- انس كيف بتفضل علاقتك تكون مع الي بتعرفهم بحياتك بعيد عن اصدقائك الي معك دائما؟ كيف شكلها؟ يعني بتحب تكون فيها اهتمام ومقرّبه ولا مجرد علاقه سطحيه طيبه؟


حاليًا .. سطحية مع الجميع .

- ماذا تشتغل الان ؟

..
لا شيء :) ..

- عندي الاسبوع الجاي عرض(presentation)لمدة10دقايق واول مرة اطلع قدام البنات وهيكا ف بشو تنصحني حتى اقدمه بطريقة ممتازة ..وبارك الله فيك

..
طالما معك اسبوع ..بنصحك .. تقفي كل شوي قدام المراية وتبدأي تشرحي .. ما تنظري لنفسك انه جنون وهبل اذا حد شافك رح يقول هبلة .. بالعكس من أفضل الدروس لتقليل الربكة أمام الجمهور .. هي التحدث مع النفس قدام المراية .. واهم شيء توكلي على الله .. تمرني من الأن كل يوم ربع ساعة قدام المراية من هاد لأخر الاسبوع .. بتكوني ممتازة بإذن الله ..

ربي يوفقك .

- شو مجال شغلك بما انك ما حتكون مذيع ؟

- علاقات عامة . . :) ..مش مستعجل على موضوع الشغل .. بدري .. بس أخلص دراسة .. ربنا بيسرها بإذن الله :) .

- أخي انس بتحب الهدايا ؟

..
أكيد .. مين منا ما بحب الهدايا ..

- أنا خايف ؟

حين يكون الله العظيم معك في هذه الدنيا الضئيلة فيجب على قلبك أن يستكين، لأنه ما من شيء حينها يقدر على أن يؤذيك.*

- انس كيف بتختار الناس الي لازم تكون بحياتك معك وجنبك ؟


..
شوف انا ما رح أجاوب على هاد السؤال , لكن رح اعطيك نصيحة .. لما تحب يكون في حياتك شخص .. اختار شخص يكملك مش يشعرك بالنقص .. يعني لما تكون مصور مثلًا .. ابحث عن ممنتج يكون صديق الك .. ولما تكون كاتب أبحث عن مخرج يكون صديقه .. لانك محتاج انسان يكملك .. فش إنسان فينا كامل .. كل انسان فينا مليان نقص .. حتى لو لقي مين يكمله ..
شوف لو لاحظت شغلة في فريق #فرسان_ميديا ..
محمد منصور .. مصور فيديو
محمد معمر .. مصور فوتوغرافي
صلاح صافي .. ممنتج ومخرج
عبدالله أبو نجا .. مصور
..
الشباب بتكمل بعض .. في ناس بتصور وناس بتمنتج .. وما شاء الله مقربين من بعض .. ربي يحفظهم ♥️
جمعتني فيهم أيام رائعة :)

- انس كان لو خيروك تعيش بمكان غير رفح يعني اكيد في اماكن في القطاع يعني غزة خانيونس متلا مين بتختار .

فش حد بخير حد .. هههه ..
لكن أنا مبسوط برفح .. مش حابب أتخير ♥️

- طيب شو نصيحتك لانسان عندو احلام بس بنفس الوقت ضايع يعني مش لاقي نفسه لسه وين هو او شو بدو ؟


..
رتب حياتك من جديد .. طالما أنت ضايع ما رح تقدر تخطو خطو لقدام ..
أقعد مع نفسك ورتب شتاتك .. اثبت وابدأ من جديد ♥️

في مقولة بتقول " واصل الطريق .. حتى وإن سلكت وحدك .. "

الله يوفقك .

- مين قدوتك في الحياه .

..
الرسول ( صلى الله عليه وسلم ) ..
ثم والدي ♥️

- اخي هلقيت احنا متدربين في قناة الكتاب وطلبو منا نعرض موضوع سياسي ساخن وانا ما عندي أفكار بصراحة بدي أستشيرك وأخد رأيك ؟


..
لو حابب تتميز .. في مناكفات جارية بين عباس ودحلان ..
اقرأ عنها .. رح تستنبط بعض سلبيات الطرفين .. وخليها موضوعك :)

- هات انشودة جديدة نسمعها .

