- كيف اخوك محمد بعد العملية ان شالله طلع منيح ؟

الحمدلله .. نشكر الله على كُل حال .. دعواتك ♥️

- شو نوع تلفونك يلي بعتوو ؟

note 4 :) ..

- مرحبا أنس لو عزمتك على حفلة تخرجي بتيجي بكون مبسوطة اذا بشوفك ؟


- إذا كنتِ في الجامعة الإسلامية فلكِ الحق بثلاثة أو 4 دعوات ..
اهلك هم الأحق في رؤيتك ناجحة .. اما اذا كنتِ طالبة في أي جامعة أخرى .. فليس لي الحق برؤيتك في جميع الأحوال .. كل الاحترام لكِ أتمنى لكِ النجاح والتوفيق في حياتك .. التعليمية والمهنية بإذن الله ..

- خير الكلام ما قل ودل ...سؤال من هو انس ...ولا اقصد بهذا شكله او اسمه او تحديد صفاته .....اخبرني من هو انس ؟!

( لا شكل ولا اسم ولا صفات ) .


بصراحة مش حابب أحكي عن نفسي قد ما انا حابب تتعامل معي وتكتشف أنس بنفسك .. رح تكون أدق مني في التعرف على تفاصيلي :)

- شو رأيك بالاشخاص المزاجيين اللي كل ساعة بمزاج ؟؟
وكيف ممكن تتعامل معهم ؟

المزاجيين بالذات .. بحب اكون صديق مقرب منهم .. يمكن عشان انا بحب اكون بنظر صديقي الكُل في الكل .. إذا انا ما تحملته في تقلب مزاجه مين رح يتحمله ؟
حتى لو عاملني بإسلوب سيء .. رح اكون اكثر انسان متحمله .. بعيدًا عن الناس اللي بتشوف تحوله .. هو محتاج إنسان يحتويه في جميع مزاجاته انسان يفهم ..
عالهامش : طالما انت عرفت انه مزاجي فأنت تجاوزت الخطوة الأولى في القرب .. تجاوز الخطوة الثانية وتحمله . رح تتعب في البداية وعن تجربة ..
بعدين وبنفس زعاقه عليه او بهدلته الك .. بتلاقيه بصحى وبشكل تدريبي ببدأ يحكيلك اخ انا اسف غلطت امانة سامحني وخليك جنبي وما تتركني ..

لحظتها بتحصد ثمار تعبك ♥️

أسمع مني كل اللي بتحتاجه تحمل وصبر وحكمة ♥️

- صديقك مؤمن من رفح ...من قديش وانتو صحاب ؟

في البداية مؤمن مش مجرد صديق .. مؤمن توأم الروح وهو يعلم ذلك .. أيضًا هو بالفعل من سكان رفح لكنه أيضًا من سكان قلبي المرحب بهم ♥️ .

تقريبًا انا ومؤمن اخوة من سنتين ..
♥️

- انتا جربت شعور فقدان الاخ الله لا يعيدها ولا يدوقها لحد وكان في حدا ببالك كان نفسك يوقف معك في هذه المحنة وما وقف او ما اهتم الاهتمام الكبير ... (طبعا ربنا هوا الوحيد سندك وما بدك حد )
لكن السؤال لو هذا الشخص في يوم فقد احد من عائلته وطلبك تكون جنبو بهيك ظرف رح تكون قدهاو ولاا لا ؟


