الحمدُلله .. ♥️

#دراسة || أصحاب العيون البُنية يُصنفون جينياً كأكثر فئة اخلاصاً وطيبةً في تعاملاتهم مع الآخرين ...
عكس اصحاب العيون الملونة !
😃😉

- لو بعد عنك إنسان قريب منك .. رح تقدر تنساه بسرعة ؟


وجهة نظري رُبما تختلف عن الكثير .. لكن ما معنى القُرب ؟
القرب بالنسبة لي .. هو الإنسان الذي يتربع على عرشِ قلبي .. ولا أظن بأنني سأستطيع استئصاله من قلبي ونسيانه ..
أنا لا أنسى قطعة في جسدي .. والقريب مني .. هو قطعة اضيفت لي ♥️

كل الحُب لمن هُم بالقرب من قلبي .. أحبكم ويعلم الله ذلك ♥️

كم وحدة حبيت بحياتك بدون لف ودوران ؟

- لماذا انقص من قدر الفتاة التي أحبها وأخفيها عن العالم ؟
عندما تأتي الفتاة التي أحب .. سأخبر الجميع بأنني أحببت ولكن أفضل الطريقة التي ترضيني ..

( تم خطبته ) ♥️
الحُب يبدأ بالحلال ♥️

- لو اجاك خبر يقول إنه بكره آخر يوم بحياتك ايش بتعمل فيه؟


ما رح يجيني هيك خبر .. ولكن حابب أحكي شغلة ..
الموت لن ينتظر استقامتك استقم وانتظر الموت .. هذه الرسالة وصلتني من أخي قبل استشهاده بثلاثة أيام ..
وبصراحة ماشي عليها ما بعرف متى رح يجيني الموت .. ليش ما أكون جاهز وانتظره انا .. ؟

نصيحة للموجودين ..
عبدالله عزام أحد قادة المجاهدين في افغانستان .. قرأت عن حياته ... هذا الشيخ كان لا يترك ثلاثة اشياء .. ولا يفقدهم ..
السلاح في يده والقرآن أينما ذهب معه والوضوء لا يفقده ..

تشبهت به بالقليل .. القرآن في هاتفي والوضوء وإن نقض اجدده .. ..

خليك دايمًا على وضوء ♥️


بعتذر على الإجابة المشتتة .. لأني مشتت

- بدي تكتبلي قصه ممكن ؟

فش مشكلة ♥️

- ما هذا البؤس يا أبو بلال ؟


رسالتك أحيت الأمل بداخلي .. شكرًا لإهتمامك ♥️

كتاب قرأته وأثر فيك بشكل ايجابي ... ؟

لو في كتاب قرأته .. كان ما احتفظت فيه لنفسي .. بل شاركت الجميع .. ما قرأت كتب مسبقًا ♥️

- انس هلا انا من الشخصيات العصبية جدا وما بتحمل بتاتا وعنيدة جدا شو بتنصحني عشان ابطل عصبية ☺️


ما تقنعي نفسك بهاد الاشي حتى لو كان موجود فيكي فعلا .. لانه مجرد اقناع نفسك بانك عصبية راح يزيد العصبية او المشكلة بشكل عام عندك .. و لكن للتخلص من العصبية .. بدك تعرفي شو مضارها .. يعني انا لو عصبت راح اخسر ناس كثير بمجرد كلمة او فعل صدر مني بلحظة غضب و راح اضيع على نفسي فرص كثير و راح افقد جمال يومي و جمال اي لحظة بعيشها .. و راح يصير شغلات سيئة .. و لما تفكري منيح راح تلاقي انك بعصبيتك راح تكوني انتي الخسرانة بكل الأحوال و راح يضل مرافقك شعور الندم و انتي ما بدك هالاشي .. لهيك راح تصيري تفكري اكثر من مرة قبل ما تنفعلي او تعصبي .. كمان بتقدري تستغفري اول ما تشعري انه في اشي مستفزك .. الاستغفار بطفئ الغضب .. و في دعاء عن الرسول بتحكيه لحظة الغضب و راح يخليكي تسيطري على نفسك " اللهم رب محمد اذهب غيظ قلبي "

- شو هي الصفات التي بناء عليها بتختار اصدقاءك او انهم يوصلو لمرحلة الاخوة بالنسبة الك يعني مش اي شخص بيوصل لهادي الدرجة.. اكيد في صفات معينة بتخليهم يوصلو لهيك مرتبة ..خلينا نستفيد ونعرف كيف ممكن نختار اصدقاءنا ؟؟ 😊.


