساعده ولو بأقل القليل .. التحق بجمعيات ومؤسساات تطوعية ..
لا تضيع ساعات النهار استغلها وارسم البسمة في كل مكان .. :)

حتزاد الثقة بنفسك والشعور بالرضا ..
والله يوفقك ..

- اخي انس انت حتكون مدرب في الدورة يلي نزلت صورتها على صفحتك ؟

..
لا .. المدربين أفضل مني بكثير . لسا انا بتعلم منهم .

رد على ردي لأحد الأسئلة :

والله ي انس بقول الها اقري الاذكار وتوضي قبل متنامي وحتى اليوم سألتها وقتيش اخر مرة قريتي فيها قرآن وكل مشكلة انا معها وبنحلها مع بعض بس رسمي المرة هادي فقدت منها وبعدين كل يوم لازم تكلمني وانا وراي قراية وامتحانات عاد هي بتكون مخلصة قراية بالآخر بطلع انا الغلطان ..شو رأيك؟؟مع انو والله صحبتنا كانت حلوة بس خلص قدر الله وما شاء فعل .

...
شوفي ..
في حال كان عليكي دراسة بإمكانك تفصلي النت من جوالك وتحطي خدمة حتى م يتصل عليكي حدا .. وركزي بدراستك منيح .. طالما انتي فاتحة نت فهاد دليل انك فاضية وما عندك دراسة لهيك بتحكي معك ع اساس انك فاضية ..

انتي حاولي معاها ..زي ما حكيت قبل.. ولما تحكيلك متشائمة خليها تكلمك مكالمة بدل الكتابه وخليها تردد من بعدك "لا اله الا انت سبحانك اني كنت من الظالمين .. " متلا ..

وإشغلي نفسك معاها بالدراسة حتى م يكون في مجال أنها تتشائم زيادة ..

والله يهدي بالكم ..

انتهت الاسئلة ... شكرًا لكم .

سؤال نسيت الإجابة عنه .. دقيقة فقط .

- افرض انك بالجامعة بتعطي دروس دين ! تمام وأهلك حكولك يا بتترك هذا الامر او رح يطلعوك من الجامعة شو ممكن تعمل !


رضا الوالدين اهم من درس الدين .. بإمكانك تعملي قروب على الواتس او قناة على التيلجرام وتنزلي موعظة عليهم او فكرة حابة تنشريها ..

جزاك الله كل خير .

"وعلى عكس الذين يبحثون عن نورهم في نهاية النفق، سيرافقني النُّور طوال رحلتي."💛

#أثق_بذلك ♥️

الشتاء ربيع المؤمن ♥️

#قيام_الليل .

🍇
"وضوح الرؤية وعتامها وراء نجاح الإنسان وإخفاقه في الحياة"

☆ماهي رؤيتك / ي ؟

مشاركة جميلة من أحد المتابعين ♥️

لاحظت في الفترات الاخير ان الحزن والهم منتشر كتيرا بين الناس وبين الاشخاص ....كل هذا لماذا ؟؟
بسبب البعد عن الله ...وتهاون في صلوات .... عدم رضا الوالدين وغيرها الكثير والكثير من الأسباب لماذا كل هذا الضجر ؟؟؟...
لأسباب دنيوية بسيطة لظروف للمشاكل كلنا عندنا ما يكفينا ....
ولكن!!!
لمن يبحث عن سعادة
السعادة الحقيقة تتجلىى في معرفة الله والخوف منه...ومن عقابه ....
السعادة تكون عندما تعلق قلبك بالله ....عندما تخفض سقف توقعات من الناس ....
لمن يريد التقرب من الله .... اليك خطوات بسيطة والله انها مجربة ...لو دوامتم عليها بقلوبكم ستتغير حياتكم وافكاركم وكل شيء: والأهم ان تكونو على يقين ..وعن حسن ظن وأمل وتفاؤل بالله عزوجل ...
وهي 1اضبطوا منبه الجوال لصلاة الفجر ... صلوها على اول وقتها فإن من احب اعمال الى الله الصلاة على اول وقتها ...
ثم وردتك اليومي من القران ...ليس المطلوب منك ان تقرأ جرءا كاملا لا لا بل أبدأ باربع صفحات وأقرها قراة متأمل متدبر ...وأقرا اذكار الصباح ولاتنسى ان تدعوا لوالديك وللمؤمنين والمؤمنات والمسلمين والمسلمات والاحياء منهم والاموات لان الله يكتب لك الحسنات ...
ثم توجه الى اعمالكم ....
ويأتي الظهر تصليها ايضا عبى اول وقتها .... ولا تتعجل القيام عن سجادتك ..اقرأ اية الكرسي
ثم ياتي العصر تصليها ايضا على اول وقته وايضا لا تتعجل القيام عن سجادتك وتستغفر الله 70 مرة ...
ثم يأتي موعد صلاة المغرب تصليها على اول وقتها وتقرأ اذكار المساء ...
ويأتي موعد صلاة العشاء ...تصليها ايضا على اول وقتها وثم تدعو لنفسك وللمسلمين ...

لا اله الا الله 😊

من لهم يا الله !!
مستضعفين فمن لهم يا رب غيرك !
اللهم نصرك يا الله

#سورية #مصر #العراق #اليمن #فلسطين

يارب ❤

تحنّ إلى لقاءِ الله روحي ،،
و أشُكو البُعد و الدمع العنيدا ،،
تمنيتُ السعادة ليت أني ،، أفارق هُذه الدنيا #شهيداُ