..
في أنشودة لحور العين حلوة .. مش مهم الصوت .. اسمع الكلمات .
( طرت في خاطري وبالي اسمها ) ..

الله يثبتك ويرزقك حور عين :)

للأخ الذي طلب موضوع سياسي ..

..

موضوع التسهيلات التي تقدمها مصر لغزة وهل هي تفاهمات بين دحلان ام انها مناكفة مصرية مع عباس .


..
موضوع حلو .. توكل على الله .

- من اكتر انسان مقرب الك ؟

..
حاليًا ما في ♥️

- شو اكتر موقف لسى متذكروا وكل ما تنام بتتذكروا .

سبحان الله .. لا أفكر بأحد ولا أهتم بأحد ولا يشغل تفكيري أحد , أضع رأسي على الوسادة فأنام دون أي تفكير .. لا أدري أين ذهبت الأفلام الهندية التي كنت اخرجها قبل نومي ؟ 😂

- ايه من القران هزت بدنك ؟

" و قدمنا إلى ما عملوا من عملٍ فجعلناه هباءً منثورا "

الآية 23 من سورة الفرقان

- شو نصيحتك ل إنسانة قلبها طيب ؟

..
ضلك مثل ما انت , صح في لحظات كثيرة ممكن الناس تحملك فوق طاقتك وتزودها .. لكن ما تنتظري الأجر الدنيوي .
الله يرزقك الجنة يارب

- الله يهديك الأسئلة اللي يتجاوب عليها كتاريخ الميلاد وطلب نشر الصور هذه أسئلة مخابرات ..

..
معلومة بتجهلها .. أخي .. بخصوص تاريخ الميلاد والمعلومات الشخصية .. معلومة لدى الجميع لأني لو دخلت حسابي الشخصي بتلاقيهم في حول الصفحة .. يعني الاشي معلوم .. وبعدين الهوية الفلسطينية .. غير مستقلة بغزة يعني للأسف لازالت الهوية الفسطينية باللغة العربية والعبرية .. اي لغة بني صهيون ..
وهذا ما يدل أن الاسم وتاريخ الميلاد موفر لديهم وهم ليسوا بحاجة للسؤال ..
( كن صاحب نفس مطمئنة وتوكل على الله .. صح خذ بالاسباب لكن سؤال مثل هاد # معلوم ) .
ومن ناحية نشر الصور , فأنا قمت بنشر 900 صورة لي عبر الانستغرام .. لا يشكر نشر صورة جديدة خطرًا ..
ولست شخصية سياسية لأخاف على نفسي .. انا مواطن فلسطيني ♥️

شكرًا لاهتمامك :)

قديش فيك تعيش بلا وسائل تواصل اجتماعي وهل بتعتقد انها مهمة هالقد بحياتنا؟


أكيد مهمة وجدًا .. لكن ما في وقت معين لعدم الجلوس على مواقع التواصل الإجتماعي .. حسب الأسباب .. والله اذا ما في سبب أقعد ع النت ؟ ليش أقعد ؟
لكن اذا فيه اسباب مهمة وضرورية ..
لازم اقعد ..
بالمناسبة الفترة اللي غبت فيها ما كان فيه اسباب مهمة للجلوس .. فكنت اقعد في نهاية الاسبوع من باب تغيير الروتين يوم الخميس والجمعة والعودة للروتين من جديد .. فكان الأمر جيد والحمد لله ♥️

- ما هي الانشودة المفضلة لديك ؟

..
ما في انشودة مفضلة .. يوميًا بسمع مجموعة اناشيد .. يعني مثلًا حاليًا بسمع هاد الانشودة ( ااخي لا تشكو المذله باكيا ) ..
#شاركوني

- نصيحتك لإنسانة إنكسر قلبها كتيير وتحملت أشياء فاقت كل طاقتها ،؟

..
ما تنظري لإنكسارك انك الإنسانة الوحيدة , في كثير ناس حالتهم أصعب منك .. وكوني أقوى وتجاهلي المواضع والاماكن والاشياء اللي ممكن تذكرك بالإنكسار .. وتذكري كل الايجابيات اللي عملتيها بحياتك .. وان شاء الله رح تكوني اقوى .