اختيار الاصدقاء بشكل عام اشي مش سهل .. لأنه انا ما راح اختار انسان اعيش معه مرحلة معينة و ابدله كل فترة .. انا راح اختار انسان يكون رفيق عمر و روح .. و غالبا الانسان بميل لاختيار حدة بشبهه ليكون صديق اله أو حدة لقى فيه صفات هو اتمناها لنفسه و ما قدر يحققها و اختار هالصديق لحتى يكتسب منه هاد الشغلات و يكملوا بعض .. و انا لما اختار صديق ما بهمني اشي فيه قد ما بتهمني اخلاقه و تعامله معي لانه " الدين المعاملة " يعني يكون بفهمني و ملتزم و يلتمس الي عذر لو غبت و يسأل عني و يذكرني بالأذكار و الصلوات .. باختصار صديق ياخذ بيدي للجنة و لكن شغلة الأخوة .. بعتقد بتعتمد على المواقف .. يعني في مواقف معينة بتصير بترفع درجة هالصديق في قلبك لأخ ..

- شو بتعمل لما تكون معصب او زعلان ؟؟



ما رح أبعد كثير بالإجابة .. حاليًا زعلان .. لكني حاولت اشغل نفسي بالرد على إجاباتكم ♥️ .
يعني بتقدر تقول بشغل نفسي عشان أنسى . :)

- اهم سؤال انت كيف حالك؟.

الحمدلله , بخير .. واسأل الله لقاء ♥️

- ممكن تشاركني حزنك ؟

لا .. الله يسعدك شكرًا لإهتمامك .. :) ♥️

- هلقيت انا شب بجامعة الازهر
انا الحمد لله ما بطلع على البنات بالمرة بالعادة بس بالجامعة لازم تزل عينك ولو مرة وعندي دعاء ورثته عن خالي رحمه الله كان يحكي اللهم اني اعوذ بك من الازهر ومن سوء المنظر والحمد لله ربنا حفظ بصري وبصيرتي
بس انا واقع بين مجموعة شباب كلهم تبعون بنات وخايف كتير
شو نصيحتك اخي يمكن تسال ليش ما رحت ع جامعة تانية الجواب الوالد مش موافق
وعفكرة انت بتعرفني بس من بعيد .


كلامك صحيح .. كُل إنسان عينه بتزل وبتغلط حتى لو كان ملتزم .. بس انا عن نفسي ماشي على شغلة حلوة وحابب اشاركك اياها ..

- الأن لو أنا اعطيتك غطاية قنية مي ..وعبيتلك اياها مي .. وقلتلك امشي في السوق .. اذا وقع من غطاية القنية نقطة مي .. رح اضربك وابهدلك .. رح تخاف وتخلي كل انتباهك على الغطاية طول الوقت وما رح ترفع راسك عنها وتمشي بحذر شديد .. عشان هيك .. انت عارف ربنا شايفك .. وعارف انه في جنة وفيه نار .. وعارف انه الاشي غلط ورح تتحاسب عليه ..
فامشي على فكرة الغطاية وامورك رح تتيسر واسمع اقلك كمان شيء .. من ترك شيء لله عوضه بخير منه ..
جرب يوم تدخل الجماعة وما تطلع في ايو وحدة ولا تزل عينك بنية .. ربنا يستبدلك بحور العين وتخلص بجد في نيتك وعنجد تجتهد ما تزل عينك .. ربنا إن شاء الله رح يكرمك يا أخي .. وانا على ثقة انك انسان طيب لانك سألت وحابب تغير حاجة في نفسك ..

