近日流行玩OpenAI嘅GPTChat，有網民都試吓問佢關於TVB嘅資訊，例如TVB聲譽如何、點解TVB叫做CCTVB等，不過出嚟嘅答案似乎唔會令 #曾志偉、#黎瑞剛 滿意🥹 Elon Musk你等收律師信啦！

「...它的劇集常常沿用相似的題材會情節，並且有時會出現性別歧視和種族歧視的場景」

「...認為它們可能會為了吸引收視率而製作低俗或無聊的內容」

「...有些人也對TVB在報導政治新聞方面的公正性和客觀性提出質疑」

「Allegations of nepotism（用人唯親）: TVB has been accused of promoting the careers of certain actors and actresses based on their personal relationships rather than their talent or merit.」

「TVB News has been criticized by some for its perceived lack of independence and for prioritizing commercial interests over journalistic integrity.（新聞缺乏獨立性，商業利益凌駕於新聞誠信）」

▌#TVB 大股東、中国共產党員、有「中國梅鐸」之稱嘅 #黎瑞剛🇨🇳 近日再借傳媒把口批評網民「網絡欺凌」其廣告商，令廣告商被嚇走。佢舉出一間國際連鎖快餐店例子，聲稱佢「近期一直沒有在TVB投放廣告，TVB是大眾家庭電視，該是這快餐品牌投放廣告的對象」。

究竟佢講嘅國際快餐品牌係邊間？差唔多間間都係！

1️⃣ #金拱門🇨🇳 （麥當勞香港）嚴格嚟講係中資唔係國際品牌，不過佢近期除咗透過「資訊贊助」形式贊助《#東張西望》之外，都冇特別落過電視廣告；

2️⃣ #肯德基 電視廣告消失咗直頭三年，就算有個廣告係邵氏藝人 #黃俊豪 拍，個廣告都冇喺TVB播過；

3️⃣ 快樂蜂、Mos Burger、Five Guys呢啲更加冇廣告，所以真係好難估到黎生講邊間。

▌另外，黎生又特別提到，TVB「和香港本地快餐品牌開始了合作，取得不錯的成績。另一家本地快餐品牌也開始TVB在投放廣告，並支付廣告金額，但剛開始合作，這家品牌就受到網絡攻擊，甚至威脅，最後提出暫緩合作。」

編者估計前者係指 #大家樂，後者唔確定係咪 #大快活，因為近日大快活廣告仍然活現於翡翠台。至於所謂網絡攻擊、威脅就簡直係得啖笑，唔講以為我啲錢係印住大快活個名，一定要幫襯佢🫠

▌唔知黎生係咪住喺中国太耐，唔太了解咩叫「#自由市場」，自由市場就係你有權賣廣告，消費者有權唔幫襯。你哋公司自己都有透過廣告宣傳ESG（環境、社會和公司治理），咁你應該知道廣告客戶幫襯你，同埋消費者幫襯廣告商嘅時候唔單只考慮收視率、價格，仲會考慮社會責任等。

另外，TVB亦冇資格講公平競爭，你哋咁多年嚟點樣迫害競爭對手、反對聲音，用以維持壟斷地位，並間接扼殺香港創意產業，大家通通有目共睹。

TVB與其日日喺度諉過於人，屌客「#匪夷所思」，屌網民「#網絡欺凌」，不如諗吓點解ViuTV、開電視同樣係藍台，但TVB就俾人插得最勁？可能你哋先係掌握權力、財力、影響力嘅欺凌者，我哋呢班冇得睇HKTV、被TVB假資訊禍，仲要不斷被你哋抹黑、檢舉、以法律手段威嚇嘅網民只係大雄😉