لمن ترك الملاحظة الأخيرة ... لقد أبكيتي .. بارك الله فيك على هذه الكلمات .. الله يتقبل مني ومنك يارب ..

بالمناسبة أنا أدرس في كلية مجتمع الأقصى لكنني لم اذهب للدوام منذ شهر ..
..

- نصيحة لمن تعلق قلبه بمن ليس له ؟

..
ارضى بما قسم الله لك تكن اسعد الناس , حاول تتقبل الواقع لانه ما رح يتغير .. أقرب مثال قصة الزواج .. في كثير ناس بتكون مرتبة حياتها على الإرتباط بشخص معين .. شاء القدر وما صار نصيب .. هل يوقف حياته ويضل متعلق بسراب ؟
لا يرضا بالنصيب ويقول يذهب الجميل ليأتي الأجمل .. ويثق بالله .. وبيني وبينك .. علق قلبك بالله وما تعلق قلبك بغير ربنا ..
والله المستعان ♥️

- شو أكثر لون بتحبه .


..
البني , والأزرق

-هل يصلح الجمع بين تخصص علمي بحت كالطب او الصيدله و شغف الاعلام و الصحافه ؟

..
أين المشكلة في ذلك ؟ عندما كنت أتدرب على أن أكون مذيعًا .. كان يتدرب معي شاب اسمه أحمد خريج طب اسنان .. .
أحمد كان الأفضل بيننا والجميع يغار منه .. بالرغم من انه طبيب وجميعنا مذيعين .

..
قال لي أخي راجي الهمص ذات مرة : جميلٌ أن يقرر المرءُ أن يكون ناجحًا والأجمل من ذلك أن يتعرض لكثيرٍ من ما ظن في وقتٍ من الأوقات أنها نقاط فشلٍ في ذاته المهمُ هنا أن تقرر المهمُ هنا أن تعرف من أنت وماذا تريد ..

كلمات لا انساها ..

بالمناسبة أنا احفظها بطريقته أي أنني استطيع تقليد صوته .. :) .

- بتحب تخصصك ولا انجبرت عليه ؟

..
السؤال هاد سبقك فيه طالب مشارك في أحد المخيمات الإعلامية .. كنت أصغر منه وكان متفاجئ مني .. أصغر منه ومشرف في المخيم . وعندي شوية معلومات عن مجال هو أقدم مني فيه ..
فسألني السؤال ... جاوبت :
كُل إنسان فينا عندو طموح من الطفولة .. وفي ناس ما بتعرف شو يعني طموح .. ماشية على بركة الله .. من طفولتي كانت أمنيتي أكون محامي , لكن شاء القدر #عبدالله أخوي يكون إعلامي ومراسل لموقع صدى الملاعب ..
لحظة استشهاد أخي عبدالله .. كان حامل كاميرا ..
من لحظتها .. أخذت قرار .. بدء البحث عن إجابات الاسئلة.. ليش للهدرجة البحث عن الحقيقة مهم ؟ للهدرجة توصيل الرسالة بحتاج تعب وامانة وتوثيق اول بأول ؟
..
تخصصت إعلام عشان الاقي إجاباتي , لأسئلة كثيرة لازلت بحتفظ فيها بنفسي .. وهيني لازلت ادرس الاعلام .

ما جبرني حد , بحجم ما جبرت نفسي على كثير شغلات ..
بعد استشهاد عبدالله بشهر , بدأت حياتي الإعلامية .. قبل ما اسجل تخصص علاقات عامة وإعلام .. ولا زالت بطاقتي الصحفية الأولى موجودة ومحتفظ فيها ..
لما سجلت وبدأت اروح احضر محاضرات .. لاحظت اني بعرف كل كلمة بحكيها المحاضر , يعني معلومات مش جديدة بالنسبة الي .. الحمدلله .

بالمناسبة لسا فيه اسئلة كثيرة ما لقيت الها اجابات .. سامحوني ..

كنت حابب احكي عن هاد الموضوع بشكل افضل وكتابة أفضل لكن ..السرعة .

