‏أمد يديّ للسماء وأشعر أن رحمة الله تنتشل كُل هذا الركام مِن صدري.❤

‎اللهم لا أمان إلا أمانك، ولا سعة ومغفرة إلا من عندك، ولا سلام واطمئنان إلا ما قدّرته لنا، اللهم لملم شتات قلوبنا وأرواحنا واملأنا بحبك . 💜💙

إسألني شي يثير فضولك ..

http://sayat.me/AnasNasr/read


رح ابدأ بالإجابة على من يترك لي سؤال .. للمشغولين .. قم بخفض صوت الاشعارات لكي لا تنزعج .. المهم ابقى مشترك بالقناة ♥️

- من أكثر شخصيه أثرت فيك وجعلتك شخص آخر ؟

#أخوي_عبدالله ..
لأسباب كثيرة .. كثيرة جدا .

- سر تسميك للاثر الطيب !

..
أخي محمد .. قام بإنشاء مجموعة على تطبيق الواتس أب مع بدء فكرة مشروع الأثر الطيب في حياتي ..
عندما يكون لديك هدف وتحتاج لعنوان .. ستجلس مع نفسك وتختار العنوان المناسب لهذا المشروع ..
مشروع الأثر الطيب ..
والحمدلله .. طرحت على أخوي محمد الفكرة مع سؤال :
شو بتحب يكون هاشتاغ صدقة جارية أنشر عليه على صفحتي الإعجاب .. وما بدي يكون حد غرد عليه قبلي ..
اعطاني اسمين .. الأول
اترك اثرا طيبا
الثاني
الأثر الطيب .
والحمد لله بدأت بالنشر على الفيس بوك بإسم الأثر الطيب مع العلم .. عندما قمت بنشر هاشتاغ الأثر الطيب .. لم يسبقني أحد بالنشر على هذا الهاشتاغ ولكن الأن وبفضل الله الكثير من الناس يغردون ويضعون الهاشتاغ ♥️

شكرا لله .. هذا ليس سر ولكنني رُبما اختصرت الكثير من التفاصيل التي تحتاج إلى كلام وليس كتابة :) .

- هل كان لك علاقات من قبل وفشلت ؟ وما هي نصيحتك لمن اراد ان ينسى شخص قديم ؟


كُل إنسان بيبدأ علاقة وبخرج من علاقة .. ما في إنسان ما بيرتبط بالناس إلا الانطوائي .. لكن الفرق بين كثير من الناس .. هو الإنسان المستيقظ النبيه الذي خرج من كل علاقة بدرس جديد .. يعني بالعامية :
إذا انا اليوم ما تعلمت من تواجدي في حياة انسان او تعامله معي .. او قربه مني .. شو فايدة هالصحبة ؟
شو هالعلاقة ؟
ما بدي تقول علاقة فشلت !!
قول اثنين ما فهمو بعض صح .. أو الاثنين ما كانوا من الاساس لازم يقربو من بعض .
فهمت ؟
نصيحتي .. تعلم من الحياة ..
الحياة مدرسة .. كل علاقة بتدخلها .. حاول تترك اثر بقدر المستطاع .. ولما تبدأ العلاقة تنتهي .. اقعد مع نفسك وشوف انت شو استفدت من قربك .؟
وهل بعدك رح يغير شي ؟


بظن هاد السؤال .. محتاج انسان نبيه .. صاحي للحياة :) .

- كم مرة مششششط شعرك اليوم
سؤال عشان زهق ؟


6 مرات .. بالظبط ..
- 5 مرات بعد كل وضوء ومشطت مرة ..
السادسة .. بعد ما اغفيت شوي

..
بالمناسبة .. أنا مش زعلان على سؤالك .. انا زعلان عشان المتابعين رح يتضايقو منك ويحكو يما ما اخف دمه هاد سؤال .. مش أكثر :) ..

