- شو هي الصفات التي بناء عليها بتختار اصدقاءك او انهم يوصلو لمرحلة الاخوة بالنسبة الك يعني مش اي شخص بيوصل لهادي الدرجة.. اكيد في صفات معينة بتخليهم يوصلو لهيك مرتبة ..خلينا نستفيد ونعرف كيف ممكن نختار اصدقاءنا ؟؟ 😊.


اختيار الاصدقاء بشكل عام اشي مش سهل .. لأنه انا ما راح اختار انسان اعيش معه مرحلة معينة و ابدله كل فترة .. انا راح اختار انسان يكون رفيق عمر و روح .. و غالبا الانسان بميل لاختيار حدة بشبهه ليكون صديق اله أو حدة لقى فيه صفات هو اتمناها لنفسه و ما قدر يحققها و اختار هالصديق لحتى يكتسب منه هاد الشغلات و يكملوا بعض .. و انا لما اختار صديق ما بهمني اشي فيه قد ما بتهمني اخلاقه و تعامله معي لانه " الدين المعاملة " يعني يكون بفهمني و ملتزم و يلتمس الي عذر لو غبت و يسأل عني و يذكرني بالأذكار و الصلوات .. باختصار صديق ياخذ بيدي للجنة و لكن شغلة الأخوة .. بعتقد بتعتمد على المواقف .. يعني في مواقف معينة بتصير بترفع درجة هالصديق في قلبك لأخ ..

- شو بتعمل لما تكون معصب او زعلان ؟؟



ما رح أبعد كثير بالإجابة .. حاليًا زعلان .. لكني حاولت اشغل نفسي بالرد على إجاباتكم ♥️ .
يعني بتقدر تقول بشغل نفسي عشان أنسى . :)

- اهم سؤال انت كيف حالك؟.

الحمدلله , بخير .. واسأل الله لقاء ♥️

- ممكن تشاركني حزنك ؟

لا .. الله يسعدك شكرًا لإهتمامك .. :) ♥️

- هلقيت انا شب بجامعة الازهر
انا الحمد لله ما بطلع على البنات بالمرة بالعادة بس بالجامعة لازم تزل عينك ولو مرة وعندي دعاء ورثته عن خالي رحمه الله كان يحكي اللهم اني اعوذ بك من الازهر ومن سوء المنظر والحمد لله ربنا حفظ بصري وبصيرتي
بس انا واقع بين مجموعة شباب كلهم تبعون بنات وخايف كتير
شو نصيحتك اخي يمكن تسال ليش ما رحت ع جامعة تانية الجواب الوالد مش موافق
وعفكرة انت بتعرفني بس من بعيد .


كلامك صحيح .. كُل إنسان عينه بتزل وبتغلط حتى لو كان ملتزم .. بس انا عن نفسي ماشي على شغلة حلوة وحابب اشاركك اياها ..

- الأن لو أنا اعطيتك غطاية قنية مي ..وعبيتلك اياها مي .. وقلتلك امشي في السوق .. اذا وقع من غطاية القنية نقطة مي .. رح اضربك وابهدلك .. رح تخاف وتخلي كل انتباهك على الغطاية طول الوقت وما رح ترفع راسك عنها وتمشي بحذر شديد .. عشان هيك .. انت عارف ربنا شايفك .. وعارف انه في جنة وفيه نار .. وعارف انه الاشي غلط ورح تتحاسب عليه ..
فامشي على فكرة الغطاية وامورك رح تتيسر واسمع اقلك كمان شيء .. من ترك شيء لله عوضه بخير منه ..
جرب يوم تدخل الجماعة وما تطلع في ايو وحدة ولا تزل عينك بنية .. ربنا يستبدلك بحور العين وتخلص بجد في نيتك وعنجد تجتهد ما تزل عينك .. ربنا إن شاء الله رح يكرمك يا أخي .. وانا على ثقة انك انسان طيب لانك سألت وحابب تغير حاجة في نفسك ..

