صورة قُمت بتصويرها قبل أيام .. ♥️

أوقات الصلاة بالتوقيت الشتوي لدولة #فلسطين كالتالي :
الفجر .. 4:30
الشروق .. 5:45
الظهر .. 11:20
العصر .. 2:25
المغرب .. 4:55
العشاء .. 6:10
دعواتكم في سجودكم.

لصاحب الملاحظة الأولى :
شكرًا لإهتمامك بسؤالك عن هدفي وأمنياتي , وفي الحقيقة أنا سعيد جدًا لأنك مهتم بذلك ولكنني أجبت على سؤالك مسبقًا .. لذلك سأقوم بإعادة تحويل الإجابة ونشرها مرةً أخرى .. أي أنني لن أغير إجابتي السابقة ..
أما من ناحية الأمنيات ..
كُل أمنياتي تقف خلف رضا الله عز وجل ..
أملي أن يرضا الله عني .. وكفى بها من نعمة ♥️ ..

- شو هدفك بالحياة ؟

لو حكيتلك رح اتقاعس واشعر باني وصلت لهدفي وانا لسا ما بديت الخطوة الاولى .. لكن بوعدك يوم ما اصل لهدفي رح احكيلك :) ..

- كتاب قرأتو وأثر فيك

..
قرأت كتاب عبدالله البرغوثي : أمير الظل .. وأثر بي بدرجة كبيرة .. وقرأت كتاب ما لم يخبرني به أبي عن الحياة .. هذا الكتاب كان بمثابة تنمية فكر .. شعرت بالنقص كلما قرأت مواضيعه .. لكنني بعد الإنتهاء من القراءة شعرت بالقوة ..
أي أنني قرأت كتابين وتم التأثير علي .. والحمدلله أشعر بالرضا عن نفسي ♥️ ..

- كيف قدرت تشغل وقتك وتغيب عن شبكات التواصل الإجتماعي ..

..
أنت حط النية وربنا بكرمك وبقويك لو كنت صادق ومخلص بنيتك .
يعني مثلًا بتشغل وقتك بالدراسة , قراءة الكتب , عمل , زيارات , طشات , عبادات , قراءة قرآن , مساعدة من يحتاج المساعدة .. أنت بس قول أنا مش حابب أقعد على النت وحابب أشغل نفسي بعبادة الله عز وجل .. ربنا بيسرلك امورك .. وبتلاقي حالك مشغول ومش فاضي نهائيًا تقعد على النت ..

- كيف ممكن أكون ملتزم بالصلوات الخمسة .

..
جربت تلتزم وتصلي الخمس صلوات على وقتها وجماعة ؟
جرب .. شوف كيف التجربة .. شوف نفسك كيف ؟
شوف احساسك وشعورك كيف ؟
شعور بالرضا .. صح !
الخشوع بيعطيك لذة في الصلاة ..
....
من جانب ثاني .. :
في ناس بتقويك على العبادة مثلًا , قول في نفسك .. بدي أتسابق مع صديق ملتزم بصلي كل صلاة خلف الإمام بالمسجد .. يعني تصير تسبقه بس عشان تصلي أنت خلف الإمام .... وكمان تسابق بالخير مع ناس مثلك .. مثلا كم ركعة صليت قيام الليل .. أنت ولا هو أكثر ؟
تنافس على فعل الخير والتقرب من الله عز وجل ..
ولو كان عندك صديق .. أطلب منه يقابلك في كل صلاة .. بتصير تصلي وتشوفه .. وتتقابله ..
مثال بسيط : لو حد طلب يشوفك بعد الصلاة .. رح تيجي بدري .. تذكر ربنا طلب منا نقابله 5 مرات في اليوم .. أنت كون كريم وقابله أكثر من 10 مرات ..
صلي النوافل وأكثر من الركعات ..
واذا وصلت لمرحلة صعبة ما ظبط معك الوضع .. قول كل صلاة تأخرت عنها أو ما صليتها بالمسجد بدي أحط شيكل بعلبة .. وأخر الاسبوع شوف كم شيكل بالعلبة .. وتبرع فيهم ع المسجد .. رح تصير تصلي عشان ما تحط شيكل هههه .. المهم .. الأمر بدو يكون بينك وبين نفسك .. حط مخافة الله بين عينك .. يا أخي بدي أطلب منك تتأمل ما كتب عن الجنة .. شوف قديش بدها تعب .. شوف قديش بدها بذل عشان بس دخولها .. رح تهون عليك المشقة ..
وقول في نفسك .. أنا بدي أقعد مع الرسول واقابل الصحابة واشوف الله عز وجل .. رح تهون عليك المشقة والتعب والبذل كل ما تعبد ربنا رح تقول والله قليل .. لازم أصلي ركعات قيام أكثر وأعمل أفعال حسنة اكثر عشان أنال واحقق مرادي ..
وحط في راسك هاد القاعدة .. خلي ربنا يشوف منك ما يحب وما يرضا .. ♥️