سامحني ♥️

- من اين اكتسبت خبرتك في الحياة ؟


إكتساب الخبرة لا يأتي في يوم أو يومين ..
وانا لا زلت في نظرِ نفسي .. أحتاج الكثير الكثير لكي اصبح صاحب خبرة كما قلتي ..
ولكي اجيب على سؤالك ..
الحياة هي المدرسة الوحيدة التي قد تصنع منك انسان قوي أو كما قلت صاحب خبرة :) .

- اسم الكتاب يلي بلشت قراءة فيه

ما لم يخبرني به أبي عن الحياة .. لكريم الشاذلي ..

- في شي مضايقك ؟

لا .. الحمدلله أنا بخير ..

- هل صليت على النبي اليوم واستغفرت ربك ؟


- اللهم صل وسلم على سيدنا محمد .
- استغفروا الله العظيم ..

قبل الإجابة : شكرًا لأنك تريد مني أن أنهي يومي هذا بالاستغفار والصلاة على الحبيب ..


الإجابة :
الحمد لله .. ♥️

- كيق بتوازن بين والعمل والدارسة والنشر المكثف ع القناة ؟!

اذا ما كان إلك خطة في حياتك وجدول يومي .. وسؤال ما قبل النوم .. ( شو قدمت لنفسك اليوم ؟ )
ما رح تنجح في حياتك ..

تنظيم الوقت والحمدلله الأمور تمام ♥️

- اخي الكريم ، لا تنم وفي قلبك غصة لازلت تناجي ربك فيها ، انت تكابر وتكابر وتكابر وبالنهاية سوف تندم على كل لحظة حزنت بها وحقدت على احد ما واضعت يومك بتفاهات هذا وسخافات ذاك ، انت هو انت ولا تجعل الغصة في قلبك تنفي حياتك بعيدا عن الله عز وجل وان كنت تصلي وتدعي وتستغفر فانت ذهنيا بعيدا عنه ، تأمل كل كلمة يا انس 😊


هذه الرسالة .. ع الوجع

بالمناسبة أنا بالعادة لا أقوم بنشر الملاحظات التي تصلني على هيئة رسالة خاصة او نصها مليء بالكلام الجميل الذي يبعث في نفسي السعادة وربما الكثير من الذي ارسلو لاحظو انني اقتص سؤالهم فقط من الكلام الذي يصلني ♥️
شكرًا لاهتمامكم جميعا .. الله يحبكم

- بتحب تسمع أناشيد ؟ما نوعها ؟


أناشيد ( جهادية ) ♥️

- انت بتوعد وبتخلف ولا المشاغل بتنسيك ؟

المشاغل بتنسيني .. ذكرني لو تكرمت ♥️

- مثلا إنسان طول عمره مجتهد ومتميز وتخرج بمعدل مرتفع بس للأسف مش لاقي وظيفة الواحد بيزعل وبيضايق وبتسود الدنيا في وجهه غير هيك أهله بيضايقوا عليه وبيعطهوش مصاري بحجة لازم يشتغل وهالانسان صار يكره الناس وبيحبش يشوفهم لأنهم كل مايشوفوه بحكوله يا ابو الجامعة والمعدل العالي شوف شو سوت الدنيا فيك كل تعليمك على الفاضي آسف للإطالة بس شو النصيحة .


بصراحة ما رح أفيدك كثير بهاد الشغلة ولأول مرة أعترف اني عاجز عن الرد لأني ما خضت هاد التجربة .. أقلك ليش ؟
لأني تخرجت من الثانوية بمعدل بسيط يعني بدخلني كلية .. تعبت على حالي قبل ما ابدأ دراسة يعني قبل ما اختار التخصص كنت بشتغل :) .
والحمدلله الخبرة في مجال العمل فادتني كثير .. لأنه الميدان العملي أقوى من الكتب ..
لكن لو بدنا نيجي للصحيح .. الكتب الدراسية اللي بندرسها هي العمود الفقري لكل تخصص ومجال في الحياة ..

