- الوالد والوالدة الله يحفظهم .. انتا مقتدي فيهم بشكل كبير وبالاخص الوالد . شو هو الشيء الي نفسك او انتاا قاعد بتسعى الو لتكون هادي الصفة الي بالوالد فيك ؟

..
في مجموعة صفات . . لكن والدي قدوة حسنة بالنسبة إلي .. فإذا بدي أقتدي بوالدي .. ببدأ بالصفة الأولى .. أكون قدوة .. بعيدًا عن الصفات الكثيرة المكملة لهذه الصفة ♥️

- شخص بحكي دايما اني بكره وانا عمري ما شليت عليه ،، ويحكي للكل الا الي أنا ،، شو الحل برايكم ؟؟؟

أقعد معاه وافهم منه الأسباب .. تبادل معاه الحوار وناقشه .. يمكن في عنده اسباب ويمكن انت كمان عندك رأي ثاني .. الحوار أفضل حل للتفاهم ♥️

- شو رأيك بمجاهد وقسامي بحب وبكلم بنت ؟! ومش قادر يقنع اهلو فيها ؟! 😓


- من قال بأنه مجاهد ؟
أعلى مراتب الجهاد هي جهاد النفس .. إذا الشاب لم يستطع أن يجاهد نفسه والابتعاد عن ما حرم الله .. فإنه لن يستطع أن يجاهد في سبيل الله وهي المرتبة الثانية من مراتب الجهاد ..

أختي الكريمة احذري كل الحذر من كلماتك .. ولا تهيني المجاهدين باعتقاد أن من يتحدث مع الفتاة هو مجاهد .

بالمناسبة .. خيرُ الحُب هو الحب الحلال .. إن لم يستطع أن يبتعد عنها لأن قلبه تعلق بها أكثر من تعلقه بالله .. فعليه على الأقل ان لا يخبرها انه مجاهد او غيره .. فليجعل جهاده عبادة سر بينه وبين الله عز وجل .. وأن علاقته بالفتاة ذنب يتمنى من الله أن يغفر له ذنبه .. بالمناسبة : أعرفُ شاب .. ملتزم وأغار منه كثيرًا .. في حوارٍ خاطئ بينه وبين أمه .. قالت أمه امامه .. أن فتاةً جميلة تتمناها له .. هو لم يهتم كثيرًا ولكن في احد الأيام مرت البنت من امام منزلهم لتقول امه اسمها امامه .. راها بزلة عين لانه سمع كلام امه عنها فتشوق لرؤيتها .. راها فأحبها وبصدق .. أخلق في حبه ..
مرت الايام ليلتقي بها صدفةً بمواقع التواصل .. دار بينهما حوارٌ بسيط اعترف بحبه وانسحب بهدوء ..
أصبح بينهم حوار خفيف .. أي أنه يطمئن عليها كل شهر مرة او ان اشتاق كثيرًا مرتين ..
وكان كثير الاستغفار .. ويشعر في كثيرًا من الاحيان انه مذنب ومذنب كبير لانه يطمئن من حين لأخر .. ..
الأجمل من ذلك انه حين يفعل شيء فيه خير وكصدقة جارية مثلًا .. يقول يارب هذا عني وعن من أحب .. من شدة حُبه وتعلقه .. إلا أنه يخاف الله بها ..
هذا مثال بسيط ..
لا ادري ان كان يعجب البعض او لا يعجبهم .. لكنني واثق تماما بأن هذا الشب لم يستطع التحكم في قلبه وان ما يفعله خارج عن ارادته .. واستغفاره وشعوره بالذنب هو اكبر دليل على صدقه مع الله ..
ربي يفرج عن شباب وبنات المسلمين والله يا اخوان احنا في زمن عجيب جدا جدا ..
يعني الكل الان عنده نت وتلفزيون .. وبشوف العجايب .. والكل بحب التقليد وكثير من الناس عندها قاعدة كل ممنوع مرغوب ..

