من كم سنة لليوم بطّلت أسمح لحالي أوعد أي شخص مهما كان قريب، مهما كان، إنه رح نضل بهالقرب لحد ما تخلص الدنيا..
صار في إشي جوّاتي بعرف تمامًا إنه كل العلاقات مرحليّة وإنه الإحساس تجاه الناس بتغيّر كل الوقت ولو ضل الحضور الجسدي موجود و هاد أبدًا مو دليل على إنه الإحساس القوي اللي بلّش بعدو موجود..
من كم سنة لليوم صرت أجرب أستمتع بعلاقاتي القريبة من الناس اللي بدائرتي الصغيرة حتى لو إني عارفه إنها رح تخلص ورح يتبدّل إحساسنا تجاهها، عشان شي يوم، بس تختلف المشاعر يضل عندي فرصة أتطلّع وراي وأنا عارف إنه تجربتي مع هالشخص كانت إضافة حلوه لحياتنا النا نحنا الإثنين..
من كم سنة لليوم، صرت أعرف أنبسط أكثر من قبل لإنه بطّل عندي خوف من اني اًخسر حدن ، ولإني صرت بعرف أعطي أكثر وآخد أكثر وأكون إنسان بتعطي كل حدا على الأرض قيمتو مو أكثر..، وبطّلت أعيش دراما العلاقات الأبديّة، وإحساس جملة:"رح بنضل سوا للأبد.."، اللي كنت مؤمن فيه أيّام زمآن..
ما هو انت كمان فكر فيها ؛ كم شخص سبٓق وقلتله:"رح نضل لحد ما ينتهي العالم.. ، واليوم صار عادي ، واحد من هالعالمْ !

‏بكامل رغبتي: لا أريد أن أعني لأحد شيء، إني أريد السلام .. السلام الداخلي الذي يكون دون مدد من أحد ، بل من الله يُسكب في قلبي.

‏" لقد كنتُ صامتًا لكنني لم أكن أعمى "

#تنويه ✋

اذا #بكرة شفت شنطة ماشية لحالها في الشارع ... 🎒
اياك ثم اياك ثم اياك تشوطها برجلك.. ✋
لأنه وراها #سنفور 😂

اسألني سؤال .. :)

أول سؤال وصلني .. :


سؤال ☺️ !
الانسان الذي ظلمك يطلب مسامحتك قبل موته !!
تسامحه ام لا تسامحه !!

...

الإجابة : انا مش حامل في قلبي على أي إنسان , يعني وبكل صدق سامحت كل الي ظلموني ومش الأن .. بعد كل موقف انظلم فيه بسامحهم .. صحيح بكون مضايق اول يوم لكن في اليوم الثاني بسامح ومن كل قلبي ..
في كثير ناس ازعجتني في حياتي وظلمتني كثير .. لكن سامحتهم .. يمكن هم مش عارفين اني سامحتهم وما حملت في قلبي عليهم بس ربنا بعلم بكل شيء ..

ويمكن انا زعلت ناس كثير في حياتي وضايقتهم .. أو ظلمتهم ..
بتمنى ربنا يكرمني ويرزقني محبتهم وسماحهم ..

عالهامش : تخيل تكون مقصر كثير مع ربنا وواقف بين ايدين وبتطلب المغفرة والسماح .. تيجيك الاجابة ( انت ما سامحت فلان بدك اسامحك )؟

سامح الجميع .. رطب قلبك وما تكون قاسي عشان ربنا يسامحك ..


استغفروا الله العظيم .

السؤال الثاني : متى ستكف عن الاستفزاز ..

الإجابة : عندما اشعر انني مستفز :)
أو اشعر بأنك لا تستحق استفزازي لك :)

السؤال الثالث : كم تملك من المال ..


في الحقيقة .. منذ 6 دقائق كنت برفقة صديقي صلاح , طلبت منه اجر السائق الذي سيوصلني الى البيت ..

يعني الله المستعان .. لكن بكرة بتفرج :)

ما هي أكبر خسارة في حياتك ..

فقدان حبيب قلبي #أخي

من هو صديقك المفضل :

في الحقيقة هو ليس مجرد صديق .. هو خليلي في هذه الدنيا وبإذن الله خليلي في الجنة ..

