- كيف بتعرف انو الي بيحكي معك بنت او شب؟؟


وضح سؤالك ..
لأني بصراحة مش فاهم ..
أول ما قرأت السؤال فهمت قصدك بخصوص اسئلة السايت .. لكن وضحلي عشان اجاوبك :)

-برايك ما الذي يجعلك مميز وركز على كلمة برايك ؟


- سؤالك .. واهتمامك بأنس أكبر دليل اني بنظرك مميز :) .
لكني محتاج لسا كثير عشان اصير بنظر نفسي انسان مميز .. في امور كثيرة محتاج اثبتها لنفسي بالأول ♥️

- مين الطفل الي حاط صورته ♥️؟


#عبدالله إبن أخوي محمد .. حبيبي :)

-اذا مريت بتجربه التوجيهي
من فضلك عندك نصائح 💜؟

التوجيهي سهل .. بس شو بفرق عن السنوات الثانية ..

توجيهي تقرير مصير 12 سنة في حياتك .. يعني رسوبك او نجاحك بقرر مصير 12 سنة تعب في حياتك .

بعدين الناس ما شاء الله ما بتسيبك من شرها وطولة لسانها بحجة خوفهم عليك .
عن نفسي .. كنت اروح اصلي .. جاي عشان ربنا ينجحك ؟
وعالطلعة والنزلة .. وين كيف توجيهي .. كرهت السنة .
بس بدي أقلك نصيحة .. ادرس أول بأول .. ما تراكم المواد عليك وما تسمع من حد اي كلمة ..
وكأنها سنة عادية في حياتك .
ليش ؟

في قصة قصيرة بنظري قاعدة في حياتي :

( قائد الضفادع وقف قدام جميع الضفادع وقال الضفدع اللي بيصل قمة الجبل أول رح أعطيه جائزة قيمة .. بس بعد ما قال هيك بدأ يخوفهم ويقول في حيوانات شرسة بالطريق ويحكيلهم ما تسرعوا كثير لانه سرعتكم رح تلفت نظر الحيوانات الشرسة ..
كلهم كانوا خايفين .. إلا ضفدع اطرش ما بيسمع ..
عرف انه في سباق غير هيك ما سمع شي .. وصل القمة .
العبرة .. ما تسمع من حد .. وتوكل على الله وربنا يوفقك .


نصيحة : لما تحب توخذ نصيحة .. خذها من إنسان نجح في الثانوية بمعدل عالي مش مثلي :) ..

♥️

-هل هناك صفة تحبها في نفسك او الناس يحبونها فيك، و الى أي درجة أنت راضي عن نفسك ؟؟



انت من تحدد الصفة وليس انا .. وأنت من يجب أن يخبرني بالصفحة التي تعجبك والتي لا تعجبك .. كي اكثر من الصفات التي تعجبك واتجنب الصفات التي لا تعجبك ..

اما من ناحية درجة الرضا .. فأنا راضي تمامًا عن نفسي ..
بالمناسبة اليوم بعد العشاء دار حوار بيني وبين اصدقائي بخصوص موضوع الرضا عن النفس ..

الحمدلله ♥️

-السلام عليكم أنس ليش ما بتغير الصورة الشخصية لصفحتك في الك صورة قاعد بين الشجر وبتضحك جحلوة كتير الصورة ممكن تحطها لو سمحت هادة طلبي 😊


لو لاحظت /ي ما بنشر صور على صفحتي مثل زمان ..
بس بنشر على الانستقرام .. لكن ان شاء الله رح اغيرها بإذن الله .

بس بجد ما بحب انشر صوري على الفيس بوك مثل زمان .

رح اغيرها لانه طولت عنجد

شكرا للاهتمام

الحياة شو ببتعنيلك ؟

قال رسول الله صلى الله عليه وسلم "الدُّنْيَا سِجْنُ المُؤْمِنِ وجنَّةُ الكَافِرِ"

هيك الاجابة كافية .. اظن ؟ ♥️

-ليش الغالبية العظمى من متابعينك بنات؟ بتعتبر هاد شي طبيعي لشاب ملتزم وبعمرك؟


طبيعي جدا يكون بنات مش شباب ..
ليش ؟
أولًا : لأنه انا بكتب قصص طولية والشباب ما بحبو قراءة القصص الطويلة ..