بعرف طولت عليكم .. لكن اتمنى مشاركة الكلام ♥️

- كم رصيدك جوالك الأن ؟

جوالي بصراحة من امبارح بدرج المكتب ما شفته :) .. ♥️

-مرحبا ..تقبل يكون احد متابعينك من الطائفة الشيعيه ويكونو ماتبعين الك بكل لحظه؟؟

أكيد بقبل .. يمكن ربنا يكرمني ويكون تغيره ويصير مسلم عن طريق منشور قمت بنشره على صفحتي .. ♥️

-هل تعتقد انو المذاهب ممكن تفرق بين الاصدقاء اذا كانت علاقة قوية؟؟


الاختلاف لا يفسد للود قضية 😉

- في شهر رمضان كنت ملازم في صلاة التراويح وفي العشر الاواخر في المسجد في موقف لفت انتباهك في هاي الفترة بالمسجد ؟ من ناحية الصلاة او قراءة القران او مؤذن او من اي شخص .


ما وصلني سؤالك منيح يعني بصراحة ما فهمت سؤالك بالظبط .. لكن .. اذا مقصدك فيه اختلاف ما بين الان ورمضان ؟

أي نعم في فرق شاسع مش بسيط ..

نعود إلى سؤال :
- اختلاف المذاهب ..

..

عندما تكون مسافراً في أي دولة في العالم وتصادف شخصاً لا يُتقن لغتك (أو أيّ من لغاتك) ينخفض مستوى الحوار مباشرة إلى أبسط الكلمات المفهومة. كما تقوم تلقائياً بالتخلص من لكنتك (الأمريكية مثلاً) والتحدث مباشرة بإنكليزية ركيكة مكسّرة وببطء وبمخارج حروف واضحة حتى يفهمك الطرف الآخر. أو ربّما بعربية مكسّرة (يبغى واحد نفر).
بالإضافة لذلك تبدأ مباشرة باستخدام ما تيسّر لك من لغة الجسد لتفهم الشخص مالذي تريده.

كل ما سبق نعرفه جيداً لكن هناك تفصيل صغير نادراً ما ننتبه إليه؛ ألا وهو اعتقادنا -بل يقيننا أحياناً- أثناء حديثنا مع هذا "الآخر" أنه أقل ذكاءً أو أغبى منا! بل نضحك في أنفسنا على حماقته وقلّة معرفته. كيف لا يفهمني بعد كل هذا الجهد وباستخدام هذه المفردات البسيطة. إنه أحمق بالفعل!

وما ننساه هنا أن هذا الإنسان (بالتأكيد) يتقن لغة أخرى ويتحدثها بطلاقة (مثلنا تماماً) ويستطيع باستخدامها أن يخبرك قصّة حياته وربّما بأسلوب أدبيّ مؤثر. كل ما في الأمر أنك حينها لن تفهم عليه وهو الآن مضطّر (مثلك تماماً) إلى استخدام لغة الجسد وعبارات بسيطة ليفهمك ما يريد قوله.

وهذا بالضبط يا سادة ما يحصل عندما يتحاور شخصان من مدرستين فكريتين (أو طائفتين) مختلفتين.
كل واحد يعتقد أنه على صواب ولا يكاد يصدّق بلاهة الطرف الآخر!

وهذه الافتراضات الخاطئة والانغلاق الفكري هي السرّ الأساسي في فشل معظم الحوارات مع الآخر لانطلاقها من أسس خاطئة. ولعدم إدراكها أن الآخر -مهما بدا لنا غريباً أو مجنوناً- لديه كذلك أسباب وجيهة لما يؤمن به ويفعله.
وعدم استماعك له جيداً يساوي فشل الحوار... حتى قبل أن يبدأ!

- دائما انت كن يقدم نصائح ومواعظ رائعة بلا شك من مين انتا بتتلقى هاي النصائح ! من شخص معين ولا من تجاربك بالحياة ؟



#تجارب ♥️

- بعرف ما بتحب تحكي عن نفسك كتير لكن خليك صريح هذه المرة
انت تصنف نفسك من فئة الشباب المميزون في الحياة ام العاديين (زيهم زي قلتهم بالعربي ) .