- انس بدنا تجاوب بصراحه مين بتحب اكتر شي باولاد اخوك اه سؤال خطير ؟

..
سؤال عادي جدًا , ما عمري ميزت بين حد فيهم .. كلهم سواسية .. يمكن عبود تدلل مع غياب محمد للعلاج بتركيا والأن اجا وقت أطفال أحمد .. والدهم بتعالج بتركيا .. ولأنهم اطفال بحتاجوا اهتمام .. ألله يحفظهم جميعا .. يشهد الله اني بحبهم ..♥️

- مرة كتبت انك قررت تعتزل المجال الاعلامي بشكل كامل ، هاد يعني انك تخليت عن حلمك في انك تصير مذيع؟

..
لو تعرف شو عملت عشان أصير , لتعجبت من الأسباب التافهة اللي صارت , يمكن بنظري تافهة وسهل جدا اجتيازها , لكن اجتيازها قد ما هو سهل قد ما رح اخسر في المستقبل .. ما تنظر للأمر بشكل بسيط .. لما تكون مخير بين حاجتين وتختار الوصول في شيء مش ظاهر مثل المذيع ..
طريق الوصول للإذاعة سهل .. محتاج مني كلمة وحدة , لكن الطريق الثانية للهدف الجديد اصعب ومحتاجة بذل .. ♥️


...
بالمناسبة .. لو أنا بدي أرجع لمجال الإذاعة كان سجلت مقاطع صوتية .. ونشرتهم ع الانستقرام بصوتي والأمر سهل .. لأني بمتلك بدل النبرة .. 7 نبرات اذاعية والحمدلله .. والنبرة الطبيعية موجودة .. بس هيك أنا مبسوط

- بما انه ما الك خوات ،،، في بنات عرفتهم بحياتك بتعتبرهم خوات الك؟ وفي تواصل بينكم؟

..
مين قال ما عندي خوات .. ربي يحفظلي أختي الأكبر .. أم علي ♥️
..
العمل في المؤسسات الإعلامية بجلب علاقات .. كان في زملاء عمل .. لكن من فترة طويلة ما تواصلت مع حد ولا حتى حد عبرني .. نسيوني مع توقفي عن العمل .

- بما أنو الليل صار ليلين وكبر شو بتعمل لتمشي الوقت في البيت ؟

بنام بدري 😂😋

- السلام عليكم كنت احب القراءة كتير بس حفظت القرآن مابلاقي مجال اني اقرأ شي تاني وبصراحة بطلت احب القراءة شو بتنصحني اأقرأ كتاب يحببني بالقراءة من تاني واسماء كتب انتا بتقرأها ؟

في كتاب حابب ابدأ بقرأتو هاليومين .. اسمه الشخصية الساحرة لكريم الشاذلي .. :)

- اذكرلنا موقف شخصي بينك و بين أحد الشهداء أثر فيك ؟

..
صلاة الفجر ..

الشهيد محمد صبري عطالله .. كان من الناس المقربة جدا , وسبحان الله لما تعرفت عليه كانت شركة جوال عاملة حملة ( بتحكي باليوم 6 ساعات , وبترسل 300 رسالة ) دردش شباب .. كنت مخصص رقمه ومخصص رقمي .. في أحد الأيام .. خلصنا 12 ساعة حكي عن عدة مواضيع ..
الموقف ..
كان لما يرن يصحيني لصلاة الفجر , يرفض اطفي الجوال أو احط مشغول .. لازم أرد وأقوم اتوضأ ويسمع صوت المي .. ولم اخلص وضوء .. يطلب مني أسمعه صوت باب البيت لما ينفتح .. مش عشان مكذبني .. ولا عشان يتأكد عشان .. يتركلي ذكرى كل يوم وانا طالع ع الصلاة اتذكرها ..
محمد رحمة الله عليه .. لما كان جواله يكون مسكر وما اعرفله طريق بالرغم من بعد المسافة بينا .. إلا اني كنت واثق تماما لو رحت ع مسجدهم رح الاقيه في المسجد ..

