增1,325陽性個案 逾1,500初步陽性
多間老人院舍爆疫 2長者染疫亡

本港今日新增1,325陽性個案，24宗帶L452R，1,270宗屬懷疑Omicron，個案中1,323宗為本地感染。由今年初至昨日，本港共錄5,535宗本地個案，而深水埗、葵青、沙田、屯門及黃大仙區佔最多。

多間老人院舍繼續爆疫，包括：觀塘通明街松暉護老中心保健員初步陽性；深水埗基督教懷智服務處元洲宿舍一人確診，同住院友須檢疫；屯門輝濤護老色（安麗分院）2宗初步陽性，另有快速測試陽性，可能有傳播，40多人須檢疫；大埔香港心理衞生會賽馬會心薈庭有院友確診，相關人士送檢疫中心；深水埗明愛麗閣苑一工作人員確診，衞生署正跟進是否有人須檢疫；葵涌石蔭邨松悅園耆欣護養院暨日間護理中心一名護理員確診；荃灣老圍道圓玄護理安老院一人確診；馬頭圍鴻圖老人院一院友初步陽性；西貢伸手助人協會畢尚華神父護老頤養院有多人確診，可能多人須檢疫。

衞生防護中心傳染病處主任張竹君表示，目前有約30多間安老院舍出現確診個案，當中有數間出現多於一人感染的爆發。而至昨日有13間老人院到檢疫中心檢疫，一間原址接受檢疫。

仁濟醫院一名86歲男病人昨日發燒，由救護車送院，病人入院時情況嚴重，持續惡化延至今日離世；伊院一名88歲女病人昨日初步確診，今早離世。另有2名分別84歲（#14814）及97（#18489）病人仍然危殆，他們沒有打針；11人情況嚴重，當中大部份沒有打針。

沙田醫院內科病房一名97歲男病人初步確診，院方追蹤調查下，再發現多5名病人初步確診，6名病人情況穩定，正接受隔離；病房員工快速測試全部呈陰性。屯門醫院亦有一名婦產科病房44歲女病人初步確診，院方追查下，發現2名病人初步確診，包括一名39歲孕婦及45歲病人，同一病格8名病人、另有一名護士及病人服務助理列密切接觸者；至於明愛醫院內科病房群組再多2名護士及一名病人服務助理初步確診。醫管局再多逾40多名員工初步確診，十多名病人院後初步確診，逾50名病人列密切接觸。

#channelchk #陽性 #本地感染 #Omicron #初步陽性 #公立醫院 #老人院 #COVID19

冷鋒襲港 周日市區氣溫預測再降至9℃
大埔上水低見7℃ 濕凍天氣持續至下周中

天文台發出特別天氣提示，一道冷鋒會在明日（19日）凌晨時份橫過廣東沿岸，本港明早顯著轉冷，預測市區最低氣溫將降至11℃，並調低下周日（20日）及周一（21日）氣溫預測至9℃。天文台提醒市民注意保暖，並要關顧長者及慢性病患者。近日多間公立醫院瀕「爆煲」，不少確診病人需在醫院的戶外帳篷等入院，當中有長者、幼童，希望大家保重。

根據天文台預測，明日氣溫介乎11至16℃，密雲有雨；周日氣溫進一步降至9至11℃，雨勢較為頻密，預測當日新界多區跌破10℃，大埔、上水、天水圍、石崗低見7℃，打鼓嶺最低只有6℃。

天文台預測寒冷天氣持續多日，至下周四（24日）過後天色才好轉，周末（26日）市區氣溫漸回升至2字頭。

#channelchk #天文台 #天氣 #公立醫院 #濕凍

公院隔離病房淪陷！
醫護控訴加病床卻削人手 病人隨時無人照顧
威院確診者普通病科留醫 恐傳染同房病人

第五波疫情觸發醫療系統崩潰，多間公立醫院急症室、內科病房爆滿，在港島一間公立醫院隔離病房工作的護士都向Channel C反映，該院的隔離病房大幅削減人手，連夜更的服務助理也削至一人，但兩個隔離病房反而加兩張ICU病床，「ICU本身需要3個人睇，而家變到係兩個姑娘睇一個隔離病房加2張ICU床，完全係（當）有一張ICU床有嘢做，就變成其他病人冇人睇！」而所有病人都是年老體弱或者傷殘，全部需要換片。

