"إن الله أرحم من أن يعطي عبده شعوراً لا يستطيع تحمله."

ياما أجت أيام تسكرت بوجهك من كل النواحي وقفنا بنص الطريق وبكل يأس , وفجأه ربنا فتح باب من حيث لا تحتسب وزرع جواتك أمل لتكمل بنفس الطريق ..
ياما أجت أيام وأجا هداك الموقف يلي أعجزنا بكل قوانا وحكينا خلص اساسا هاي النهايه , وفجأه ربنا دبرها وسهلها وهالموقف ما كان إلا بدايه ..
ياما فتت إمتحان وخبصت وكنت متوقع ترسب بالماده وفجأه ربنا ما ضيع تعبك وكانت أعلى علامه بالمواد ..
ياما صار أشيا بحياتك ومجرد لحظات كانت هالأشيا ممكن تتحول لمصيبه أبديه , فجأه ربنا أنقذك ورحمك من أي مكروه كان يمكن يصير ..
ياما أجت أوقات وشعرت قلبك تعب وأنطفيت من جوا لأكتر من سبب , فجأه ربنا بث بقلبك سعاده وحياه عأبسط سبب ..
ياما ضاعت من بين أديك فرصه ومن جواتك شعرت أنها ما راح تتعوض , وفجأه مع الايام ربنا أكرمك بفرصه أكبر وصرت تحكي الفرصه يلي كنت مفكرها فرصه هي اساسا ولا أشي ..
ياما ربنا أخد منا أشيا كتير بنحبها وحرمنا منها وفجأه بعتلك أشيا ترضيك وتسعدك لدرجه تأكدت ربنا فعليا ما أخد منك شي يذكر ..
ياما أجت أيام وصارت ظروف وأسباب وراحت أحلى لحظات بحياتنا بدون نكهه , وفجأه ربنا ببعتلك لحظات أحلى وأحلى من كل يلي راحت ..
ربنا ♥
بيحبنا كلنا كلنا دون استثناء ومهما كنا سيئين برضو ربنا بيحبنا ومهما بعدنا ربنا حيضل يلطف فينا لحد ما نرجع في كل مره ونادي " يآا رب " 💭
ما في أكرم وأعدل وأرحم وأحن منه ومهما قسيت هالدنيا بيكفي إنه ربنا مدبر أمرها لنتفائل مهما صار وتيست معنا :D
وسبحانه الذي أذا أعطى أكرم وأذا أكرم أدهش وإذا أدهش أرضا عبده وأسعد قلبه سبحانه , سبحانه , سبحانه ! ♥

..
وصلني مجموعة اسئلة .. رح ابدأ إجابة .. كمان دقايق بإذن الله .. :)

سيتم كتم الاشعارات لمن لا يُحب الازعاج .. للمهتمين .. اتمنى تصفح القناة كل دقائق .. لقراءة الاجابات :)

بالمناسبة :

اللي حابب يحكي شي .. يتفضل ♥️

- ليش أنتا بتدخل القلب وبتنحب بسرعة ؟

الحمدلله .. اني دخلت قلبك وان شاء الله ربنا يكرمني بدخول قلب كل انسان يشوفني ♥️

هل انت على علاقة عاطفية من باب الفضول بس .

- لا .. :)

هل تذنب ؟؟!
هل تحمل في نفسك على آحد؟
هل انت راض عن نفسك ..؟

- أكيد , ما في انسان معصوم من الذنب والخطأ ..
- بصراحة كل انسان في بداية اي حدث او اي ضيق او زعل بحمل في قلبه لكن في اليوم الثاني النفس بترتاح والامور بتصير طيبة والحمدلله :) ..
- أكيد راضي عن نفسي والحمدلله :)

- بدي اسالك هل هو والدك الشيخ الوقور نصر فحجان.

- صحيح والدي وافتخر به ♥️

اكتر اشي ندمت عليه بحياتك

- ما في شيء معين لكن .. كثير بتندم .. وبالأخص على ضياع فرص :)

- اكتر الاسئلة بتجاوب عليها باختصار واجابة سطحية ليه تطلب منا نسألك ؟؟

- يمكن انت ما وضحت سؤالك .. او بالأصح يمكن انا قرأت السؤال وفهمته سؤال بسيط وجاوبت ببساطة ..

بالمناسبة .. المجال مفتوح اسأل شو بتحب ولشو حابب تصل .. رح اجاوبك :)

-شو يعني قلم وقهوه لك؟؟ 😃

..
بصراحة انا ما بكتب بورقة وقلم .. بستخدم الكيبورد .. ولو بدنا نحكي عن الكيبورد والقهوة .. رح أقلك لازم يكون في صفاء ذهن وبال رايق عشان الإنسان يكون فكرة بسيطة يكتب عليها ..
اذا تكونت اي فكرة براسي .. رح اكتب وانا بحكي معك بدون ما اطلع علة الكيبورد كمان :p ..
( القهوة مكملة للكتابة , فلا مذاق للحروف دون القهوة ) ..

- لو لقيت صورتك على صفحه ثانيه بدون علمك شو راح يكون ردت فعلك ؟؟؟

..
صارت قبل هيك .. في البداية تفاجئت .. وابتسمت ..
لكن في النهاية تضايقت .. وكثير كمان

- مين أنس بعد عشر سنوات ؟


..
خلي طموحي بيني وبين نفسي .. هيك أفضل :)

- شو هدفك بالحياة ؟

لو حكيتلك رح اتقاعس واشعر باني وصلت لهدفي وانا لسا ما بديت الخطوة الاولى .. لكن بوعدك يوم ما اصل لهدفي رح احكيلك :) ..

- كيف انسى ناس موجودين بقلبي وحابب انساهم

- اشغل نفسك .. اطلع وانزل .. ما تفكر كثير وما تقعد لحالك :)

مقطع فلم او مسرحية خالدة في ذاكرتك؟


- ما في بصراحة :) .

هل انت راضي عن نفسك ؟


الحمدلله .. كل الرضا ♥️

مستحيل انساك)) لمن تقولها ؟

- للخطوة الأولى في حياتي .. #اخي :)

من هو قدوتك ؟

بعد الرسول ( صلى الله عليه وسلم ) .. #أبي ♥️

اعتذار تريد ان تقدمه لمن؟


#لنفسي :) ..

باقة ورد لمن تهديـــها.....؟

- للغالية #أمي ♥️