#مؤمن

منذ متى وانت تكتب :


منذ 4 سنوات تقريبًا ..

كم في هاتفك رصيد :

0.72 اغورة

هل من الإسلام أن تسمح للبنات اضافتك على مواقع التواصل ..

- السؤال رائع .. يستحق الاجابة ..
من ناحيتي .. تقريبًا كثير في اصدقاء #اخوات في حسابي , لكن السؤال .. هل بحكي معهم ؟
ام مجرد متابعين , او زملاء عمل ؟!
في الحقيقة .. الجميع متابعين ,,, قلة من هُم زملاء في العمل ..

نادر جدًا عندما تصلني رسالة من أي اخت .. وعندما تصلني اي رسالة .. تكون لهدف عمل .. او ابداء رأي .. او ترك ملاحظه واحترم اي انسان يترك لي رسالة .. ..
بالنسبة لظنون البعض .. فكُل إناء بما فيه ينضح .. واللي بيعمل شي غلط بفكر الكل مثله ..
والحمدلله على نعمة تواجد مواقع التواصل الاجتماعي .. على الاقل عرفتنا على كثير من الناس وعلى جميع العقول .. الذكية ومتوسطة الذكاء والغبية ..
يعني الحمدلله .. #على الأقل عرفنا من بحسن الظن ومين لا ..

...

بالمناسبة مررت بموقف شبيه منذ ايام .. وكان النقاش بيني وبين والدتي ..
..

في النهاية : لا يوجد لدي حساب على الفيس بوك :)

مين أنس نصر :
- أنس نصر فحجان , طالب في كلية مجتمع الأقصى .. عمري 20 سنة
ادرس علاقات عامة وإعلام ..
..
وحابب ما احكيلك عن نفسي .. بإمكانك تقعد معي ونتعرف أفضل .. لانه الكلام في بعض الاحيان وهم .. الافعال اجمل شيء وبالأخص العفوية :)

هل ظلمت احد في حياتك :

للأسف .. اه
ومش شخص ولا اثنين .. كثير ناس انظلمت مني .. بإرادتي وبدون ارادتي ..البعض طلبت منهم السماح والبعض الاخر ما قدرت ..
وعلى الأغلب كل انسان انظلم مني .. انظلم لسبب بعيد عن ارادتي .. كل إنسان فينا بغلط والشاطر بتعلم ..

بالمناسبة .. جميع اللي انظلموا مني بقصد .. انظلموا زمان .. يعني تقريبًا قبل سنتين ..

لكن بدون قصد .. هالايام .
الله يسامحني ويسامحهم :)

شو اكثر اسم بنت بتحبه ..

بحب اسم أختي , وبنت اختي ..

اختي الأكبر اسمها ايمان , واسم بنتها اسيل ..

الاسمين بحبهم كثير .. ♥️

ليش ولا مرة نشرت صورة ل صديقك مؤمن .؟

يمكن لأني اناني في الحب , وحابب يكون خليلي لحالي :)
؟
او يمكن لعدم رغبة مؤمن في نشر صورته على النت ...

بعرف الانانية في الحُب انطباع سيء .. لكن مممم

شو الأكلة المفضلة .. :

ما في اكلة محددة , لاني ما بأكل عشان انا بشتهي اكلة وبدي اكلها .. على الأغلب بأكل لاني جعان :p ..
بعرف اجابتي غريبة .. لكن بإمكانكم تسألوا اهل بيتي .. اذا فيه أكل بأكل , اذا ما في ما بطلب ولا بعمل اكل كمان ..
بيمشي اليوم والحمدلله :)

#لكن الملوخية والمعكرونة .. حجات بطلبهم من امي في بعض الايام ..

كم مصروفك او دخلك الشهري ..

خليها على الله .. وخلي الطابق مستور ..

وينك ي صلاح 😂

هل سعيت لتطوير نفسك :

اكيد .. والحمدلله حصلت على مجموعة كبيرة من الشهادات في مجالات التدريب ..
..
اما من ناحية سؤالك الثاني ما هو طموحي ..

اجابتي : اذا اخبرتك عن طموحي لن أصل له , ولكن سأكون سعيد وفخور جدا عندما اصل لطموحي .. سأخبرك وسأخبر الجميع بذلك :)