ثانيًا : البنت لما تعلق على أي صفحة أو على أي شب بتركلها رسالة او ببعتلها طلب صداقة او بضايقها وهي بس اعجبت بكتاباته او تصويره او موهبته .. وهاد الشي انا ما بعمله ..لأني واثق بأنه مش كل متابع بحبني .. الاعجاب مختلف تماماً عن الحُب .. والأهبل بس هو اللي بفكر انه اذا حطت لايك يعني بتحبه .

ثالثًا :
انا منشوراتي واضحة جدا ولو الي هدف بجد ببين في التعليقات عن طريق ردودي على البنات .. والكل بشوف وبتابع تعليقاتي ..
يا بذكرهم بالاذكار يا بشكرهم على تواجدهم .

رابعًا :
هدف الصفحة .. أثر طيب .. لو فيه هدف غير هيك كان على الأقل تم تفعيل رسائل الصفحة .. لكن انا ما عندي حساب شخصي ورسائل الصفحة معطلة .. يعني أنا كل شغلي آلة نشر .. آلة كاتبة .. بكتب وبنشر وبرد .. وربنا يتقبل ♥️


في اسباب ثانية وكثيرة كمان .. لكن سأكتفي بهذه الاجابات :) ♥️

- قدوتك ؟! و لماذا

الرسول صلى الله عليه وسلم ..

لماذا : محمد صل الله عليه وسلم هو نبي الله ترك لنا الأثر الطيب الذي يسعى الجميع في تقليده ولو بالقليل ..

( الاجابة على لماذا .. محتاجة قعدة ) ♥️

-سؤال فضولى :/ متى ناوي تنام


- لما انعس :) .

- لما يقتلك التفكير ع الآخر شو بتعمل؟؟؟؟

#بنام , او بحتاج مساعدة أي انسان وبشاركه الافكار يمكن يقدر يساعدني ♥️

-محمد منصور ؟
هل هو صديقك المفضل ؟
واحكيلنا شوية عنه



محمد بعرف مكانته بقلبي .. لو حابب تعرف محمد .. عيش معاه
لكن وبإختصار محمد :
إنسان طموح وذكي .. وشاطر في مجاله كثير
وبالنسبة اللي في مجالي .. محمد مكملني ..
..
انا ما حكيت عن محمد كثير ..
لأني ما بحب أحكي عن اصدقائي .. بخاف ينحسدو 😝🙈

- أي فصول السنة تحب ؟


الشتاء ♥️

-رأيك بمسلسل الفدائي

كنت حابب احضروا بس ما صار نصيب :) .

-سؤالي طمنا عن أحوالك، وصحتك وأخبارك ان شا الله تمام :) .


الحمدلله .. نشكر الله على كل حال .. شكرًا كثير لاهتمامك .. اسعدتني والله ♥️

-لون شعرك من قدام طبيعي ؟! لأنه بختلف عن باقي شعرك


قصته قصة ..
الحقيقة ( لونه بهت )
يعني ما صبغته ولا لعبت فيه أصلا .

...
رح اقص شعري على الصفر بإذن الله .. #أقرع .

- مين هو انس حقيقة

كل الإجابات اللي كتبتها وما عرفتني ؟
كل هل الاعترافات وما عرفتني ؟
كل يوم بجاوب على قرابة 30 سؤال ؟

طيب هاد السؤال تكرر المرة 6 وجاوبت في كل مرة ..
ما بحب أحكي عن نفسي .. تعال عيش معي وتعرف علي أكثر .. لأنه أنت اللي بدك اياه رح تعرفه .. بدون ما تحتاج تسألني ..
♥️

اكتفيت

حدا بيظن فيك سوء كيف بتتعامل معه؟؟؟

#اشرحله .. الصح .. وبدون تردد او خوف

- اسم اسير اثر فيك ؟

المهندس العبقري : عبدالله البرغوثي .

انتهت الاسئلة لهذا اليوم ..
سامحوني مرهق جدا .. حتى الاجابات على الكثير من الاسئلة مختصرة ومشتتة ..
المهم سامحوني ..
♥️

لا يعرفون عنك شيئًا، لا يعرفون ما قاسيت،ما عانيت،لا يعرفون عن صبرك الطويل،والإعياء،وعناء الطريق، لا يعرفون ما تريد لكن الجميع يتدخل في قرارك.


اخ منكم