لما كنت توجيهي اي سنه 2014؟ يعني شفت نتيجتك بالحرب ؟


- صحيح .. يوم نتائج توجيهي .. اخوي الاكبر صار معه حادث متعمد من اسعاف وزير الصحة .. على معبر رفح .. ويومها صار الحادث قصة رأي عام .. وفي الي ذكريات كثيرة مع عبدالله اخوي ..

لو اسمك ما كان أنس شو كنت بتتمنى يكون ؟

- بصراحة .. ما فكرت بهيك شي ..
بحب اسمي ♥️

سؤال للجميع :

- مين زعلان مني ؟! :)
بصراحة .. ما تخبي بقلبك .. احكيلي ليش زعلان .. عشان اعتذرلك .. حتى لو ما كنت غلطان .. حابب اكسبك ♥️

_


” كلنا فترات في حياة بعض“.


"

في بعض الاسئلة سخيفة .. :)

في شي صار معك اثر عحياتك وخلاك تغير حياتك او تنظر للحياة بمفهوم اخر ؟؟


- اشياء

شو اكتر اشي حابب يتحقق في حياتك

- الرضا . ♥️

خلف هاد الكلمة .. حكي كثير :)

شكرًا محمد .. كل الحُب لك يا غالي ♥️

انا تابعتك عن طريق قناة الاثر الطيب ، وحابة اسأل هو انت كيف شايف انس ، يعني بما انك بتعرفه ؟
....

أنس شخص كثير طيب ورائع وقلبه أبيض ..

أنا عرفت أنس في سنة 2014 وأول لقاء شخصي بينا بتذكر كان اقل من عشر دقائق ، كان في معرض ..
أنا من الناس الي عزيزة على قلبي وبتشرف بصحبته .
انس شخص اكثر من رائع 😍

#محمد_عماد

لييييييش في لمحة حزن بعيوونك
مع انه كل اصحاابك بيحبووووك مبين علييهم ..

الحمدلله على نعمة محبتهم .. واكيد انا بحبهم ♥️

اما من ناحية لمحة الحزن .. بصراحة ما بشوفها .. وهاد يمكن خلل عندي :)
شكرًا الك ولاهتمامك

ما هو الشيئ الذي في سبيله تستغني عن كل شيئ ¿

- خليه بيني وبين ربي .. لاني استغنيت قبل هيك :) .

أنس بدي أسألك خسرت حدا غالي عليك
إذا آه شو السبب؟؟


في غوالي كثير ربنا اكرمهم بالشهادة .. وفي كمان غوالي صارت ظروف اجبرتنا ما نكمل مع بعض .. :)

السبب / اكبر مني ومن الغاليين :)

شو اكتر اشي بتتمنى يصير في حياتك ..

- ( اتوظف وظيفة ثابتة .. ) :)

ايش القاعده الي بتحطها لحياتك وقدام عنيك وبتمشي عليها 😊


كن مع الله ولا تبالي :)

- كيف تعرفت على صحابك

مين فيهم بالظبط .. مش واحد ولا اثنين ولا 100 :) ..

#كثار ♥️

اها :
صلاح بعرفه من سنتين تقريبًا مع بداية تصويري في برنامج تغيير جو .. كانت صحبة عادية .. لكن قبل 5 شهور تقريبًا تقربنا من بعض .. كنت انا بتدرب لاكون مذيع وصلاح مهندس الصوت ..
علاقتنا قويت .. وبصراحة انتقل معي للعمل في مكتب سمارت ميديا .. هو ممنتج وانا كاتب سيناريوهات ومعد برامج .. ومصور .. والحمدلله .. اجا دوامي في المكتب مع وقت دوامه ..


دوامنا تطوع :)

من خلال متابعتي الك و لكتاباتك ؛ اقدرت ألاحظ مدى الذكاء ااي بتمتلكه ؛ سؤالي هلوقت ، ليش مهمل ذكاءك و ما بتدرس ؟

- مين قلك ما بدرس ... على فكرة من 3 ايام مقدم امتحان نهائي لاني كنت منزل #صيفي :( .. :)

رسالة صباحية :

تحرّروا من كل شيء ينهش تفاؤلكم استمدوا القوّة من أنفسكم فأنتم من يُحدد مصيركم في هذه الحياة بعد الله 💎✨

للمناسبة : انا رح اكمل بكالوريوس , بعد الدبلوم :) .. ♥️