وقد تصبح مجرد شاهد عيان لما يحدث في حياتك !

هاتفي الكشاف المغلق دائما أكثر أهمية من بعض الناس في حياتي .

أحياناً تتمنى أن لا تفهم ، أن لا تلاحظ بدقة ، أن تدع الأمور تجري بثقوبها ، تبقى ساكناً دون أن تُحدث رد فعل؛ غالباً الجهل يمتصّ الضرر .

شوف أنا إنسان بسألش ع حدا ولا حدا ، حتى الغاليين عندي والقريبين من قلبي م بسأل عليهم بكفيني انهم عايشين وبخير .. مش تكبر مني ولا غرور بس بدوّر ع رآحة بالي :)
- آه راحة بالي هيك !
عارف ليش ! لأني لما أسأل وأهتم وأخليك تحبني وأصير جزء مهم بحياتك ، اذا بيوم غبت ولا ما سألت ، او صار معي ظروف أجبرتني اغيب عنك وأبعد .. وقتها مش الكل رح يفهمني ويقدر موقفي ورح تبلش اسطوانة العتاب اللي بتوجعلي راسي وبتهرب منها دايماً لاني م بحب اسمعها .
- عرفت ليش .!
..
بس الناس اللي بسألش عنها ولما بغيب .. برغم ذلك بتجي بكل لهفة تتطمن علي وتسألني عن أخباري بكل حب ، هدول بحطهم بعيوني وكل الحب الهم ♥️
لو كان سؤالهم بدافع الحب ، الشوق ، او حتى لمصلحة شايف لوين ! هدول بحبهم بس اهم شي يكونوا بعيدين كل البعد عن #العتاب ♥️.
لكن بتجيك ناس ، ولا ف البال اصلاً ، صح ممكن تكون عشت معهم ايام حلوة ي سيدي سنين ، بس المدة اللي عشتها معهم م ساعدتهم يشغلوا حيّز كبير او مهم بقلبك وعقلك ، م بتكرههم بس بنفس الوقت بتحبهم عادي ، ان حضروا بتبتسم بصفاء قلب وحسن نية وبتعاملهم بكل حب واحترام .. وان غابوا ممكن تفقدهم بس ، لكن م بتموت شوق لالهم ولا تتعذب عشانهم لا الأمور طبيعية جدا ً .. المهم بيجوا يعاتبوك ويسمعوك شريط ، انو كيف بتغيب ولا بتسأل واحنا اعتبرناك صديق او حبيب المهم شخص غالي ومن هالحكي !
لحظة بس ! .. انتوا اعتبرتوني هيك ، لكن انا لأ .. خلص عاد هي اللي صار .. ما تضايق مني اذا قابلت عتابك بكل برود او حتى تجاهلتو من الاساس لان مش مجبور ابررلك سبب غيابي وعدم سؤالي :) ..
انت بتعاتبني بصفة انا م منحتك اياها ، لذلك مش مستعد اتقبل عتابك ولا اعطيه اي اهتمام ، انت جاي للشخص الغلط ، عتابك هاد وحبك اعطيه للشخص اللي بيستحقو وبينتظرو منك فعلاً مش لالي ..
باختصار العتاب صار موضة قديمة ، واسطوانة مشرخة ، وم بتنفع لاي علاقة ومع اي حدا ..
بطل تعاتب حدا ، الناس قرفانة حالها وفيها اللي مكفيها ، حتى لو كانوا موجودين ، او بيضحكوا ، بيمارسوا حياتهم بشكل طبيعي .. هاد الظاهر بس !
لكن جواتهم عالم تاني خالص غير اللي انت شايفو بالواقع .. لذلك مطلوب منك كانسان بتفهم وبتقدر ، تراعي ظروف الناس اللي انت م بتعرفها ومخفية عنك .. وما تزيدها عليهم ")
حاول تضحك معهم وتفرح قلبهم وتمشي بس ، واذا اشتقت اسأل عنهم بكل حب واطمئنان بدون اي كلمة عتاب ، بأكدلك انهم رح يحبوك فوق م تتخيل ♥️.