لاحظت عليك بالفترة الاخيره كتير منطوي ع نفسك وأحس انك مش متفائل بالهدنيا
ومستعجل الموت ترك الحياه
أخي الكريم كلنا نتمنا الموت لاكن في نفس الوقت في أمور وأمنيات نتمنى أن نحققها وأهداف وأحلام يمكن إشتقت لأخيك
لو فعلاً تحب أخيك يجب أن تكون بدلاً عنه تحقق أحلامه التي لم يحققها التي كان يتمنى أن يحققها يجب ان تتفائل بالحياه
يمكن تريد أن تزيد إيمانك بالله أكتر لكن ليس بالإنطواء على نفسك وعدم الخروج الا للصلاة لو لك اصدقاء أحباب إخوان والديك
لا أخفي عليك انا مررت بوقت مثل هذا انطويت على نفس وقتها لم أكن أرى أحداً تمنيت الموت للقاء النبي محمد وأحبابي الذين سبقونا لكن ايام عدت وبعدها تفكرت في واقعنا بامنياتي باهلي ماذا سيفعلون بعد رحيلي
الحياه تستحق أن نعيش فيها متفائلين نكتسب منها نحقق أهدافنا أحلامنا ..
تمنياتي لك بكل خير
وعيش الحياة بكل ثقه وأمل وتفائل وأرجو تقبل رسالتي مع ان الكلام يمكن مش متوازن لا اعرف كيف خرج مني لاكن احببت أن اوصل لك رأيي
...
شكرًا على كلامك الرائع وكل الإحترام الك أخي .. لكن سؤال : كيف يعني كثير منطوي ؟
وكيف يعني مش متفائل ؟
وهل قلت أنا بدي أموت ؟
وليش حكمت علي بالإنطواء ؟
...
الله يعينك بما مررت به أخي الكريم , لكن كل ما قلته غير صحيح .. الغياب عن مواقع التواصل الإجتماعي لا يعني ما قلته .. شكرًا لأنك مهتم وشكرًا على رسالتك التي اسعدتني ولكني أحب أذكرك بحسن الظن ..
..
أنا لست في حالة إنطواء ولم أفكر في الإنطواء .. ولم أكُن في يوم من الأيام غير متفائل بالعكس , أنا أبيع التفائل مقابل إبتسامة , ولم أقُل بأنني أريد الموت وأتمنى الموت .. ( اللهم أطِل عُمري وأحسِن عملي ) ..
أرجوك , لا تظلمني .. وضع لي عذر عندما أغيب .. ولا تنسى أن تحسن الظن ♥️

كل الإحترام لك وسامحني ♥️

- كم عمرك وشو بتدرس ؟

الحمدلله أبلغ من العُمر 20 عام , أدرس علاقات عامة وإعلام في كلية مجتمع الأقصى .. فرع خانيونس .. .

-أنت مش أنس القديم ، بدأت أشعر بأنك كنت مخطئ و عدت للصواب 😊


الله خير الحافظين ..

- سؤالي /كيف حالك ؟


مبسوط أكثر منك والحمدلله ♥️

- أخي أنس شو ألي بتكرهو بحياتك وما بدك اياه يكون موجود ؟


#الظلم

- أنصحني نصيحة ؟


..
عيد ترتيب حياتك من جديد , أنت لو في الطريق الصحيح ما طلبت مني أنصحك نصحية .. كل الإحترام الك .