بدك نصيحتي ..
انزل اشتغل في مجال غير مجالك اذا ما لقيت شغل في مجالك ..
لأنه اذا ما تعبت على نفسك ما رح يساعدك حد ولا رح يجي حد ويقلك قوم اوظفك .. فش فانوس علاء الدين يا حبيبي .. الدنيا تغيرت ..
انا بطلع من ال7 الصبح اشتغل في مجال الاعلام من ناحية اعداد تقارير تصوير أفلام .. توثيق بعد الاحتفال وغيره لمؤسسة إعلامية دون تقاضي أي راتب .. لكن الفرق بيني وبين القاعد في البيت اني في كل مرة بطلع فيها أشتغلت بكتسب خبرة جديدة .. بتعرف على ناس جديدة .. وعلم جديد وتبادل الخبرة مع اهل الخبرة ..
يعني لو يطلب مني دكتوري في الجامعة أقوم اشرح بداله جاهز .. لأنه صار عندي خلفية عن مجالي .


ربنا يوفقك .. بعرف اجابتي مش تمام .. وما رح تعجبك كثير .. لكن ربي يوفقك .. قلبي داعيلك يخو ♥️

-ناس بتتدخل في حياتك كثير شو الحل؟؟


إهمالهم .. رح تقلي كيف ؟
أنا أقلك الإنسان هاد بس بدو يعرف تفاصيلك الصغيرة ..
انت بتجاهلك واهمالك اله .. رح يفرك فرك .. يعني رح يدوخ وهو بدور على تفاصيلك عشان يعرفها ..
كمان لما يجي يسألك .. جاوبه بسؤال .. كيف ؟
لما يقلك وين رايح .. قله انت ليش بتسألني وين رايح ؟
مع مرور الوقت رح يخاف يسألك عشان ما تسألوا ..

...

والاجابة محتاجة كلام كثير .. بس اختصار عشان الوقت ♥️

- رح تفرض ع مرتك النقاب


لا طبعا .. ما في حاجة اسمها فرض .. في مسايسة .. في حُب .. في اساليب .. كثيرة عشان تلبس النقاب وهي حابة تلبسه بجد ..

:) .

هل تعتبر سبب نجاحك هو الاعلامي راجي الهمص ؟

في البداية .. أنا لا زلت على عتبات البداية ولم اصل إلى النجاح الحقيقي الذي رسمته لنفسي في بداية حياتي ..
..
التوفيق من عند الله وسر نجاح أي إنسان في هذه الحياة .. هو محبة الله له ♥️
الله يوفق الجميع ..

- أخوي راجي كان دوره كبير .. كبير كثير .. 6 شهور من مرافقته وبشكل يومي .
من الصبح للمسا .. يعني لو إنسان غبي قعد ما إنسان مثل راجي كنز معلومات في مجال الإعلام و11 سنة من الخبرة رح يستفيد وكثير كمان .
لكن الحمدلله .. كل كلمة سمتها كنت احاول اطبقها واذا ما قدرت اسعى ..
والصح اعمله والغلط اتجنبه وبصراحة لحتى الأن أنا بستشيره وبأخذ بشوره في مجالي ..
يعني أخر مرة .. ( كان في مخيم اعلامي ومطلوب مني اكون مشرف في المخيم ضمن 3 مشرفين )
سألته .. هل ابدأ من الأن مشوار اعطاء المحاضرات والاشراف وتحمل مسئولية الطلاب ..
- قلي شو بتنتظر ؟
- قلتله .. لسا محتاج اتعلم أكثر عشان لما اقف قدام الطالب يكون بجد حاسس اني استاذه مش مجرد شب .
قال : انا واثق بدايتك رح تكون موفقة بإذن الله .

وبالفعل .. توفقت في المخيم ♥️
بالمناسبة : كنت لما احكي ما اعرف اسكت .... برام🙈

- ذاكرتك ضيعفة ولا قوية ؟؟

#ضعيفة .. والسبب كثرة الطلعة والنزلة يعني الانشغالات . ♥️