رح أكون أول إنسان جنبه ♥️ .. وبكل سعادة بقلك رح اكون معاه .. ♥️

انت ليش كتير ضعيف انت هيكة طبيعتك ولا ما بتحب تسمن☺️

- يمكن لأني ما بحب الأكل ؟
او اذا وجد الأكل بأكل .. ما وجد ما بطالب فيه .. لكن بدي اعطيكي معلومة ..
الإنسان الضعيف جسميًا . . لا يعني بأنه ضعيف حقًا .. فهناك الكثير من أصحاب الأجسام والعضلات المتلتلة .. أغبياء في العراك .. رُبما بحركة أو حركتين .. تجده على الأرض يتمنى أن تساعده ..
العقل أقوى من العضلات ..
بالمناسبة .. بعيدًا عن الإجابة .. أحبُ أن أدخل في موضوع أخر بعيد جدا عن السؤال : للأشخاص الذين تركوا لي رسالة .. يقولون كيف لك ان ترد على هذه الاسئلة بهذا الاسلوب .. ي عزيزي .. أنا ابلغ من العُمر 20 سنة .. ومن سكان غزة .. رأيت ما لم يراه أهل الترف في البدان الأخرى والكثير من الصغار في العمر تجدهم أعقل مني .. لأننا تجرعنا الألم والألم يصنع شخصيات قوية جدا .. وأحبُ أن أجيب على سؤالك بتعليق بسيط ( نضج التفكير ليس له علاقة بالسن ) أيضًا اذا ظننت بأن عُمر ال20 هو عُمر مراهقة قأحب أن اقول لك .. المراهقة فكر وليست سنِ .. أي أنني بأفكاري أرتقي .. السن الذي أعيشه لا يعبر عني .. :)

سامحوني على الإطالة وشكرًا اختي على اهتمامك .. أيضا انا كثير الحركة وكثرة الحركة لا تشمل اصحاب السمنة :)

- بدي اسئلك .. شو رأيك في صديقك محمد عماد .. انا عرفته عن طريقك لما نشرت بيجه ع الفيس وقبل فترة نشرت هون قناته .


محمد إنسان طيب .. طموح لم يجد الفرصة الجيدة لتحقيق أحلامه .. أتمنى له النجاح .. هو بعقلية راقية .. ولديه اسلوب جميل في الكتابة . ♥️

- انس الناس الباردة الي بتفقع مرارتك من ردة فعلهم بجميع الاحوال سواء سيء او منيح شو نظرتك الهم .

#التجاهل .. إذا انت تجاهلته رح يمارس البرود ممارسه وهو خانق حاله اسأله ليش مش مهتم مثل أول ؟..

يعني علاجهم إهمالهم :) .

- شو في موقف محرج صار معك اول ما دحلت الكليه؟؟ وكل ما تتزكرو بتضحك اذا في طبعااا

ما كنت اداوم عشان هيك ما بذكر أي موقف .

- السلام عليكم / عمرك صادفت شخص طموحه اعلي من طموحك وبشو فكرت او حسيت وقتها


صحيح .. في مخيم نجم الإعلام كنت مشرف على مجموعة من الطلبة .. فكان قرابة 38 طالب جالسين قدامي .. فقررت اسألهم جميعًا .. كل انسان يحكيلي عن طموحه ..

- في طالبة من المشاركين في المخيم .. اجابت اجابة صادمة .. اشعرتني بمى يسمى وهم الطموح ..
شعرت بأنني أخدع نفسي بطموحي ..

لكن أنا الأن أقوى ♥️ ...

- ما أكثر شيء تحبه في حياتك ؟

فش شيء معين .. او بالأصح انت ما حددت الزاوية اللي حابب احكيلك فيها ..
بصراحة أنا كقارء للسؤال تشتت من أي جهة حابب احكيلك . لكن لو بدي أحكيلك اياه .. ما رح أحب حياتي من الأساس وانا بعيد عن رب العباد ..
يعني حلو الحياة ومرها بيجي مني أنا ..
تقصيري والتزامي .. :)
يمكن وجهة نظري مختلفة عن ناس كثيرة لكن ما بيمنع عدم تقبلك ♥️

سؤال : بعيدا جدا عن ما سالك عنه البعض...من الواضح ان طريقتك في الرد تود القول بها ان هنالك امورا اهم من شخصيتك او شكلك او ما مررت به ...اخبرني يا ان سمحت يا هذا ...ما جديدك؟!! وكيف تنوي ان تتقدم خطوه للامام ..؟!! لكل منا هدف يسعى ليناله مما قرات فانت تكره عده مواد ولك اخ فقدته او اكثر وبلغت ال 19 او 18 من عمرك اذا فانت عازب ولم تدخل لعالم الراشدين بعدك ولك اكثر من هوايه ...سؤالي الذي يطرح نفسه ماذا تنوي ان تقدم لأمه فشلت حتى الان في ان تحقق ذاتها وتنتصر او ان تفك اسرها من ايدي اعدائها ..نظرا الى الواقع فانا فتاه ترى بعينها ان فلسطين ما زالت مكبله وتلحقها جميع الاوطان العربيه لا بالقيد بل بالفكر ...فمعظم فكرنا رجعي ومعتمد على التقاليد ...فماذا يستطيع انس هذا الفتى ان يفعل ؟!! وماذا ستقدم لو استطعت واغلب الظن انك ستجيبني بالمستقبل القريب سترين او بكلام ملمح انك لا تستطيع ان تفعل شيئا وانما مجرد كلام ...اتستطيع تغيير شيئ ما او حدث مهم لمجتمع باسره ؟!!