該護士亦不滿醫院將完全無負壓功能的病房接收篩查病及確診病人，「如果個病人中咗，就成格病房都要換晒野，但只係得2個清潔姐姐，夜晚更加得一個，唔計而家日日負壓病房將啲確診病人搬去第二度又要再清潔，所有staff（職員）都做到死。」

醫管局今午公佈有150名醫護人員確診或初步確診。該護士坦言，現時「放工都真係唔夠膽喺醫院沖涼，因為醫院都同事相繼確診，迫住要返屋企沖涼，完全係將病毒帶返屋企。」

另有在沙田威爾斯親王醫院外科病房工作的護士也批評醫管局草菅人命，稱隔離病房已爆滿，未能接收確診病人，該病人只能在普通病房留醫，「呢個確診病人同房嘅病人就係因為咁要被迫住埋同一間房，增加感染風險！」

由於普通病房的醫護人員沒有足夠保護，她批評醫管局安排是「置醫護生死都不顧」，亦未有為需照顧確診病人的普通病房醫護提供津貼。

#channelchk #公立醫院 #隔離病房 #醫療系統 #第五波疫情 #COVID19

醫護捱義氣入亞博照顧染疫病人
自費食「凍」頹飯：膳食細份，又貴，女仔都唔夠飽

公立醫院病床不足，醫護人手短缺，不但未獲特別津貼；即使醫護自告奮勇到亞博檢疫中心照顧確診病人，亦只能捱貴價「頹飯」。有讀者就向Channel C報料，指其任職醫護朋友上月申請調往亞博工作，但「膳食好細份，又貴，女仔都唔夠飽。本身$68，經過一輪協調先$44，但份量都好細，又唔好食。」

據報料人所講，因為唔可以叫外賣平台訂膳食，所以醫護都係「局住要」，而膳食係亞博入面一間餐廳提供，醫護人員自行畀錢訂購，每日有3款選擇，包括一款素食。其中一日可供選擇嘅午餐就有：洋蔥汁雞球配白飯、鮮茄豬柳配白飯，同埋菠菜意大利芝士卷配番茄汁及時菜。睇菜名似乎都應該唔難食，又有選擇畀素食者，不過報料人轉述醫護話，飯盒送到嚟時已經凍晒，而且成日送錯嘢，但換唔到，又成日遲送嚟，攪到醫護嘅食飯時間少咗。

醫護壓力爆煲，想食個熱飯嚟慰勞自己都似乎變得奢侈，所以讀者都希望藉Channel C幫亞博嘅醫護發聲，「亞博做嘢嘅醫護因為full gear，好多時連廁所都唔去，一日剩係食飯嗰陣可以休息一下食啖飯，盒飯唔好食仲要貴，同埋係要自己比錢，間餐廳真係好無良心！」

#channelchk #亞博 #檢疫中心 #公立醫院 #醫護人員

急症室及公眾殮房爆滿
危殆病人 具傳染性遺體 一同滯留急症室

有在公立醫院急症室工作的醫護 @rn_aed_247 ，近日喺IG貼出急症室情況，有危殆的病人以及具傳染性的遺體（Cat II Body）均滯留於急症室。

相片攝於昨日（ 26日）伊利沙伯醫院急症室，該急症室醫護表示，「公眾殮房爆咗，急症室出唔到魚」，意指急症室的遺體不能送到公眾殮房，遺體被放置室溫環境存放。

據該名醫護了解，多間醫院均有類似情況，「但擺到出嚟嘅有QEH KWH」，即伊利沙伯醫院及廣華醫院。

曾於殮房工作的泰記壽紙創辦人 @mingtai_funeral 於IG上也表示，「你問我，對上一次知道屍體仲係放地下或者冇系統存放嘅時候，已經係有前輩口中講嘅90年代尾嘅某啲公眾殮房先會發生」，「甚至乎急症室都有永別亭去儲存屍體，究竟咩意思原因要淪落到咁嘅樣」。

