اولا : السلام عليكم
ثانيأ : بشوف كثير بتعلق بكلمة بششششش ايش يعني ؟؟!


- يعني اشي حلو .. او فخم وبصراحة .. تعلمتها من مدير المكتب .. كل ما اكتب سناريو او فيلم قصير فيه فيلم حلو .. بحكي بشششش ولما اصور صور حلوة .. بعلقلي بششش ههه ..

يعني الكلمة مقتبسة :)

-شو اول شي بتساويه لما تتضايق ؟؟

ببعد عن الكل عشان ما اضايق حد .. وبعدين ( خليها بيني وبين ربي ) :)

لما حدا ممكن تعرف عليك من فترة لا باس بها ممكن تفكر ولو تفكير بعيد انو هالشخص بدو مصلحة منك او بقاؤه بجانبك مصلحة الو ؟؟



- حتى لو بقاؤه مصلحة .. انا مش زعلان :) ..

مش ماخذين من الدنيا شي .. انا وكثير من الناس عايشين عشان نقدم مش عشان نوخذ :)

شخص تتمنى تشوفه الان ؟
اوصفلنا حياتك لليوم بكلمتين ؟

- بصراحة #مؤمن .. من زمان ما شفته وهيني بتغالس عليه على الخاص ..

- حياتي لليوم بكلمتين .. صعب شوي .. بدها رواق عشان اكتبلك عنوان حياتي بكلمتين :)

كلمة بتحب تسمعها يوميا ؟

- الله يرضا عليك .. :)

سؤال .. كم عدد اخوتك ؟؟

- إيمان - متزوجة
- أحمد - متزوج
- محمد - متزوج
- عبدالله - شهيد
- أنس
- عماد
- خليل

... :)
♥️

نصائح تقدمها لخريجي الاعلام ؟ ل ما لقو فرص تدريب مناسبة تطورهم و تساعدهم ف اخراج افكارهم؟

- مواقع التواصل الاجتماعي وسيلة متوفرة لتقديم مهاراتك .. وتوفير فرصة عمل لنفسك ..

اكثر اشئ واجهك مشاكل في حياه؟؟

- حجات كثير ما في شيء بارز يكون هو اكثر شيء :)

اكتر موقف بيحرجك ؟

- فش موقف معين .. في ذكريات مواقف .. لكن قديمة .

عمرك حسيت انو م حدا بحبك وانك وحيد !!؟


- كثير كثير .. ( اليوم العصر ) . :)

اصعب سؤال انسألته لحتى الان ؟

- بصراحة ما في سؤال صعب .. شعرت كل الاسئلة بمثابة تحدث عن #أنس .

شو الشي اللي ممكن يعصبك ؟

- الغلط , الكذب المتكرر , النفاق .. الاهمال .
وكثير شغلات بتعصب :)

بانو جامعة بتدرس ؟؟ وهل كان نفسك تدرس بالخارج ؟؟


-بدرس بكلية مجتمع الاقصى .. #خريج دبلوم ..
ما عمري فكرت اسافر .. وما بفكر :)

من شوي .. سألني شخص شو اصعب سؤال .. بالنسبة الي هاد اصعب سؤال :


كيف كان بداية المشوار بالنسبة لك ك إعلامي

.

أقلك ..
لو انا جاوبتك كتابيًا .. ما رح تصلك الفكرة المراد توصليها من هدف الاجابة .. يعني بصريح العبارة ( ما رح تفهمني ) ..

لكن الاجابة مليانة كلام كثير جدًا .. رح تفهم كثير امور #عني :).

هل خُذلت يوماً من شخص ٍعزيز على قلبك ♥️، بأن تركك في منتصف الطريق بعد أن كان يعدُك دوماً بالبقاء ؟

- ما رح اجاوبك .. اه #خذلت ..
الفراق ما كان بإرادته .. صح البقاء كان وعد .. والفراق كان شيء اجباري ... لكن في النهاية ..
#القلوب_عند_بعضها .. وكله بقضاء الله وقدره ..
وانا وهو والكل راضي بقضاء الله وقدره .. ♥️

- حسابك الشخصي معطل ؟

- اه عطلته ..
انا عطلت خاصية الرسائل بصفحة الاعجاب .. بس ما في خاصية تعطيل الرسائل للحساب الشخصي .. فعطلت الحساب هههه ..
مش من كثرة الرسائل .. لا بس من كرهي للرد .
وبصراحة انا مبسوط جدا جدا على التيليجرام .. :) .

مرتاح .. بكتب وبتصلني رسائل تحفيزية وبتصلني اراء وانتقادات ..

يعني الامور طيبة ♥️

- كيف ما رح اجاوبك ، واه خذلت !!

في فرق بين الخذلان وعدم القدرة ..
الشخص الوحيد الي وعدني بالبقاء ما قدر يضل جنبي .. لانه ما في بإيدو يضل جنبي :)


#ربنا_اكرمه
#عقبالنا :)

حاليًا بسمع هاد الانشودة .. #شاركوني ♥️

اول شخص بتلجأله وقت يكون عندك مشكلة ؟


- #أبوي ♥️