ما هي أكبر خسارة في حياتك ..

فقدان حبيب قلبي #أخي

من هو صديقك المفضل :

في الحقيقة هو ليس مجرد صديق .. هو خليلي في هذه الدنيا وبإذن الله خليلي في الجنة ..

#مؤمن

منذ متى وانت تكتب :


منذ 4 سنوات تقريبًا ..

كم في هاتفك رصيد :

0.72 اغورة

هل من الإسلام أن تسمح للبنات اضافتك على مواقع التواصل ..

- السؤال رائع .. يستحق الاجابة ..
من ناحيتي .. تقريبًا كثير في اصدقاء #اخوات في حسابي , لكن السؤال .. هل بحكي معهم ؟
ام مجرد متابعين , او زملاء عمل ؟!
في الحقيقة .. الجميع متابعين ,,, قلة من هُم زملاء في العمل ..

نادر جدًا عندما تصلني رسالة من أي اخت .. وعندما تصلني اي رسالة .. تكون لهدف عمل .. او ابداء رأي .. او ترك ملاحظه واحترم اي انسان يترك لي رسالة .. ..
بالنسبة لظنون البعض .. فكُل إناء بما فيه ينضح .. واللي بيعمل شي غلط بفكر الكل مثله ..
والحمدلله على نعمة تواجد مواقع التواصل الاجتماعي .. على الاقل عرفتنا على كثير من الناس وعلى جميع العقول .. الذكية ومتوسطة الذكاء والغبية ..
يعني الحمدلله .. #على الأقل عرفنا من بحسن الظن ومين لا ..

...

بالمناسبة مررت بموقف شبيه منذ ايام .. وكان النقاش بيني وبين والدتي ..
..

في النهاية : لا يوجد لدي حساب على الفيس بوك :)

مين أنس نصر :
- أنس نصر فحجان , طالب في كلية مجتمع الأقصى .. عمري 20 سنة
ادرس علاقات عامة وإعلام ..
..
وحابب ما احكيلك عن نفسي .. بإمكانك تقعد معي ونتعرف أفضل .. لانه الكلام في بعض الاحيان وهم .. الافعال اجمل شيء وبالأخص العفوية :)

هل ظلمت احد في حياتك :

للأسف .. اه
ومش شخص ولا اثنين .. كثير ناس انظلمت مني .. بإرادتي وبدون ارادتي ..البعض طلبت منهم السماح والبعض الاخر ما قدرت ..
وعلى الأغلب كل انسان انظلم مني .. انظلم لسبب بعيد عن ارادتي .. كل إنسان فينا بغلط والشاطر بتعلم ..

بالمناسبة .. جميع اللي انظلموا مني بقصد .. انظلموا زمان .. يعني تقريبًا قبل سنتين ..

لكن بدون قصد .. هالايام .
الله يسامحني ويسامحهم :)

شو اكثر اسم بنت بتحبه ..

بحب اسم أختي , وبنت اختي ..

اختي الأكبر اسمها ايمان , واسم بنتها اسيل ..

الاسمين بحبهم كثير .. ♥️

ليش ولا مرة نشرت صورة ل صديقك مؤمن .؟

يمكن لأني اناني في الحب , وحابب يكون خليلي لحالي :)
؟
او يمكن لعدم رغبة مؤمن في نشر صورته على النت ...

بعرف الانانية في الحُب انطباع سيء .. لكن مممم

شو الأكلة المفضلة .. :

ما في اكلة محددة , لاني ما بأكل عشان انا بشتهي اكلة وبدي اكلها .. على الأغلب بأكل لاني جعان :p ..
بعرف اجابتي غريبة .. لكن بإمكانكم تسألوا اهل بيتي .. اذا فيه أكل بأكل , اذا ما في ما بطلب ولا بعمل اكل كمان ..
بيمشي اليوم والحمدلله :)

#لكن الملوخية والمعكرونة .. حجات بطلبهم من امي في بعض الايام ..

كم مصروفك او دخلك الشهري ..

خليها على الله .. وخلي الطابق مستور ..

وينك ي صلاح 😂

هل سعيت لتطوير نفسك :

اكيد .. والحمدلله حصلت على مجموعة كبيرة من الشهادات في مجالات التدريب ..
..
اما من ناحية سؤالك الثاني ما هو طموحي ..

اجابتي : اذا اخبرتك عن طموحي لن أصل له , ولكن سأكون سعيد وفخور جدا عندما اصل لطموحي .. سأخبرك وسأخبر الجميع بذلك :)

كيف بداية الشهرة على السوشال ميديا :


تقريبًا كانت بداية الشهر .. قصة كتبتها عن استشهاد اخوي .. الناس عرفت انو عندي ملكة الكتابة .. وحبت تتابعني ..
مع انه كان عندي صفحة اعجاب ايامها وفيها 18 الف معجب :)

متى اخر مرة بكيت فيها ..

ما رح اكذب عليك واقلك .. من زمان ما بكيت .. لكن .. انا انسان دمعتي قريبة يعني .. على اي شي بتلاقيني بدمع .. ومش بايدي والله ..
انا لما احضر برنامج انساني بدمع تلقائي وبقشعر كمان .. ..

ليه م قدرت تطلب السماح من الناس الي ظلمتهم؟!

- الظروف المحيطة .. كانت عائق كبير ولو لقيت فرصة في اي وقت اني اطلب السماح .. رح اطلب :)
..

الضمير صاحي والحمدلله

شو اكثر صفة بتكرها بأنس :

- بصراحة .. لو حكيتلك ممكن اكون اعطيتك نقطة ضعف عني .. وهاد شيء خاطئ .. شكرًا لاهتمامك :)


اكثر صفة حابب امتلاكها :

ما سألت نفسي هاد السؤال لكني .. بحتاج صفات كثيرة .. :)

كم عدد ولاد اخوتك :

أختي ايمان :
- اسماء
- اسيل
- علي
- أحمد

..
أخي أحمد :
- نصر
- ملك
- ايمان

أخي محمد :
- عبدالله ( عبود) ..

الله يحفظهم جميعًا ♥️

اذا كان معك تصريح بالجنون :: شو بتعمل .


- بصراحة .. ما بعرف :) .
او بالأصح .. مش محتاج تصريح .. الناس القريبة مني .. عارفة لحظاتي الجنونية .. وعارفة جمالها وبساطتها ..

شو اكثر قناة اعطتك دافع واثرت عليك ؟

- قناة الأثر الطيب :)

- هل ترانا نلتقي ؟
- اتشرف بك :)

سؤال : هل سبق ان اتهمك احدهم بأنك تستغل احداث حياتك ؟

- في الحقيقة لا ولا اظن بأن احدهم سيتهمني :) ..