ما بنسى حرصه الشديد على صلاة الفجر .. في مواقف كثيرة .. رحمة الله عليه .

- انس كيف بتفضل علاقتك تكون مع الي بتعرفهم بحياتك بعيد عن اصدقائك الي معك دائما؟ كيف شكلها؟ يعني بتحب تكون فيها اهتمام ومقرّبه ولا مجرد علاقه سطحيه طيبه؟


حاليًا .. سطحية مع الجميع .

- ماذا تشتغل الان ؟

..
لا شيء :) ..

- عندي الاسبوع الجاي عرض(presentation)لمدة10دقايق واول مرة اطلع قدام البنات وهيكا ف بشو تنصحني حتى اقدمه بطريقة ممتازة ..وبارك الله فيك

..
طالما معك اسبوع ..بنصحك .. تقفي كل شوي قدام المراية وتبدأي تشرحي .. ما تنظري لنفسك انه جنون وهبل اذا حد شافك رح يقول هبلة .. بالعكس من أفضل الدروس لتقليل الربكة أمام الجمهور .. هي التحدث مع النفس قدام المراية .. واهم شيء توكلي على الله .. تمرني من الأن كل يوم ربع ساعة قدام المراية من هاد لأخر الاسبوع .. بتكوني ممتازة بإذن الله ..

ربي يوفقك .

- شو مجال شغلك بما انك ما حتكون مذيع ؟

- علاقات عامة . . :) ..مش مستعجل على موضوع الشغل .. بدري .. بس أخلص دراسة .. ربنا بيسرها بإذن الله :) .

- أخي انس بتحب الهدايا ؟

..
أكيد .. مين منا ما بحب الهدايا ..

- أنا خايف ؟

حين يكون الله العظيم معك في هذه الدنيا الضئيلة فيجب على قلبك أن يستكين، لأنه ما من شيء حينها يقدر على أن يؤذيك.*

- انس كيف بتختار الناس الي لازم تكون بحياتك معك وجنبك ؟


..
شوف انا ما رح أجاوب على هاد السؤال , لكن رح اعطيك نصيحة .. لما تحب يكون في حياتك شخص .. اختار شخص يكملك مش يشعرك بالنقص .. يعني لما تكون مصور مثلًا .. ابحث عن ممنتج يكون صديق الك .. ولما تكون كاتب أبحث عن مخرج يكون صديقه .. لانك محتاج انسان يكملك .. فش إنسان فينا كامل .. كل انسان فينا مليان نقص .. حتى لو لقي مين يكمله ..
شوف لو لاحظت شغلة في فريق #فرسان_ميديا ..
محمد منصور .. مصور فيديو
محمد معمر .. مصور فوتوغرافي
صلاح صافي .. ممنتج ومخرج
عبدالله أبو نجا .. مصور
..
الشباب بتكمل بعض .. في ناس بتصور وناس بتمنتج .. وما شاء الله مقربين من بعض .. ربي يحفظهم ♥️
جمعتني فيهم أيام رائعة :)

- انس كان لو خيروك تعيش بمكان غير رفح يعني اكيد في اماكن في القطاع يعني غزة خانيونس متلا مين بتختار .

فش حد بخير حد .. هههه ..
لكن أنا مبسوط برفح .. مش حابب أتخير ♥️

- طيب شو نصيحتك لانسان عندو احلام بس بنفس الوقت ضايع يعني مش لاقي نفسه لسه وين هو او شو بدو ؟


..
رتب حياتك من جديد .. طالما أنت ضايع ما رح تقدر تخطو خطو لقدام ..
أقعد مع نفسك ورتب شتاتك .. اثبت وابدأ من جديد ♥️

في مقولة بتقول " واصل الطريق .. حتى وإن سلكت وحدك .. "

الله يوفقك .

- مين قدوتك في الحياه .

..
الرسول ( صلى الله عليه وسلم ) ..
ثم والدي ♥️