የትምህርት ሚኒስቴር የዩኒቨርሲቲ ፕሬዝዳንቶችን የአንድ ጊዜ የስራ ዘመን 6 ዓመት እንዲሆን የሚያዝ መመሪያ አውጥቷል።

👉 በመመሪያው ድንጋጌ መሰረት ለፕሬዝዳንትነትና የሚወዳደሩ ወንድ እጩዎች ቢያንስ የረዳት ፕሮፌሰርነትና ከዚያ በላይ የአካዳሚክ ማዕረግ ሊኖራቸው ይገባል።

የየትምህርት ሚኒስቴር በመንግስት ከፍተኛ ትምህርት ተቋማት ውስጥ የሚሾሙ ፕሬዝዳንቶችና ምክትል ፕሬዝዳንቶች አሰያየምን የሚገዛ አዲስ መመሪያ (መመሪያ ቁጥር 1146/2018) ይፋ አድርጓል።

ይህ መመሪያ በከፍተኛ ትምህርት ተቋማት ውስጥ የነበረውን የአመራር አሰያየም ስርአት በመቀየር፣ በብቃትና በውድድር ላይ የተመሰረተ አሰራርን ለማስፈን ያለመ መሆኑን ይገልጻል።

በአሁኑ ወቅት ዩኒቨርሲቲዎች በርካታ የሪፎርም ስራዎች ላይ እንደሚገኙ የገለጸው ሚኒስቴሩ፣ እነዚህን ለውጦች ለመምራት በሙያቸው የበሰሉ፣ በስነ-ምግባር የታነጹና በዩኒቨርሲቲው ማህበረሰብ ዘንድ ቅቡልነት ያላቸው አመራሮች እንደሚያስፈልጉ አጽንኦት ሰጥቷል።

አዲሱ መመሪያ የአመራር ምርጫውን ግልጽ በሆነ የነጥብ ድልድል (30/30/40) እንዲመራ ደንግጓል።

በዚህም መሰረት የትምህርት ዝግጅትና አካዳሚክ ማዕረግ 30 በመቶ ነጥብ የሚያዝበት ሲሆን ለፕሬዝዳንትነትና ለምክትል ፕሬዝዳንትነት የሚወዳደሩ እጩዎች ያላቸው የትምህርት ደረጃና የአካዳሚክ ማዕረግ ይመዘናል(ማዕረጉ ከፍ ባለ ቁጥር (ለምሳሌ ፕሮፌሰር) የሚያገኙት ነጥብ ከፍ ይላል)።

የስራ ልምድም በተመሳሳይ 30 በመቶ ነጥብ የሚያዝበት ሲሆን እጩዎች በተቋም ግንባታና በአመራርነት ያሳለፉት ጊዜ በዝርዝር ተሰልቶ ነጥብ ይሰጠዋል።

ሌላው በአመራር ምርጫ ወቅት ትልቁን ነጥብ የሚያዝበት ጉዳይ ስትራቴጂያዊ ዕቅድና አቀራረብ (40 በመቶ) ነው።

|➲| @ASTU_Network