- انس كان لو خيروك تعيش بمكان غير رفح يعني اكيد في اماكن في القطاع يعني غزة خانيونس متلا مين بتختار .

فش حد بخير حد .. هههه ..
لكن أنا مبسوط برفح .. مش حابب أتخير ♥️

- طيب شو نصيحتك لانسان عندو احلام بس بنفس الوقت ضايع يعني مش لاقي نفسه لسه وين هو او شو بدو ؟


..
رتب حياتك من جديد .. طالما أنت ضايع ما رح تقدر تخطو خطو لقدام ..
أقعد مع نفسك ورتب شتاتك .. اثبت وابدأ من جديد ♥️

في مقولة بتقول " واصل الطريق .. حتى وإن سلكت وحدك .. "

الله يوفقك .

- مين قدوتك في الحياه .

..
الرسول ( صلى الله عليه وسلم ) ..
ثم والدي ♥️

- اخي هلقيت احنا متدربين في قناة الكتاب وطلبو منا نعرض موضوع سياسي ساخن وانا ما عندي أفكار بصراحة بدي أستشيرك وأخد رأيك ؟


..
لو حابب تتميز .. في مناكفات جارية بين عباس ودحلان ..
اقرأ عنها .. رح تستنبط بعض سلبيات الطرفين .. وخليها موضوعك :)

- هات انشودة جديدة نسمعها .

..
في أنشودة لحور العين حلوة .. مش مهم الصوت .. اسمع الكلمات .
( طرت في خاطري وبالي اسمها ) ..

الله يثبتك ويرزقك حور عين :)

للأخ الذي طلب موضوع سياسي ..

..

موضوع التسهيلات التي تقدمها مصر لغزة وهل هي تفاهمات بين دحلان ام انها مناكفة مصرية مع عباس .


..
موضوع حلو .. توكل على الله .

- من اكتر انسان مقرب الك ؟

..
حاليًا ما في ♥️

- شو اكتر موقف لسى متذكروا وكل ما تنام بتتذكروا .

سبحان الله .. لا أفكر بأحد ولا أهتم بأحد ولا يشغل تفكيري أحد , أضع رأسي على الوسادة فأنام دون أي تفكير .. لا أدري أين ذهبت الأفلام الهندية التي كنت اخرجها قبل نومي ؟ 😂

- ايه من القران هزت بدنك ؟

" و قدمنا إلى ما عملوا من عملٍ فجعلناه هباءً منثورا "

الآية 23 من سورة الفرقان

- شو نصيحتك ل إنسانة قلبها طيب ؟

..
ضلك مثل ما انت , صح في لحظات كثيرة ممكن الناس تحملك فوق طاقتك وتزودها .. لكن ما تنتظري الأجر الدنيوي .
الله يرزقك الجنة يارب

- الله يهديك الأسئلة اللي يتجاوب عليها كتاريخ الميلاد وطلب نشر الصور هذه أسئلة مخابرات ..

..
معلومة بتجهلها .. أخي .. بخصوص تاريخ الميلاد والمعلومات الشخصية .. معلومة لدى الجميع لأني لو دخلت حسابي الشخصي بتلاقيهم في حول الصفحة .. يعني الاشي معلوم .. وبعدين الهوية الفلسطينية .. غير مستقلة بغزة يعني للأسف لازالت الهوية الفسطينية باللغة العربية والعبرية .. اي لغة بني صهيون ..
وهذا ما يدل أن الاسم وتاريخ الميلاد موفر لديهم وهم ليسوا بحاجة للسؤال ..
( كن صاحب نفس مطمئنة وتوكل على الله .. صح خذ بالاسباب لكن سؤال مثل هاد # معلوم ) .
ومن ناحية نشر الصور , فأنا قمت بنشر 900 صورة لي عبر الانستغرام .. لا يشكر نشر صورة جديدة خطرًا ..
ولست شخصية سياسية لأخاف على نفسي .. انا مواطن فلسطيني ♥️

شكرًا لاهتمامك :)