- لو كتبتلك انا متميز .. رح تقولي ما شاء الله واثق بحاله وغيرك رح يقول شو اللي بميزه هاد ؟ وفي ناس رح تقول متكبر !!
..
أنا أقلك .. في فرق بين الشاب الطموح صاحب المبدأ في حياته والإنسان اللي زي ما قلتي .. هو وقلته واحد ..

لو بدنا نعمل تصنيف .. بنقول الناس الطموحه وأصحاب الأهداف تعد من الشباب المميزون .. أما الاشخاص الذين لم يستطيعوا حتى هذه اللحظة التفكير بمستقبلهم ووضع أهدافهم امام اعينهم فهم ( مثل ما قلتي زي قلتهم ) ..

..
يجب ان يكون هناك مقياس كي اجيبك :) .

- شخص بتحبه بس ما يهتم فيك ؟

لو اعطيتك اسمه .. شو رح تستفيد ؟
ولا شي !
فعشان هيك .. سامحني ما رح اجاوب :) .

- أنس هلقيتة انا كتييييييييير بحب اقعد لحالي بغرفتي برأيك هادة اشي منيح ولالأ ؟

كُل انسان فينا في لحظة من اللحظات بحتاج عزلة مع النفس .. لكن ( العزلة إذا اخترتها شيء جيد بتكون محتاجها عشان ترتاح من امور صعبة صارت بحياتك او حابب تبعد عن البعض .. لكن اذا هي اخترتك .. رح تكره حالك لحظتها ) ..

أنس هسئلك سؤال صعب أحنا بنعيش تكنولوجيا بعد هيك مفيش ويالأخص الجوال الي ممكن يطبع وتراسل اي حد مباشر والسيارات الي من كتر التطور بتقف لحالها أدا حسن بالخطر والجوال ممكن بالأشارة تستخدمها السؤال شو ممكن يجي بعد هيك أشي ممكن يسبق التطور الي أحنا بنعيشو بدي جواب منطقي ؟


انتي بدك اياني اتوقعلك لوين راح توصل فينا التكنولوجيا .. بس خليني أحكيلك اشي قبل ما اجاوبك على سؤالك .. مرة حضرت محاضرة مع أستاذ مختص بهاد الشغلات .. و سألته نفس سؤالك تقريبا .. حكالي اي اشي انتا بتقدر تتخيله راح يصير لأنه العقل البشري ما بقدر يكون تصورات لشغلات ما راح تصير .. فاذا اتخيلتي مثلا انه راح تصير وسيلة النقل الداخلي عبارة عن طيارات يعني راح يصير هالاشي و اذا اتخيلتي انه المدرسة راح تجي عندك فانه المدرسة راح تجي ! و لكن انا عن نفسي بتوقع يكتشف العلماء كوكب جديد صالح للحياة و اصير اسألك من اي كوكب انتي بدل من اي مدينة او دولة .. كمان راح يكون في رحلات للقمر و راح يكون بمقدور الجميع يقوم بهالرحلات .. و راح تطلع روبوتات متنوعة و تقوم هاد الروبوتات بشغل المنزل لحالها و راح تحل محل العديد من الأيدي العاملة .. يعني روبوت بمسح و واحد بطبخ و واحد بغسل و واحد بصنع و الخ .. كمان راح يكون هناك البسة ضد البقع و راح تصير كثييير شغلات و لك حرية التخيل في ذلك .


بالمناسبة .. فش حاجة مستحيلة ولا صعبة ♥️

بالرغم من أن الساعة متأخرة إلا أن نسبة قراءة الإجابات .. أقل إجابة 42 قارء .. كل الحُب لكم .. لا أريد التأخر عليكم .. ناموا مطمئنين .. سأكمل غدًا بإذن الله .. سامحوني على اجاباتي الطويلة وإن ازعجت أحد فليسامحني .. أحبكم في الله .. ♥️

لكن في سؤال .. لازم اجاوب عليه قبل ما انام .. لانه تكرر .

