متى اخر مرة بكيت فيها ..

ما رح اكذب عليك واقلك .. من زمان ما بكيت .. لكن .. انا انسان دمعتي قريبة يعني .. على اي شي بتلاقيني بدمع .. ومش بايدي والله ..
انا لما احضر برنامج انساني بدمع تلقائي وبقشعر كمان .. ..

ليه م قدرت تطلب السماح من الناس الي ظلمتهم؟!

- الظروف المحيطة .. كانت عائق كبير ولو لقيت فرصة في اي وقت اني اطلب السماح .. رح اطلب :)
..

الضمير صاحي والحمدلله

شو اكثر صفة بتكرها بأنس :

- بصراحة .. لو حكيتلك ممكن اكون اعطيتك نقطة ضعف عني .. وهاد شيء خاطئ .. شكرًا لاهتمامك :)


اكثر صفة حابب امتلاكها :

ما سألت نفسي هاد السؤال لكني .. بحتاج صفات كثيرة .. :)

كم عدد ولاد اخوتك :

أختي ايمان :
- اسماء
- اسيل
- علي
- أحمد

..
أخي أحمد :
- نصر
- ملك
- ايمان

أخي محمد :
- عبدالله ( عبود) ..

الله يحفظهم جميعًا ♥️

اذا كان معك تصريح بالجنون :: شو بتعمل .


- بصراحة .. ما بعرف :) .
او بالأصح .. مش محتاج تصريح .. الناس القريبة مني .. عارفة لحظاتي الجنونية .. وعارفة جمالها وبساطتها ..

شو اكثر قناة اعطتك دافع واثرت عليك ؟

- قناة الأثر الطيب :)

- هل ترانا نلتقي ؟
- اتشرف بك :)

سؤال : هل سبق ان اتهمك احدهم بأنك تستغل احداث حياتك ؟

- في الحقيقة لا ولا اظن بأن احدهم سيتهمني :) ..

هل في يوم من الأيام أحد ظلمك ؟؟ و طلب منك السماح و سامحته ؟؟!

- #كبشة :)

لو كان رسول الله بيننا ، ماذا ستقول له ؟
و ما هي ردة فعلك لمجرد رؤيتك له ؟

سألت هذا السؤال في الاعتكاف الرمضاني بالمسجد .. واجبتهم .

الاعتراف بالحُب هو أول شيء سأفعله عند اللقاء ..
..
ردة الفعل : لا اظن بأنني سأبقى في وعيي ..

فما اجملها من نعمة ان يكرمك الله برؤية نبيه ♥️

- " ماذا فعلت اليوم ليحبگ الله ؟! " 🍂
تجنبت الاجابة على هذا السؤال لكنه تكرر .. في الحقيقة .. سيكون من الأجمل أن يبقى بيني وبين الله عز وجل .. ليس لشيء .. لكنني سأطلب منك تأمل حروفي التي اقوم بنشرها على قناة الاثر وبشكلٍ يومي ... هناك الكثير من الافكار والمواضيع التي انشرها .. احب ان تفعلوها مثلي .. ولكنني احب ان اكتبها بصيغة فكرة او موضوع :)

حبَّك لأن تُنادى بـ #أبو_بلال .. هل سببها شخص تعرفه باسم #بلال ؟؟


- في الحقيقة .. انا ومنذ طفولتي يعرفني الجميع بأبو محمد ,, لكنني كنت انادي أخي عبدالله بأبو بلال وكنت دائما اتغنى بها عندما اناديه .. بعد استشهاده .. تيمٌنًا بكنيته .. غيرت كنيتي لأبوبلال :) ..

♥️

دولة تتمنى زيارتها .. :

- اجابتي غريبة .. امنيتي .. ادخل دولتي فلسطين ..
بلدتي الاصلية .. يبنا .. حيفا , عكا .. يافا ..

أخ ..

- كيف حالك ؟
..
الحمدلله على كل حال .. شكرًا لاهتمامك ♥️

لو لم تكن أنس ؛ هل كنت ستتمنى ذلك ؟


- أكيد :)

موقف محرج صار معك ؟؟😁
امممممممممممم و كمان
موقف حلوة صار معك؟ ؟😁

...
المحرج :
صار معي امبارح ما بدي اروح بعيد .. كنت بعلق المايك لشيخ في ملتقى دعوي بيقرأ قرأن وانا نازل عن (المنصة ) وقعت على سلك المايك ف الشيخ بقرأ والصوت مفصول .. لاني قطعته .. والكل كان يطلع وبضحك ..


تضحكوش :P

موقف حلو :

كثير مواقف حلوة بحياتي .. لكن تواجدي بينكم بالنسبة الي موقف ولا أروع ♥️

كم معدلي في الثانوية العامة ..

معدلي مش مقياس لكني ما جبت معدل يرضيني انا كأنس .. وبصراحة مش حابب اجاوب :)

طالب كلية ( كم معدلوا بدو يكون )

هل أثرت الشهرة على حياتك ؟ و كيف كان تأثيرها ؟

- يمكن بنظرك انا مشهور .. لكني بالنسبة لنفسي ولكثير ناس .. انسان عادي ..
صحيح في كثير احيان بسمع فلان بقول هي انس , او بركب سيارة وبرفض السواق اخذ الاجار عشان بعرفني .. .
من ناحية التأثير .. اثرت كثير كثير ..


#كثير :)

بعتذر .. شكلي خربت القناة في الاجابات :/

رسالة : لاخوي #هنود
انت انسان طيب كثير , ومش محتاج حد يقلك روح يمين وروح شمال .. يعني أنت انسان واعي .. وطموح وفي كثير اوقات بتابعك بصمت .. عشان انت اكبر مني .. وعشان استفيد منك ..

ربي يحفظك .. ♥️