▌根據《娛壹》及《Channel C》報導，#TVB 金主 #寵物藥妝 旗下嘅產品廣告出埋今日就會轉場去 #ViuTV，相信係同李佳芯事件有關。

▌早前寵物藥妝老闆，亦即係蟲草大王 #陳恩德 希望請 #李佳芯(Ali)出席旗下活動，但TVB就講明蟲草大王同李佳芯唔可以合照，亦要保持距離，令蟲草大王極為不滿。蟲草大王就爆料，話同Ali溝通過，指呢個係公司決定，所以佢要求TVB高層 #樂易玲 畀個交代，但樂易玲就表示「藝人在公司工作以外的商業活動，保護和尊重藝人的意願，都是經理人的基本責任。」懷疑就係因為咁，令蟲草大王決定抽起TVB廣告。

▌據悉，將會被抽起嘅廣告係 #寵營樂 (#PetNutrilandHK)，根據共業資料，佢表面係澳洲牌子，實際上係寵物藥妝旗下品牌。據我哋搜集到嘅資料，寵物藥妝同TVB嘅合作極多，除咗長時間而密集嘅電視廣告之外，亦曾贊助劇集《愛回家》超過一年，同過陳煒、陳庭欣、戴祖儀、鄭子誠、蔡潔等多個藝人合作，近日嘅「帶貨」(直銷)節目佢都有份贊助。如果自2020年8月落廣告開始計，每年贊助過千萬廣告，相信寵物藥妝都貢獻咗TVB起碼二千萬收入，稱呼佢做忠實金主亦不為過。

▌另外，寵物藥妝亦好鍾意以「#屈臣氏寵物藥妝」自稱，屈臣氏實際上係陳恩德嘅合作伙伴，雖然做起咗寵物藥妝個朵，但同時，#屈臣氏 卻因為寵物藥妝同TVB嘅合作被牽連。

▌總結：香港咁多寵物食品店，揀唔啱亦可以上iHerb網購，唔使揀個怪叔叔嘅。

【溫故知新】

《明報》2020年9月16日報導
//無綫處境劇《愛‧回家之開心速遞》日前因劇中出現「五一」手勢的黃色膠手套，引起網民爭議，無綫揚言徹查事件，並嚴肅處理。有報道指拍攝當日，因有藝人貪玩而「惹禍」，將其中一隻黃色手套「舉中指」變成「五一」手勢，有傳TVB已解僱負責拍攝該畫面的導演Justin，有指他被無綫以涉國安法迫辭職。監製林建祥表示因公司已回應，所以他不再回應。//

《壹周刊》2020年9月17日報導
//今日有傳負責當日拍攝的導演Justin，已接獲TVB通知，要求他自行辭職，否則會以犯國安法為由報警，故最後該名服務TVB八年的導演自己遞信，如傳言屬實，換言之TVB不但不用付長期服務金，連離職代通知金都一個崩不用賠，聽聞TVB更大仁大義地表示不用導演賠三個月辭職代通知金給公司。//

【討論環節】
1. 你支持TVB解僱導演的決定嗎？
2. 如是，你會否支持當時的《愛回家》贊助商，亦即 #OTO、#屈臣氏寵物藥妝、#寵營樂？