بالمناسبة .. اصدقائك حاول تبعد عنهم .. أو اهديهم وغيرهم .. اذا ما قدرت اختار الافضل لأنه اذا ما قدرت تشده لطريقك رح يشدك لطريقه .. وتغرق .. ربنا يوفقك ويسعدك وسامحني اذا طولت عليك بالإجابة او ما تعمقت في اجابتي كثير .. يمكن لاني تعبان شوي .. ما قدرت افيدك اكثر .. فسامحني ♥️

- اخبرني هل تعلم ما هي وظيفتك على الارض !!؟

اراد الله سبحانه و تعالى استخلاف الانسان في الارض و كانت وظيفته عمارة الأرض وفق منهج الله و عبادة الله ، و هذا الاستخلاف كان من احد مظاهر التكريم التي ميز الله تعالى بها الانسان عن غيره اذ جعله خليفة على الأرض ..

♥️

- أخي انس انت خاطب ؟

لا .. عُمري 20 سنة .. :)
أحب أذكركم بحديث رسول الله صلى الله عليه وسلم .. " أعلنوا هذا النكاح و اضربوا عليه بالدفوف و اجعلوه في المساجد "

ليش اخبي .. لما اخطب ؟ :) ♥️

ابو بلال انا ابوي طلع عالحج عقبال عندك بس والله مش حاسس بالفرق كونه موجود ولا غايب يعني مش مشتاقله زي باقي افراد أسرتي والكل بيكلمه اما انا اذا طلب يكلمني بكلمه غير هيك لاء ف بشو بتنصحني وشكرا ع جهودك.

..
إذا كان الخلل من والدك انه غير مقرب منك لحد كبير .. فالخلل منك أنت .. لماذا لا تكُن صديق والدك ؟
بالمناسبة عندما تكون علاقتك بوالدك علاقة صداقة .. سيكون تعاملك معه بمثابة حُب وإذا خرج من البيت او حدث معه أي شيء .. ستقلق عليه وكأنه صديقك المقرب .. لهذا انت من يجب عليك احتواء ابيك وليس هو من وجب عليه احتوائك ♥️

مجرد رأي .. والكثير من المتابعين لديهم رأي أخر ♥️

- شو هي الاآية التي اثرت بك. بشكل كبير ؟ من القرآن
وشو هي السورة التي اثرت فيك ؟!
كل سؤال على حدة ..

الأية : " واصبر لحكم ربك فإنك بأعيننا "❤️

السورة : سورة يوسف ♥️

- عمرك حظرت حدا ع الفيس من غير سبب ؟

اصلًا في ناس كثيرة بتستحق الحظر , لكن ما بحظرها .. ما بحب احظر كثير .. :)

- ليش ما بتكتب في السياسة .. ؟ منشوراتك اجتماعية غالبا .

حتى الحديث في السياسة اتجنبه ..
لأنه يولد الكره في بعض الأحيان وليست العقول واحدة .. فالكثير من العقول مختلفة وتحتاج إلى اساليب مختلفة كي يتم اقناعها .. لكن الإجتماعية .. كل الناس بتشعر فيها .. حتى لو ما شعر فيها وهو بقرأها بتيجي لحظة يشعر فيها بيوم من الأيام ..
وفي سبب بصراحة قبل سنتين كتبت منشور سياسي .. ( عن الناس اللي كانوا عاملين حملة تمرد اذا فاكرها ) .. وكان قوي جدًا لأبعد الحدود .. لأنه وصل اكثر من 2.000 تعليق ..
فكان هذا المنشور أول منشور سياسي واخر منشور :) ..

♥️

- انت بتشوف حالك مزاجي ؟


أنت بتقدر تحكي علي أكثر مني .. لأنه مهما سألت انسان شو عيوبك رح يقلك انه ما فيه عيوب .. :)
بالرغم من انه ما انسان كامل .. لكن تغير المزاج وتغير النفس .. لا يُمكن الحكم عليه إلا من الناس المحيطة بك ♥️

رأي ♥️