فكر بعقلك
و لا تفكر بقلبك ❤️
حتي تعيش مرتاح طول حياتك لانو هاد ❤️👉 وقعنا بمشاكل كتييير .
#بس_بقول 💔

جوآتك في نقطة منورة بالفطرة
هي اللي بتقلك إنت صح ولا غلط وبتقيم اللي حوليك بطريقة مختلفة .!
يعني في نآس ما بترتحلهم، رغم انو في نآس بتشهدلهم، ومع الوقت بيطلع انو معك حق، اترك حسآبات المنطق لانو ما في منطق ولا مبدأ لاشي، بس غالبا هاي النقطة بتكون أصدق صوت جوآك لإنها بصيرة وهبة من ربنآ لكل واحد فينآ، صدقهآ وامشي ورآها💚.

للبَعض : ‏"عتابكم مُمل وصحبتكم نفاق وحُبكم عابر."

أهل القدس ينثرون الورد في مكان ارتقاء الشهيد الأردني تكريمًا لروحه التي قدمها لفلسطين رخيصة.

من إيطاليا

في أشخاص كانو "بكفة" والدنيا كلها و بكل من عليها في الكفة الأخرى ، والأن هٌم خارج الكفتين ، سبحان زارع الشعور ونازعه .

كل شئ زائل ونحن الذين نعطيه قيمته وأهميته .. ثم نتألم ونتعذب من أجل هذه الأهمية المزعومة.

روحك مُنهكة كأنك تركُض مُنذ ولدت ولم تصل.

‏سلامٌ على الصامتين في الأرض، محدثين السماء.. أولئك الذين لا نعرف لهم إسمًا ولا صوتًا، يمشون بهدوء بيننا، ولكن تعرفهم السماء جيدً.

ستواجه أصدقاء لا يكترثون إلا بانفسهم ، وستواجه احباء يخذلونك في نهاية الطريق ، واقارب ينكرون معروفاً لك ، ستصفعك الحياة بمن وثقت بهم ، ونفسك ايضا ستخذلك يوما فتعلم كيف تنهض بنفسك دون اللجوء الى أحد ستسقط مره ومرتين أو ثلاث ، إنها البدايه إلى الصعود !

ثق بذلك💚.

خُذ بيَد من أحبَبتّ ' وامْضُوا خفافًا وثِقالًا إلى الجنَّة 💚'

اختر لقلبِك ما يليْق به ❤.

- مين أكثر إنسان بشعر فيك لما تكون مخنوق أو مضايق .. ؟


رح اجاوبك بطريقة أفضل .. وهي منشور سأقوم بنشره ♥️ ..
...
ردود فعل جسمَك بس تزعل زي غصّة قلبك، أو الصُداع وقت تعيّط، أو حتى السّواد اللي بتكوم تحت عينك .. كلها بتأكد أنه ماحَدا رح يحزن عليْك غيرك، بتأكِدلك أنك الوحِيد اللي بترفض وجعَك، إنه كل عضو بجسْمك زعلان ع زعلك، غير هِيك ما حَدا بتأثر بوجعَك :)

يارب تكون وصلت مثل ما انا حابب تصل ♥️

- لو سمحت بدي تحكيلي كيف اعمل التيلجرام على تلفون تاني ؟

انا عملت حسابي التيليجرام على حساب الوالدة .. ونزلت التطبيق على اللاب توب .. وكتبت الرقم .. ووصلني على جوالي الكشاف رمز .. كتبته والأمور ظبطت الحمدلله .. بعدها طلعت من جوال امي .. وهيني فعال على التيليجرام من اللاب توب .. وبصراحة أسرع وأفضل .. وكمان فيه مميزات حلوة ... بس فيه شغلة ما بتظبط .. الناس اللي بترسلي محادثة سرية ما بتشتغل وما بتتفعل عندي الان لانه حسابي مش على جوال .. لو على جوال بتظبط مباشرة ..

بعرف بعدت عن الإجابة لكن أكيد لو بدك تعملي تيليجرام على أي جوال .. نزلي التطبيق من المتجر .. واعطيه رقمك بيصلك رسالة التفعيل .. بعدها بيتفعل ..

اجابة بعيدة عن السؤال :)

- أكثر حكمة تؤمن بها ؟


كما تدين تُدان ♥️

أيضًا :

و ما اشتد عسر إلآ و كان بعده يسر .

- إذا حد زعلك كتيير شو ممكن يصير فيك
وكيف بتتعامل مع هاد الشخص ؟


ولا شي .. بالمناسبة أنا الأن زعلان كثير كثير .. ومن الصبح ما أكلت شي من كثر ما انا نفسييتي مسدودة عن كل شي ..
بس في النهاية هيني موجود بينكم .. لو ما سألت السؤال كان ما حد عرف ..

ملناش غير رب العالمين .. هو عالم بحالنا ♥️