...

أختي طريقتك في السؤال مكلفة .. وكأنكِ تقولين لي هناك مشكلة اريدك أن تركز بالإجابة عليها وإيجاد حل والبعد عن التشتت كما فعلت بالإجابات السابقة .. ..
ونظرت للأمر بأنكِ جادة وجدًا .. وأنكِ تشعرين بأنك من الأشخاص الذين يتحملون المسؤولية والعبء الشديد .. وألقيتي هذا الحمل علي لأنكِ تشعرين ولو بالقليل من الأمل في وجودي ..

أختي الكريمة .. أنا لا زلتُ شابًا لديَ طموح وعلى ثقة تامة بأنني سأحقق طموحي .. ولكن ما قلتيه في سؤالك .. كأنكِ تنظرين إلي بأنني ( محمد الضيف - أو أبو العبد هنية ) لديَ جنود ينتظرون مني الأمر للبدء بمعركة النصر ..
أختي .. ( رُبما تريدين مني أن أذهب إلى الحدود بين غزة والاراضي المحتلة التي تفصلنا عنها بعض الحواجز كي اقف امام العدو واقول وبصوتٍ عالٍ أخرج من ارضنا )
هل سيجدي نفعًا ؟

أتمنى أن تُراعي الكثير من الأمور في ما سألتيه .. مثلًا ( القوة .. المسؤولية .. الشخصية التي تستحق أن نسألها هذا السؤال ) ..


بالمناسبة : انتصرنا في الحروب الثلاثة بمعية الله .. وليس لان المجاهدين يمتلكون عتاد وغيره .. في الحقيقة .. ما تسمى اسرائيل تمتلك أقوى اسلحة وتكنلوجيا ولكن معنا الله والله خير الحافظين ♥️

- هل انت من الناس الي تحمل في قلبها وتخبء ام الذي تبوح للناس لكن مش كل الاشياء فاهم كيف .. يعني انتا من الناس يلي بتحكي مثلا هاد ما عجبني تصرفو و هاد ما حبيتو ولا خلص بتخبي بقلبك ولا كانو في شي ؟



شوف .. في ناس لو انت تعاملت معها بإسلوب اللي بقلبك على لسانك .. بتكرهوك وبتنتهي علاقتك فيهم .. يعني من الأخر .. تعامل بحكمة مع الجميع .. في ناس بتستنى تعلق عليها عشان تستفيد منك .. وفي ناس بتستناك تغلط غلطة .. الله يسعدك بدك تدير بالك .. وتكون صاحي ♥️

- كم صديق عندك مقربين منك وشو اسمائهم ؟


معرفتك لأصدقائي المقربين واسمائهم .. ما بظن سؤال رح يفيدك او يقدرني على ترك أثر طيب في حياتك ... اصدقائي بقلبي .. شكرًا الك ولاهتمامك :)

- شو رأيك ف تخصصك الملتميديا ؟
هل ندمت لانك دخلته ؟؟
وبمناسبة إنو هاد أول فصل إلي فيه وأهلي مش مقتنعين فيه وبدهم يحولوني لشريعة او اصول دين وانا بجد حابة التخصص كيف ممكن أقنعهم ؟؟


تخصصي : علاقات عامة ولكن بما انك حابة نصيحة من أخوكي أنس .. فأنا بدي أقلك .. ( اذا انت حابة التخصص توكلي على الله مش حابة التخصص ادخلي تخصص ثاني ) ..
..
رأيي ما رح يغير تفكيرك .. ما بعرف عقليتك وين بتلاقي نفسها ..
هو لو انت بتحب الرياضيات ولا بتكرهي التاريخ .. انا شو يعرفني ؟!
عشان هيك الرأي رأيك .. انت عارفة مقدرتك وين ..
وكمان في مقولة ( حب ما تعمل كي تعمل ما تحب )

مش تدخلي ملتميديا وتكوني مجبرة عليها او مش حباها .. فما تبدعي فيها ..
لا .. ادخلي مجال وانت واثقة انك رح تبدعي فيه ..