دقيقة بس أبدأ اكتب :) .

سامحوني سأجيب على اسئلتكم غدًا بإذن الله ♥️

أحدهم ترك توصية بالنشر ..

رسالة ل علي :

انس بما انك حكيت عن المذاهب انا بدي اترك رساله بصفحتك لشخص ما بعتقد رح التقي بشخص مثلو بعد ولا يمكن كون صديقه لشخص غيرو ..
#علي انت اعطيتي رابط صفحة انس وانت دخلتني لقناة التليحرام انت لغيرت كل شي بحياتي رغم مخانقتنا ومشاكلنا لما بتخلص بس انا فقدتلك كتير وبتمنى كل شي يتغير الزمن ينطوي حدود وطنك تنفتح على حدود وطني بتمنى ينكسر حاجز المذاهب بينا وما بقى نتخانق علي بيكفي غياب وبعرف انك رح تقرا رسالتي وبعرف انك رح تعرفني من دون اسمي لانك انت صديقي والصديق بيحس بالصديق ..
علي صديقتك كتير تعبانه من الغياب وبتمنى تفكر بصداقتنا صرلنا سنين عم نبنيها بس الظروف كانت اقوى منك .
بدي منك تقوى عالظروف ونرجع انا عندي امل نلتقي رغم كل حدا فينا ببلد بس عنجد فقدتلك وفقدت لمخانقتي معك كل يوم الصبح 😔😔

رد ي علي :)

ممكن تحكيلي كيف بضلك محافظ ع روحك وخشوعك في كافة العبادات ممكن تنصحني لانو صاير عن (ما عاذ الله ) زهق وسهو



كل انسان مسلم فينا معرض للسهو في عباداته و لكن مش لازم نخلي هاد الاشي يأثر سلبيا علينا و نستسلم اله و نضل نحكي احنا مقصرين لحتى تسوء حالتنا على الآخر و نبطل نقوم بالعبادات؛ و طبعا السبب الرئيسي في السهو هو تقلب القلوب ، علشان هيك لازم دايما ندعي " اللهم يا مقلب القلوب و الأحوال ، ثبت قلبي على دينك " ، بالنسبة لتجديد النشاط في العبادة ، بدك تحاولي تجددي نيتك مع تجديد النشاط ، و اجعلي الك رفيقة تذكرك باوقات الصلوات او اخت تصلي انتي و اياها سوا و تدواموا على الأذكار سوا ، خلوا بينكوا تنافس ، و على فكرة التنافس في العبادة شيء رائع جدا ، حاولي تكوني فارغة ذهنيا قبل اداء اي عبادة بشكل عام و الصلاة بشكل خاص ؛ حتى تستحضري الاجواء الروحانية التي ياتي من بعدها الخشوع .. و ربنا يوفقك لما يحب و يرضى

اجابة بالفصحى والعامية ♥️

- لو شخصا طلب مقابلتك
هل توافق ؟
مثلا انا طالب من الجامعة الإسلامية هل توافق على أن أقابلك و أتعرف عليك ؟؟؟؟؟
و شكرا

.. أتشرف بك أخي ♥️

- سؤال .. لما تكون متحير بين شغلتين ولازم تختار شي منهم ووحدة من الشغلتين انت بتحبها لكن لو اخترتها حتسخر شي مضمون وتروح لشي مش مضمون .

سؤالي يمكن مش واضح وبنفس الوقت مش قادر ابسط الصورة اكثر .. 😖 ..

...

انسب شيء الاستخارة .. الله يوفقك ♥️

أختي الكريمة : كونك عزباء فإن هذا يوفر عليكِ آلاف الضغوطات التي قد تتعرضين لها وأنت مرتبطة بالشخص غير المناسب.