بالمناسبة .. اصدقائك حاول تبعد عنهم .. أو اهديهم وغيرهم .. اذا ما قدرت اختار الافضل لأنه اذا ما قدرت تشده لطريقك رح يشدك لطريقه .. وتغرق .. ربنا يوفقك ويسعدك وسامحني اذا طولت عليك بالإجابة او ما تعمقت في اجابتي كثير .. يمكن لاني تعبان شوي .. ما قدرت افيدك اكثر .. فسامحني ♥️

- اخبرني هل تعلم ما هي وظيفتك على الارض !!؟

اراد الله سبحانه و تعالى استخلاف الانسان في الارض و كانت وظيفته عمارة الأرض وفق منهج الله و عبادة الله ، و هذا الاستخلاف كان من احد مظاهر التكريم التي ميز الله تعالى بها الانسان عن غيره اذ جعله خليفة على الأرض ..

♥️

- أخي انس انت خاطب ؟

لا .. عُمري 20 سنة .. :)
أحب أذكركم بحديث رسول الله صلى الله عليه وسلم .. " أعلنوا هذا النكاح و اضربوا عليه بالدفوف و اجعلوه في المساجد "

ليش اخبي .. لما اخطب ؟ :) ♥️

ابو بلال انا ابوي طلع عالحج عقبال عندك بس والله مش حاسس بالفرق كونه موجود ولا غايب يعني مش مشتاقله زي باقي افراد أسرتي والكل بيكلمه اما انا اذا طلب يكلمني بكلمه غير هيك لاء ف بشو بتنصحني وشكرا ع جهودك.

..
إذا كان الخلل من والدك انه غير مقرب منك لحد كبير .. فالخلل منك أنت .. لماذا لا تكُن صديق والدك ؟
بالمناسبة عندما تكون علاقتك بوالدك علاقة صداقة .. سيكون تعاملك معه بمثابة حُب وإذا خرج من البيت او حدث معه أي شيء .. ستقلق عليه وكأنه صديقك المقرب .. لهذا انت من يجب عليك احتواء ابيك وليس هو من وجب عليه احتوائك ♥️

مجرد رأي .. والكثير من المتابعين لديهم رأي أخر ♥️

- شو هي الاآية التي اثرت بك. بشكل كبير ؟ من القرآن
وشو هي السورة التي اثرت فيك ؟!
كل سؤال على حدة ..

الأية : " واصبر لحكم ربك فإنك بأعيننا "❤️

السورة : سورة يوسف ♥️

- عمرك حظرت حدا ع الفيس من غير سبب ؟

اصلًا في ناس كثيرة بتستحق الحظر , لكن ما بحظرها .. ما بحب احظر كثير .. :)

- ليش ما بتكتب في السياسة .. ؟ منشوراتك اجتماعية غالبا .

حتى الحديث في السياسة اتجنبه ..
لأنه يولد الكره في بعض الأحيان وليست العقول واحدة .. فالكثير من العقول مختلفة وتحتاج إلى اساليب مختلفة كي يتم اقناعها .. لكن الإجتماعية .. كل الناس بتشعر فيها .. حتى لو ما شعر فيها وهو بقرأها بتيجي لحظة يشعر فيها بيوم من الأيام ..
وفي سبب بصراحة قبل سنتين كتبت منشور سياسي .. ( عن الناس اللي كانوا عاملين حملة تمرد اذا فاكرها ) .. وكان قوي جدًا لأبعد الحدود .. لأنه وصل اكثر من 2.000 تعليق ..
فكان هذا المنشور أول منشور سياسي واخر منشور :) ..