أخي الكريم طالب النصيحة ما تنظر لنصيحتي بانها اساءة .. بالعكس أنا واثق تمامًا انك انسان طيب وبتحمل هم التميز عشان هيك بتبحث عن نصائح ممكن تغير فيك للأفضل , لكن أنا كتبت النصيحة بشكل معنف عشان تعمل فيها بشكل جدي مش تقرأ ويلا السلام , لا بدي تقرأ وبجد ترتب حياتك من جديد وبعد شهر تتركلي ملاحظة وتقلي أنا حياتي في تقدم وبجد كنت محتاج إعادة ترتيب عشان ابدأ بداية صحيحة ..

سامحني امانة ♥️

- أنا بكرة عندي اختبار وباقي عندي شابتر تقريباً وكتير صعب شو بتنصحني أعمل لحتي أخلصو الليلة !؟

اول اشي شوف كم عليه هاد الشابتر و هل هو مهم كثير زي باقي الشابترات او لا ؟

و اذا ما عليه كم كبير من العلامات ، مر عليه مرور الكرام او اقرأ قراءة جريدة .. و لكن اذا مهم و عليه كم كبير من العلامات .. شيل الخوف من جواك و توكل على الله و ابدأ ادرس و مش شرط تخلصه كله و لكن كون فاهم شو قرأت .. و بالتوفيق ان شاء الله ..

#كنصيحة_لطرد_الخوف : اتذكر انه هاد اختبار دنيا ، و كيف ما كان ما راح يكون اصعب من اختبار الآخرة .

#وما_تستسلم .. كمل ولو باقل القليل 🙂

- بغبطك !

كما تُدين تُدان , عبارة صحيحة ,, لماذا قلت ذلك ؟
لأنني أغبط بعض الأشخاص في حياتي ,, أراهم ملائكة في الحقيقة .. وها أنت تغبطني .

دوارة الزمن دون حد .

- أخ أنس هل أنت داعش أو تشجع فكرهم ؟

يا ساتر .. شو جاب تفكيري لتفكيرهم , الله يهديهم يارب .. الدين الإسلامي دين يسر وليس دين عسر , وبصراحة لو بدنا نيجي نفكر في قصة الفيديوهات الذبح والحرق .. إلخ .
أنا ضد أفعالهم بشكل كامل , أنا شايف انهم ببشعوا الإسلام وبيسعوا لتشويه الفكر الإسلامي .

لو حابب تحكي لشخص في بالك شي شو بتحكيلوا ؟

مالك شغل بأحد مالك شغل بأفكارهم بمعتقداتهم باختياراتهم لأصحابهم لشكلهم ولكلامهم قبل لا تنشغل بغيرك أرجوك يا كامل الاوصاف انشغل بنفسك , لأنه بجد تدخلك بكل شيء مزعج ..


مش قاصد حد معين , قرأت الكلام وعجبني مش أكثر ♥️

لكن حابب أقول :

لا تشغل نفسك بما يقول الناس فيك
مدحاً أو ذماً
ولكن أعط إهتمامك لسلامة قلبك
وعملك استعدادا
ليوم لاينفع مال ولا بنون
إلا من أتى الله بقلب سليم .. ♥️

- مين أكثر إنسان أثر فيك ؟

في الوقت الحالي , أكثر إنسان متأثر فيه بدون ما أعرفه , الشهيد : سلام المدهون ..
هذه وصيته
https://www.youtube.com/watch?v=O4tOx0L_M8E

- أحيانا بحس انه حضرتك بتحكي مع الناس كأنه انت ملاك وما بتغلط وهم بغلطوا !!! أو يعني بتقلل من قيمتهم بطريقة ردك على أسئلتهم!


احساسك أعطاني حافز لكتابة شيء كنت حابب أكتبه لكن ما تاحت الفرصة المناسبة .. أنا بنظر لكل إنسان بيتركلي ملاحظة نظرة الأفضل , ليش !
..
أنا بشعر أني أكثر إنسان بغلط ومخطئ والناس بتسألني لأني سبقتها بالغلط والخطأ , فبدها تعرف كيف انا بعد ما غلطت وأخطأت .. يعني مثلا لو في صديق الك قدم اختبار في مساق .. أول ما يخلص الإختبار رح تسأله .. شو اجاك في الإختبار ؟ ليش ؟ عشان أنت تجهز نفسك بشكل أفضل وتدخل قاعة الإختبارات وانت واثق من نفسك ..
أنا لو ما غلطت قبل هيك , كان ما عرفت أجاوب أي سؤال وصلني .. شكرًا على إتاحة فرصة للكتابة . ♥️