قديش فيك تعيش بلا وسائل تواصل اجتماعي وهل بتعتقد انها مهمة هالقد بحياتنا؟


أكيد مهمة وجدًا .. لكن ما في وقت معين لعدم الجلوس على مواقع التواصل الإجتماعي .. حسب الأسباب .. والله اذا ما في سبب أقعد ع النت ؟ ليش أقعد ؟
لكن اذا فيه اسباب مهمة وضرورية ..
لازم اقعد ..
بالمناسبة الفترة اللي غبت فيها ما كان فيه اسباب مهمة للجلوس .. فكنت اقعد في نهاية الاسبوع من باب تغيير الروتين يوم الخميس والجمعة والعودة للروتين من جديد .. فكان الأمر جيد والحمد لله ♥️

- ما هي الانشودة المفضلة لديك ؟

..
ما في انشودة مفضلة .. يوميًا بسمع مجموعة اناشيد .. يعني مثلًا حاليًا بسمع هاد الانشودة ( ااخي لا تشكو المذله باكيا ) ..
#شاركوني

- نصيحتك لإنسانة إنكسر قلبها كتيير وتحملت أشياء فاقت كل طاقتها ،؟

..
ما تنظري لإنكسارك انك الإنسانة الوحيدة , في كثير ناس حالتهم أصعب منك .. وكوني أقوى وتجاهلي المواضع والاماكن والاشياء اللي ممكن تذكرك بالإنكسار .. وتذكري كل الايجابيات اللي عملتيها بحياتك .. وان شاء الله رح تكوني اقوى .

- بدي استشيرك لما ادرس للامتحان واروح اقدم سبحان الله بتزكر الصفحه يلي فيها الجواب بحس لكتاب والحمد لله مصور في راسي هذا من فضل ربي اعطاني هيك موهبه بس لم حكيت لناس صاروا يضحكو ويتمسخروا علي قال انا مخرفه بس الحمد نتائج انا اعلى منهم شو تساوي مغهم بيطلعوا علي القاب دودة الكتب بنت اخو ارسطو الحل ارجوكم

..
ليش بتحكيلهم ؟
يعني لو ما حكيتي الهم , كان ما صار اللي صار وما طلع القاب عليكي .. لكن .. اذا انت عنجد طموحة ما رح تهتمي لكلامهم .. وتكملي وتجيبي أعلى الدرجات .

دع الكلاب تنبح والقافلة تسير .. الله يوفقك

- كم علاقة حب كونت ؟
والآن هل أنت على علاقة حب ؟

..
اعتذر على الاجابة .. السؤال تافه

-

شو نصحيتك الي حابه البس نقاب بس الكل بحكولي بس تكبري شو ارد عليهم انا رح اضل عند قراري بس لازم ارد عليهم باشي مقنع ما يخليهم يحكولي اشي بعدين وشكرا .

توكلي على الله .

- أعزمني علي سلطعونات 😋والكولا علي

..
تصدق .. المرة الماضية أجت صدفة , بعد صلاة الفجر شافني شب بقلي فاضي ؟
حكيتله .. اه فاضي .. طلب مني أجي اساعده في الصيد ,, صدت معاه وبعد ما انتهينا من الصيد .. شوينا سمك وسلطعونات .. واليوم كان رائع جدا ..
من صلاة الفجر انتهينا تقريبًا الساعة 1 ونص ..
..

بالمناسبة الصيد متعب بس لزيز وجدا .. ومحتاج مهارة في السباحة . ♥️
انا مش ماهر بالسباحة لكن الحمدلله .. ما تغلبت كثير .. كان الأمور ميسرة :)

ملاحظة للأخت التي تٌريد ارتداء النقاب ...

اذا رفضوا لباسك الشرعي قولي لهم لكم دينكم ولي دين !! ، أثبتي .

شكرًا لمن يساعدتي في الرد :)

انتهت الاسئلة شكرًا لكم ♥️

ستمّر بك لحظة تذهلك فيها سهولة التخلي والتجاوز عن أمور اعتقدت بشراسة أنها مصيرية..