♥️

- انت بتشوف حالك مزاجي ؟


أنت بتقدر تحكي علي أكثر مني .. لأنه مهما سألت انسان شو عيوبك رح يقلك انه ما فيه عيوب .. :)
بالرغم من انه ما انسان كامل .. لكن تغير المزاج وتغير النفس .. لا يُمكن الحكم عليه إلا من الناس المحيطة بك ♥️

رأي ♥️

- الوالد والوالدة الله يحفظهم .. انتا مقتدي فيهم بشكل كبير وبالاخص الوالد . شو هو الشيء الي نفسك او انتاا قاعد بتسعى الو لتكون هادي الصفة الي بالوالد فيك ؟

..
في مجموعة صفات . . لكن والدي قدوة حسنة بالنسبة إلي .. فإذا بدي أقتدي بوالدي .. ببدأ بالصفة الأولى .. أكون قدوة .. بعيدًا عن الصفات الكثيرة المكملة لهذه الصفة ♥️

- شخص بحكي دايما اني بكره وانا عمري ما شليت عليه ،، ويحكي للكل الا الي أنا ،، شو الحل برايكم ؟؟؟

أقعد معاه وافهم منه الأسباب .. تبادل معاه الحوار وناقشه .. يمكن في عنده اسباب ويمكن انت كمان عندك رأي ثاني .. الحوار أفضل حل للتفاهم ♥️

- شو رأيك بمجاهد وقسامي بحب وبكلم بنت ؟! ومش قادر يقنع اهلو فيها ؟! 😓


- من قال بأنه مجاهد ؟
أعلى مراتب الجهاد هي جهاد النفس .. إذا الشاب لم يستطع أن يجاهد نفسه والابتعاد عن ما حرم الله .. فإنه لن يستطع أن يجاهد في سبيل الله وهي المرتبة الثانية من مراتب الجهاد ..

أختي الكريمة احذري كل الحذر من كلماتك .. ولا تهيني المجاهدين باعتقاد أن من يتحدث مع الفتاة هو مجاهد .

بالمناسبة .. خيرُ الحُب هو الحب الحلال .. إن لم يستطع أن يبتعد عنها لأن قلبه تعلق بها أكثر من تعلقه بالله .. فعليه على الأقل ان لا يخبرها انه مجاهد او غيره .. فليجعل جهاده عبادة سر بينه وبين الله عز وجل .. وأن علاقته بالفتاة ذنب يتمنى من الله أن يغفر له ذنبه .. بالمناسبة : أعرفُ شاب .. ملتزم وأغار منه كثيرًا .. في حوارٍ خاطئ بينه وبين أمه .. قالت أمه امامه .. أن فتاةً جميلة تتمناها له .. هو لم يهتم كثيرًا ولكن في احد الأيام مرت البنت من امام منزلهم لتقول امه اسمها امامه .. راها بزلة عين لانه سمع كلام امه عنها فتشوق لرؤيتها .. راها فأحبها وبصدق .. أخلق في حبه ..
مرت الايام ليلتقي بها صدفةً بمواقع التواصل .. دار بينهما حوارٌ بسيط اعترف بحبه وانسحب بهدوء ..
أصبح بينهم حوار خفيف .. أي أنه يطمئن عليها كل شهر مرة او ان اشتاق كثيرًا مرتين ..
وكان كثير الاستغفار .. ويشعر في كثيرًا من الاحيان انه مذنب ومذنب كبير لانه يطمئن من حين لأخر .. ..
الأجمل من ذلك انه حين يفعل شيء فيه خير وكصدقة جارية مثلًا .. يقول يارب هذا عني وعن من أحب .. من شدة حُبه وتعلقه .. إلا أنه يخاف الله بها ..
هذا مثال بسيط ..
لا ادري ان كان يعجب البعض او لا يعجبهم .. لكنني واثق تماما بأن هذا الشب لم يستطع التحكم في قلبه وان ما يفعله خارج عن ارادته .. واستغفاره وشعوره بالذنب هو اكبر دليل على صدقه مع الله ..
ربي يفرج عن شباب وبنات المسلمين والله يا اخوان احنا في زمن عجيب جدا جدا ..
يعني الكل الان عنده نت وتلفزيون .. وبشوف العجايب .. والكل بحب التقليد وكثير من الناس عندها قاعدة كل ممنوع مرغوب ..