#channelchk #伊利沙伯醫院 #廣華醫院 #急症室 #醫療系統 #公立醫院 #COVID19 #變種病毒 #疫情 #Omicron

逾200遺體滯公院急症室
明愛戶外放遺體 恐加快腐化

早幾個鐘頭先話，危殆嘅病人同埋具傳染性嘅遺體都要喺急症室入面滯留。點知原來情況已經惡化，遺體已經放埋去明愛醫院室外嘅地方。

另外，有公立醫院急症室工作的醫護 @rn_aed_247 透露，參考數字中。總共有至少222具遺體滯留於急症室，未能送往公眾殮房（當中或有遺體不是屬於具傳染性）。

有醫護向該IG報料，明愛醫院甚至將遺體放到戶外地方。今日最高溫度達至21°C，而殮房溫度普遍只有4-6°C（或更低），把屍體放到室外環境，或會加速屍體腐化。

#channelchk #明愛醫院 #急症室 #醫療系統 #公立醫院 #COVID19 #變種病毒 #疫情 #Omicron #公眾殮房

率先曝光！伊院疫屍滿急症室 設貨櫃停屍
其他公院跟隨 護士嘆港人悲慘：死都冇尊嚴

由於近期有大量長者和長期病患者染疫或求醫，逼爆公立醫院急症室。有護士質疑，不少病人等不到上病房，失救致死。現時每日單是染疫死者，已多達上百人，連帶公眾殮房也逼爆，染疫屍體更滯留急症室。我們率先取得伊利沙伯醫院在籃球場設立貨櫃停屍間的照片，據悉其他公院會跟隨。有護士慨嘆，港人連「死咗都冇啲尊嚴」，未免太悲慘。

有伊院護士向我們指，聽聞停屍用的貨櫃內設有冷氣，2.28起放在醫院旁邊的籃球場，至3.1下午已增至2個。「其他醫院有地方放嘅，都開始跟，例如PY（東區醫院），應該訂緊（貨櫃）。」該護士不禁嗟嘆：「香港人真係慘，死左都無啲尊嚴。」

據了解，東區醫院急症室近日亦淪陷；知情人士形容的苦況，可謂慘不忍睹。「更更都有人死，平時唔會。因為太多workload，無人手睇住病人，好多老人家都等到死；新聞而家報嘅死者，估計大多數都係喺急症室等上病房時離世。換句話說，醫療系統已經爆煲；死路一條，無出路。」

「返晏晝更嘅時候，有個病人話要換尿片，第二日返到去，都仲未有人換，但真係冇時間做呢啲護理。急症室本身係做急救嘅，而家on top要加護理工作，根本做唔切。」

對於多間公院的病人近日再度在院外露宿，知情人士解釋，此舉實在迫不得已，因要避免急症室過於擠迫而爆疫，才趁天氣回暖，重新放置部份病床在帳篷，但高層認為「畫面唔靚」，推倒重來，反而增加醫患雙方感染風險。「太多人喺急症室入面，好似個大毒箱咁，好鬼侷促。最近回暖，所以啲同事就將啲確診病人推番出戶外，等啲人唔使喺室內等。但港島東聯網最大嗰個高層見到咁樣，就叫啲員工推番病人入去，完全冇人性嘅！」

政府指，會借用東華三院寰宇殯儀館45個遺體儲存空間，暫存公院死者屍體。有報道指，沙田富山殮房附近亦將放置冷藏貨櫃，並興建多800個存放位置，預計下月啟用。

翻查資料，泰國首都曼谷去年亦因疫情嚴峻，令醫院殮房爆滿，都要借用貨櫃，存放染疫死者屍體，是繼2004年南亞大海嘯後首次。

#貨櫃 #殯儀館 #遺體 #殮房 #停屍間 #急症室 #QEH #伊院 #公院 #公立醫院 #醫院 #伊利沙伯醫院 #疫情 #COVID19 #channelchk #東區醫院

