لمن يُحب ترك سؤال ♥️

http://sayat.me/AnasNasr/read

- شو بتستفيد من غيابك هاد ؟
ما بتحس انو العزلة اشي كئيب ؟!

....

مين قلك اني منعزل ؟ ما جربت العزلة عشان أقول كئيبة أو غير كئيبة .
تعديلًا على سؤالك ؟
شو بتستفيد من عدم جلوسك على الإنترنت ؟
- استغلال جيد للوقت .. القراءة , العودة للحياة الواقعية .. أمور كثيرة أفضل أن تبقى في نفسي ♥️
شكرًا لإهتمامك وملاحظتك :) .

- كيف حالك , زمان عن كتاباتك

..
الحمدلله مبسوط وبأفضل حال .. من ناحية الكتابات بإذن الله في قصة جديدة سأقوم بنشرها لكم ..
♥️

- راح تضل تغيب عن مواقع التواصل الاجتماعي و ترجع بس نهاية الاسبوع ؟


..
لا .. سأستمر بالتواجد بإذن الله ولكن بشكل أقل كثافة عن السابق .. ♥️

- مين بنشر ع صفحتك ع الفيس بوك ؟

..
المنشورات مجدولة .. أي ( أقوم بتحديد الوقت الذي اريده للنشر دون التواجد على الفيس بوك ) ..

يا أخوة .. لمن يُريد السؤال .. أتمنى أن يكون السؤال يحتاج إلى إجابة تدعوني للكتابة .. فأنا أريد أن أكتب ..

لهفة للبوح ♥️

- بالمناسبة بإمكانك على التيليجرام تعمل جدولة للمنشورات كمان ! 🙈

- كيف ؟

- شو أكثر شيء استفدته بغيابك ؟

..
استفدت كثير شغلات لدرجة وصلت لمرحلة .. شعرت اني إنسان جاهل تمامًا .. من الفوائد اللي استفدتها جديد ..

( مع مرور الوقت رح أكتب وبشكل يومي فائدة ) ..
#تستعجلش ♥️

- احكيلك حاجة تدفعني من اليأس للتفائل
..


تنتظرش كلمة من حد , أنت سند نفسك .
لكن تفضل :
لا تَقل لقد كُسرت ولا استطيع النُهوض , ألا ترى كيف أن الوردة تقف على ساقٍ واحدة ؟ ❤️

-اذا بتسمع اناشيد امانة عليك تشاركهم على القناة لأني بحب اسمع الاناشيد .

..
حاليًا انا بسمع حماة الدار والدين ..
واصل الطريق , مهما كان الأمر ولو سلكت وحدك .

شاركني ♥️
https://www.youtube.com/watch?v=sGOnoqdZERg

- كيف ممكن الواحد يتخلص من شعور الحزن الدائم اللي بكون من غير سبب ؟

..

أخي الكريم , ما في حزن من غير سبب .. أقعد مع نفسك اليوم واسأل نفسك .. هل أنت راضي عن نفسك .؟
شوف وين أنت بالدنيا بالظبط .. بالطريق الصح ولا بالطريق الغلك وتذكر ما في سعادة وأنت بعيد عن رب العالمين مهما عملت وسويت ..
القرب من الله عز وجل راحة ..
شوف يمكن تستغرب لو طلبت منك هالطلب ..

- سكر جوالك وأترك النت مش لساعة ولا لساعتين .. لمدة يومين .. وقول اليومين هدول لله عز وجل .. بدي أتقرب من رب العالمين .. بدي افرغ نفسي ووقتي كله لله .. كيف ؟
أنا اقلك .
مثلًا : ما تترك نافلة أو عمل صالح بتقدر تعمله إلا وتعمله .. والوقت اللي بتقعد فيه ع النت عشان تحكي مع هاد وتقرأ كلام هاد وتراقب حساب هاد .. اقرأ قرآن .. اقرأ كتاب تنمية بشرية .. يا سيدي لو ما بدك تقرأ جرب قوم زور صلة الرحم .. أقعد مع أمك .. أقعد مازح أبوك .. يا أخي ما تترك وقت فراغ ولو لثانية .. اشغل لسانك بالذكر قرر اليوم تسبح 1000 مرة وتستغفر 1000 مرة وتذكر الله كمان ..
تتصدق وتقعد على باب بيتكم بنية مرور اي انسان من قدام البيت بس عشان ترد السلام وتوخذ حسنات وتكون حاططت نية مساعدة أي عابر طريق أو جار .. وجاهد في الإكثار من النوايا في كل عمل .. يعني كل عمل بدك تعمله .. أنوي أكثر من نية ومش كل عمل تعمله ما تنوي أصلًا .. ( إنما الأعمال بالنيات ) تنساش من لا حسبة له لا أجر له .. احتسب ..

يومين من حياتك لله عز وجل .. وقلي كيف الراحة اللي دخلت قلبك واستقرت وغيرت نفسيتك وحببت الناس فيك .. وما تنسى محبة الناس من محبة الله عز وجل ..


الله يكرمكم جميعًا .. ♥️

تنساش تجدد النية بشكل يومي , واذا قررت بجد تغيب يومين لله عز وجل .. حط نية الهجرة ♥️

- شو خسرت في حياتك ؟


..

اعتمادًا على قوانين الفيزياء فإنه لا طاقة ولا كتلة ضائعة في هذا الكون، كل ما تخسره يستبدل بشيء آخر، لذا أنت لا تخسر وإنما تتغير بك الحياة.