بعرف طولت عليكم .. لكن اتمنى مشاركة الكلام ♥️

- كم رصيدك جوالك الأن ؟

جوالي بصراحة من امبارح بدرج المكتب ما شفته :) .. ♥️

-مرحبا ..تقبل يكون احد متابعينك من الطائفة الشيعيه ويكونو ماتبعين الك بكل لحظه؟؟

أكيد بقبل .. يمكن ربنا يكرمني ويكون تغيره ويصير مسلم عن طريق منشور قمت بنشره على صفحتي .. ♥️

-هل تعتقد انو المذاهب ممكن تفرق بين الاصدقاء اذا كانت علاقة قوية؟؟


الاختلاف لا يفسد للود قضية 😉

- في شهر رمضان كنت ملازم في صلاة التراويح وفي العشر الاواخر في المسجد في موقف لفت انتباهك في هاي الفترة بالمسجد ؟ من ناحية الصلاة او قراءة القران او مؤذن او من اي شخص .


ما وصلني سؤالك منيح يعني بصراحة ما فهمت سؤالك بالظبط .. لكن .. اذا مقصدك فيه اختلاف ما بين الان ورمضان ؟

أي نعم في فرق شاسع مش بسيط ..

نعود إلى سؤال :
- اختلاف المذاهب ..

..

عندما تكون مسافراً في أي دولة في العالم وتصادف شخصاً لا يُتقن لغتك (أو أيّ من لغاتك) ينخفض مستوى الحوار مباشرة إلى أبسط الكلمات المفهومة. كما تقوم تلقائياً بالتخلص من لكنتك (الأمريكية مثلاً) والتحدث مباشرة بإنكليزية ركيكة مكسّرة وببطء وبمخارج حروف واضحة حتى يفهمك الطرف الآخر. أو ربّما بعربية مكسّرة (يبغى واحد نفر).
بالإضافة لذلك تبدأ مباشرة باستخدام ما تيسّر لك من لغة الجسد لتفهم الشخص مالذي تريده.

كل ما سبق نعرفه جيداً لكن هناك تفصيل صغير نادراً ما ننتبه إليه؛ ألا وهو اعتقادنا -بل يقيننا أحياناً- أثناء حديثنا مع هذا "الآخر" أنه أقل ذكاءً أو أغبى منا! بل نضحك في أنفسنا على حماقته وقلّة معرفته. كيف لا يفهمني بعد كل هذا الجهد وباستخدام هذه المفردات البسيطة. إنه أحمق بالفعل!

وما ننساه هنا أن هذا الإنسان (بالتأكيد) يتقن لغة أخرى ويتحدثها بطلاقة (مثلنا تماماً) ويستطيع باستخدامها أن يخبرك قصّة حياته وربّما بأسلوب أدبيّ مؤثر. كل ما في الأمر أنك حينها لن تفهم عليه وهو الآن مضطّر (مثلك تماماً) إلى استخدام لغة الجسد وعبارات بسيطة ليفهمك ما يريد قوله.

وهذا بالضبط يا سادة ما يحصل عندما يتحاور شخصان من مدرستين فكريتين (أو طائفتين) مختلفتين.
كل واحد يعتقد أنه على صواب ولا يكاد يصدّق بلاهة الطرف الآخر!

وهذه الافتراضات الخاطئة والانغلاق الفكري هي السرّ الأساسي في فشل معظم الحوارات مع الآخر لانطلاقها من أسس خاطئة. ولعدم إدراكها أن الآخر -مهما بدا لنا غريباً أو مجنوناً- لديه كذلك أسباب وجيهة لما يؤمن به ويفعله.
وعدم استماعك له جيداً يساوي فشل الحوار... حتى قبل أن يبدأ!

- دائما انت كن يقدم نصائح ومواعظ رائعة بلا شك من مين انتا بتتلقى هاي النصائح ! من شخص معين ولا من تجاربك بالحياة ؟



#تجارب ♥️