身為一個公立醫院醫生，真係睇唔過眼呢一場「人禍」。

先係疫情初期，政府不斷發放變種新冠肺炎(Omicron)有幾嚴重有幾得人驚，迫香港人用安心出行App，結果呢？班高官自己開party唔用app，一連串社區爆發突然出現。政府專家理應知道變種新冠肺炎同普通Common cold / Flu差唔多，但就係都要嚇你。係一連串無效嘅圍封強檢之後，最應該改行與病毒共存嘅策略，同西方國家一樣，亦係世界大方向，先可以避免整爆香港醫療系統。結果政府完全唔理，係都要跟上面一樣乜叉動態清零，完全不切實際冇科學基礎。

今時今日公立醫院病床爆煲、病人訓街、重症病人得不到適當治療、危殆病人等半日先到急症室、醫護人員工作量爆炸，以上種種情況是誰造成相信大家心中有數！COVID 有幾嚴重，大家中過都好清楚，我地見大部分 COVID patient，就算中哂所有 Risk Factor 又 Unvaccinated 都可以冇乜 Symptom，我地好多藥都唔洗落，只係做 Routine CXR 同 BT。單純 COVID 呢個病嘅 Management 根本就極少，因為 COVID 而危殆嘅病人亦極少。但政府就係要將人手分去去做哂啲 Isolation，去應付 ICN 做 Contact Tracing，去配合政府做檢測做化驗，搞一大堆無意義嘅文件。

結果呢？冇人手去處理一大班因為比政府嚇入醫院嘅病人，當中入到A&E就死果班危殆果班好多都係本身已經有其他 chronic disease，冇人手冇設備冇時間冇空間，果班人好快就差，仲未計一班等左半日都未入到 A&E 嘅 CVA (ICH) IHD cardiac arrest Cat I case。正正係因為政府唔肯面對現實，死都要清零，令到一班市民以為個病好嚴重衝入急症室、因為政府嘅檢測令一班返唔到工嘅人衝嚟A&E 拎 SL，一車車老人院職員一見有院友確診就掉哂啲老人家嚟，谷爆公立醫院，而本來一班最需要緊急照顧嘅病人延遲幾個鐘送院導致死亡。死嘅大部分人都唔係因為新冠肺炎，而係無辜本來唔洗延遲送院/治療嘅香港人。

已經唔同你講 HA 令人冷笑的policy，一開頭跟實政府話個病有幾嚴重要點樣 Contact Tracing，郁啲就計你 Close Contact 要隔離唔知幾多日。。好啦到而家，玩出火啦，又多人中又多人返唔到工就話 HA staff 唔係一般市民，中左之後7日就可以返工，最嘔心係聽到班 top management 話我地好樂意返工。。。個龍門同政府一樣任佢搬！我地返工係為左醫人救人，唔係為左幫政府補鑊！

講到呢度，我已經唔知仲可以講咩，香港人自求多福啦，而家呢個時勢唔係驚感染新冠肺炎(Omicron)，係要希望自己唔好感染其他嘅病。。。香港醫護逐個逐個移民，大家自求多福啦。。#醫護 #醫生 #醫管局 #衛生署 #公立醫院
提交時間：2022/3/3 上午12:37

【緊急】公院病人家屬求救：媽媽等死中 十幾個鐘無飯食無水飲無鹽水無藥派

究竟件事係邊度出錯……😰

聽下苦況👉https://www.youtube.com/watch?v=TROYeq_t_fw

#channelchk #COVID19 #疫情 #公立醫院 #Omicron #醫護

林鄭：暫無計劃擴展疫苗通行證至公院診所病人及訪客
全文請睇👉https://bit.ly/3txz93p

#疫苗通行證 #公立醫院 #林鄭 #特首選舉