《TVB「後生仔」大讚肥媽、鼎爺開通》8 Sep

最近TVB有個清談節目叫做《代溝關注組》(Elderly vs Youngster)，故名思義係畀後生仔同老人家傾偈，討論代溝問題，而圖入面後生仔嘅年齡呢，就分別係林正峰(27歲)、蔡嘉欣(27歲)、陳詩欣(28歲)、Mr. Trivago(32歲)、楊潮凱(36歲)，主持區永權(48歲)、張秀文(33歲)。不過年齡都唔係重點，重點係老人台嘅奉承文化實在令人感到嘔心。

根據《頭條》報導，呢一集嘅內容係討論婚嫁問題，肥媽就多番強調，做新抱最緊要係錫老公同生仔，而鼎爺就表示，晚輩一定要尊重長輩，例如要同長輩打招呼，食飯嘅時候一定要禮讓長輩，呢啲都係傳統長輩嘅思想，但最奧妙嘅係，一眾「後生仔」，包括陳詩欣、蔡嘉欣、林正峰、黎學勤、張秀文等人竟然大讚肥媽、鼎爺係開通嘅長輩。WHAT THE FUCK!?

老人台不愧係老人台，所有嘢都係老人為大，之前曾志偉去《#後生仔傾吓偈》探班，十幾個後生仔即刻要將佢奉為上賓，馮盈盈更加被曾志偉撚狗咁撚，到而家肥媽、鼎爺講埋啲咁保守嘅說話，班「Youngster」竟然厚臉皮到讚佢哋開通？到底有無藝人入咗無綫仲有自由意志㗎？

補充資料：
#林正峰，《#後生仔傾吓偈》KOL之一，2021年4月升任TVB親生仔。
#陳詩欣，《姊妹淘》、《學是學非》主持之一，2021年4月升任TVB親生女。
#蔡嘉欣，2019年落選党姐，2019年10月簽約做TVB親生女。
#黎學勤，又稱Mr. Trivago，2021年7月加盟邵氏兄弟，無聽七師傅說話去賣菜。