- ما هي مهمتك القادمة ؟

..
زرع الورود بدلًا من الشوك .. في كل طريق أعبر منها ♥️

بحبك يارب، بحبك لأنك الرحمٰن الرحيم , لانك بتعذبش عبادك بدون ما تعطيهم مليون الف فرصة ؛ ما بتزهق من مغفرة معاصينا ؛ بتحب عبادك وبتلطف فيهم وبترحمهم ؛ حكيم يارب؛ كل المحن الي كنا تعبانين منها طلعت منح بتفتحلنا أبواب كتيرة , احنا كنا مش متخيلين انها تنفتح أصلًا ؛ بحبك ﻻنك ما بتخذلنا ولا بتكسرنا ولا بتذلنا بالعكس بتجبر كسرنا وبتقربنا بالطريقة الأنسب لأنفسنا , بحبك يارب لإنك مع عبادك دايماً وما بتتركهم ولا أقل من جزء في الثانية وبتعز عليك دموعنا وبتمحيهم بسجدة ❤️

#حكايا_قلب

لم أشرب قهوة منذ مدة طويلة ♥️

- شو بتعنيلك الحياة ..

..
حابب أجاوبك وبنفس الوقت افيدك .. يعني انت سألت لأنك حابب تعرف وهاد الشيء رح يجبرك على قراءة موضوع كامل حتى ولو كان طويل ..
عشان هيك بدي منك تبحث عن معنى هذا الحديث وتقرأ وتستفيد وتتعظ ♥️

((ما الدنيا في الآخرة إلا كما يدخل أحدكم أصبعه في اليم فلينظر بما ترجع))

القراءة رح تفيدك أكثر من إجابتي البسيطة والمختصرة ♥️

- انت من النوع اللي بتعصب بسرعة وبترضى بسرعة ولا كيف ؟

..
من زمان ما عصبت بصراحة هههه .. من شهر تقريبًا .. ما عصبت ولا مرة ولا حد استفزني ولا استفزيت حد .. لكن من ناحية الرضا .. صحيح ( سريع الرضا ) ♥️

1- مين هو الشخص الي مستحيل تزعلو منك او انت تزعل منو ؟
2- اوصف حياتك بأختصار شديد ؟
3- شخص تتمنى مقابلته ؟
4- انت انسان كثير الكلام ام هادىء ؟
5- أكثر كلمة تستخدمها خلال كلامك ؟
6- دولة تحب تزورها ؟
7- لو رجع فيك الزمن شو الاشياء الي تغيرها بحياتك ؟


....

- كل الناس سواسية .. مش حابب أي إنسان يزعل مني , وبجاهد بقدر المستطاع ما أزعل من حد ,, القلب هش ومش سهل تسمع تنهيدة إنسان حتى لو ما بتعرفه وصعب جدا تشوف دموع اي انسان بدون ما تتحرك مشاعرك .. في النهاية انت انسان وشو تمنيت لنفسك رح تتمنا الناس مثلك .. خلي همك اسعاد الناس , رح يكون هم الناس اسعادك وتجنب زعلك .. وفرصة أطلب من الجميع ( سامحوني بجد , اذا في لحظة من اللحظات غلطت وزعلتك بجد أنا أسف وحقك على راسي وعن نفسي .. مسامح الجميع دون استثناء أحد .. مش من الأن .. من مدة ) وربنا يتقبل ♥️ .. وبصراحة أنا عن نفسي .. أخر فترة مبسوط جدًا .. راحة نفسي .. أي والله وزني زاد من الراحة ههه الحمدلله .

2- جاري ترميمها وإن شاء الله .. في لحظة الجهوزية سيكون لها اختصار بإذن الله .

3- الشهيد محمد صبري عطالله .. وفي سبب للمقابلة .
4- قديما : كثير الكلام .. حاليًا : بحب اسمع أكثر ما احكي ..
5- الله يحبك ,, الله يكرمك .. ما لاحظت اني بحكيهم كثير , غير لما حكولي الناس .
6- حابب أضل في غزة وإن ربنا أكرمنا نزور أراضينا المحتلة .. والصلاة في المسجد الأقصى .. نعمَ الزيارة ♥️
7- كل حاجة صارت في حياتي من الطفولة لقبل شهر من الأن .. الحمد الله ( الأن مبسوط وأشعر بالرضا ) ♥️

- يكون عندك صديق مقرب كثير صار معو شي معين أوقف جنبو ولا ابتعد عنو تا يخلص من هاد الشي الي هو فيه ؟؟ شو بتنصحني😐


..
ما رح أقلك أقف معاه ..
ليش ؟
في ناس كثيرة لما تمر بموقف معين ما بتحب حد يقف معها واذا وقف حد بنية الخير ونية المساعدة بيتحول مباشرة في نظرهم انه انسان لزقة وانسان فضولي وانسان بحشر انفه في حاجة ما بتعنيه .. لكن في ناس كثير بتقدر وقفتك معها وبتنتظر سؤالك عشان تزيح همومها بشوية فضفضة .. مش كل الناس عقل واحد .. في نعمة الإختلاف .
أنت أكثر إنسان بتعرف صديقك , بتعرف انه محتاج قربك وإهتمامك ولا محتاج بعدك عنه .. لكن تذكر فش صديق بحب صديقه يتركه في محنته .. لو بحبك بجد رح ينبسط من اهتمامك ويحاول يتظاهر انه مبسوط بس عشان ما يضايقك ويتظاهر بالقوة ..
وحابب أقلك .. في ناس لما تكون مضايقة بتنح وما بتحب تحكي وبتطلب البعد .. بس بتلين مع تكرار سؤالك واهتمامك وقربك ..
..

الله يحفظك ويجمعكم بالجنة يارب ♥️

انتهت الاسئلة .. شكرًا لكم ♥️