الله يوفقك .. بالمناسبة .. رأيي بتخصص الملتميديا مش بنصحك ..

التخصص جيد وحلو :) .

نرجع لسؤال الأخت :
بعيدا جدا عن ما سالك عنه البعض...من الواضح ان طريقتك في الرد تود القول بها ان هنالك امورا اهم من شخصيتك او شكلك او ما مررت به ...اخبرني يا ان سمحت يا هذا ...ما جديدك؟!! وكيف تنوي ان تتقدم خطوه للامام ..؟!! لكل منا هدف يسعى ليناله مما قرات فانت تكره عده مواد ولك اخ فقدته او اكثر وبلغت ال 19 او 18 من عمرك اذا فانت عازب ولم تدخل لعالم الراشدين بعدك ولك اكثر من هوايه ...سؤالي الذي يطرح نفسه ماذا تنوي ان تقدم لأمه فشلت حتى الان في ان تحقق ذاتها وتنتصر او ان تفك اسرها من ايدي اعدائها ..نظرا الى الواقع فانا فتاه ترى بعينها ان فلسطين ما زالت مكبله وتلحقها جميع الاوطان العربيه لا بالقيد بل بالفكر ...فمعظم فكرنا رجعي ومعتمد على التقاليد ...فماذا يستطيع انس هذا الفتى ان يفعل ؟!! وماذا ستقدم لو استطعت واغلب الظن انك ستجيبني بالمستقبل القريب سترين او بكلام ملمح انك لا تستطيع ان تفعل شيئا وانما مجرد كلام ...اتستطيع تغيير شيئ ما او حدث مهم لمجتمع باسره ؟!!

....

أختي انتي حكيتي ضمن سؤالك انه احنا امة فشلت في أن تحقق ذاتها و تنتصر ؟؟
اولا احنا مش امة فاشلة .. لأنه امة زي امتنا خرجت العلماء و صناع الحياة و الرجال هيهات أن تمون امة فاشلة و اذا كنتي تعتبري اننا امة فاشلة رغم كل الانجازات التي يحفل بها تاريخنا ، فمن هي الامة الناجحة ؟ و اذا انتي احد بنات هاد الأمة و بتحكي هاد الكلام ؛ احكيلي شو بنكون خلينا لغيرنا ؟
و حققنا العديد من الانتصارات التي لا ينكرها الا من هو أعمى بصيرة او تعامى .. و كفى أمتنا فخرا برجالها عامة و رجال القسام خاصة بما قدموه من عمليات خطف و عمليات خلف الخطوط و تفجيرات و اسر و صفقات وفاء احرار و غيرها الكثير ؟
و ذكرتي ضمن كلامك انه احنا أمة فشلت في تحقيق انجازات ثم اتبعتي هذا بسؤالي عن انحازاتي و كأنك تحمليني المسؤولية كاملة عن هذه الأمة و انا ما زلت طالبا أتلقى دراستي الجامعية ؛ و سؤالي لك هل بامكانك اخبارنا عن انجازاتك انت لهذه الأمة الفاشلة و التي عجزت عن تحقيق الانتصارات بنظرك ؟

- نفسي الحق اسالك مباشر وتجاوبني .


جاهز .. :) .

- أنس لو حكولك تخطب يوم الجمعة بالجامع بتخطب ولا لأ ؟

ليش لا .. ؟

أنا أنا دسأل...
-اولا: السلام عليكم.. ويعطيك العافيةة أخي..
- سؤالي صعب!! كيف حالك؟.


- بصراحة أضحكتني .. الله يسعدك .. أنا بخير والحمدلله .. وبالمناسبة حابب أقلك دمك خفيف ♥️