疫情繼續爆，特首宣佈晚巿禁堂食至年初三，就連新年花巿都要取消，在年關難過的日子，就算街頭幾塊紙皮都好值錢！今日Channel C就收到讀者提供一條「搶紙皮大戰」片段，差少少就發生血案，真係睇到一額汗。

呢場「搶紙皮大戰」發生喺今日（14日）下午3時，位於旺角登打士街街頭，一名年約五、六十歲的紙皮姐，手持𠝹刀正在拆紙皮箱，其間，一名男清潔工推着滿載垃圾的手推車經過，疑似想將紙皮執走。

紙皮姐隨即出手阻止，雙方發生推撞，紙皮姐成功搶回紙皮，清潔工即大聲喝道：「搶嘢！」此時，紙皮姐迅即怒火中燒，手持𠝹刀作…