▌有網民發現，由 #李思捷 主持嘅TVB綜藝節目《#思家大戰》，除咗係佢本人監製之外，仲有佢嘅舊拍檔 #蘇啟康（晴朗）。邊個係蘇啟康？根據Facebook專頁《午夜翻牆》嘅資訊[1][2]，兩年前，蘇啟康（相信當時係自由身身份）拍咗套叫做《#明登兄弟》嘅微電影，獲得港人講地、幫港出聲等親中組織轉載，後者更形容該微電影為「煽動育成暴徒的真相」。

▌《明登兄弟》呢個名，有影射連登嘅意味，電影中嘅示威者多次強調明登喺反送中運動嘅重要性，例如明登係示威嘅發起人、所有人都係根據明登嘅情報行事。《明登》喺反送中期間上載至網絡，雖然時代感好重，但好可惜無論演員演技、劇情、對白、場景都係非常拙劣，同楊明主演嘅《時代》可以相比，而《明登》想表達嘅訊息同政府、親中派亦如出一轍，例如《逃犯條例(修訂)》只會針對陳X佳呢類犯咗法嘅人、發起示威嘅人只係冷氣軍師、示威者有錢收等等。

▌蘇啟康於1993年加入無綫電視助理編導訓練班，出任製作助理，曾製作大量綜藝節目。2003年，蘇啟康離開無綫，之後獲曾志偉推薦投身電影圈任監製同導演，2006年，佢同李思捷共同執導電影《金國民》，2015年又為 #曾志偉、#王祖藍 主演嘅《吉星高照2015》執導。今次蘇啟康回巢，未知係咪同曾志偉有關，只係知道佢返嚟之後做過《思家大戰》，以及清談節目《單對單》監製。

全文詳見：https://www.facebook.com/sayno4tvb2.0/photos/a.112777623771951/432648931784817/

—————————
[1]https://www.facebook.com/rrroundmidnight/posts/449909395609309
[2]https://today.line.me/hk/v2/article/9RmnLg

▌服務無綫14年嘅 #王君馨 上個月宣佈離巢後，佢其中一套倉底劇《#鐵拳英雄》（原名 #唐人街）亦準備播映，《香港01》就發現，喺 #TVB 微博嘅宣傳POST入面，所有主要演員都tag齊，唯獨唔tag王君馨一個，連佢嘅角色相都唔PO，引起中国網民不滿，質疑TVB小器、刻意排斥王君馨，更鬧TVB係「一家垃圾公司」。

▌無獨有偶，我哋亦留意到喺原版嘅《唐人街》海報中，本身係有王君馨，但改名之後嘅《鐵拳英雄》海報就唔見咗，點解排喺演員名單第八嘅元秋都有份，反而排第六嘅王君馨又無份？#曾志偉 曾經形容TVB係一個大家庭、希望每一位演員都愛TVB，難道佢就係咁樣對待親人，佢又有無愛護過佢嘅員工？定還是王君馨已經完約，唔算係「親生女」，所以亦唔當係一家人？

▌之後，我哋又順手睇埋維基百科嘅《鐵拳英雄》條目，發現王君馨宣佈離巢後無耐，佢個名就俾人排咗去後列，同啲次要角色擺埋一齊，雖然維基人人都修改得，唔可以證明係TVB做，但如果TVB啲fans係同TVB一樣咁小器，成件事都幾痴線。

（後記：有網民向本專頁提供另一幅TVB海報，上面顯示王君馨位列第七，相信網民都係跟住呢幅海報更改條目，不過咁樣就會同TVB官網資料唔一致）

▌《鐵拳英雄》又係由 #馬百良 冠名贊助，產品贊助未知，睇完再同大家講。

P.S. 呢套唔係X-men，但因為TVB無畀廣告費我所以Blur咗大部份演員。

▌之前講過「禁堂食令」谷起咗 #TVB (AKA #老人台) 收視，原本徘徊喺16-20點收視水平嘅劇集都大幅躍升，根據1000部收視記錄儀得出嘅數據，《#鐵拳英雄》同《#異搜店》嘅 #電視直播收視 為20.9點及25.5點。其實公佈電視直播收視呢個做法就用咗半年有多，不過懷疑有人嫌收視仲係太低，喺報告上特別標注埋 #七天跨平台直播收視 平均有21.7點，即係將電話電腦睇直播嘅數加埋入去，點知過多兩日，TVB嘅友好媒體《星島日報》直頭用埋 #七天跨平台總收視，再將七日內重溫節目嘅數字加埋入去，推到個收視上24.8點，睇漏兩眼都以為套劇真係咁收得。

▌至於另一套劇集《異搜店》，原本頭兩個禮拜電視直播收視都唔過20點，之後適逢政府宣佈「禁堂食令」，令其收視喺第三、四週躍升至22.3點及25.5點，而有人亦特別強調 #大結局嗰集嘅跨平台直播收視 高達28點，跟住男主女角再喺《東張西望》慶祝，玩數字玩到出神入化，期待日後加入「加權收視」、「大灣區跨平台總收視」、「七天跨物種跨平台總收視」，以完善收視計算制度。

▌另外，《鐵拳英雄》演員（冇 #王君馨）喺出席宣傳活動時，竟然搵啲女演員坐爆、踢爆男演員大髀中間嘅汽球，以 #曾志偉 及 #查小欣 嘅道德標準而言，畫面同意識都極度不良(見LINK)，希望你哋「#唔好教壞細路」，多謝。

https://www.instagram.com/p/CY59T2SPjlR/

▌#網民報料，最近 #匯豐銀行 搵咗邵氏藝人 #岑麗香 拍攝廣告，並且懷疑係因為藍絲早前喺FB投訴匯豐搵太多「黃人」賣廣告有關。早兩個月，匯豐搵咗 #鄭中基 推廣信用卡，吸引咗一班藍友派嬲同批評，留言包括「全部廣告都用黃人，明白嘅」、「匯豐好似專請黃人宣傳的！」、「見到黄人想cut card！」、「收啦，二世祖 !」等。

▌如果以部份藍絲「放諸四海皆黃」嘅原則，匯豐又真係用親都係「黃」嘅，首先 #ViuTV 藝人嘅都要當黃先，造星出身嘅都當黃，黃子華有睇《IT狗》係黃，王菀之撐過何韻詩係黃，仲有受後生歡迎嘅都係黃。網民推斷，匯豐為咗保住藍人市場，於是放多個邵氏藝人落廣告同佢哋交代。

▌以我哋觀察，其實傳統銀行近年真係好少用 #TVB 藝人宣傳（中資除外🇨🇳），但如果以匯豐銀行而言，其實佢近兩年都有同TVB/邵氏藝人合作（#陳豪、#蘇皓兒），雖然唔多但都係有，所以唔敢斷言匯豐係咪受到藍絲壓力，不過有樣嘢我哋係肯定嘅，呢班藍絲派嬲同埋留負評畀匯豐，已經構成咗TVB、文匯報經常掛喺口邊嘅「恐嚇廣告商」罪行，鄭中基俾人 #網絡欺凌，邊個最開心？無綫好似有得益喎！係咪要調查吓幕後有無人唆使同提供資金呢？

【匯豐銀行FB】
https://www.facebook.com/HSBCHK/
https://pili.app/pg/52y3BI4YX

【藍絲派嬲畀匯豐現場】
https://www.facebook.com/HSBCHK/posts/4509487752450875

▌補充資料：
岑麗香目前經理人公司係 #手工藝創作，該公司由 #邵氏兄弟、#王祖藍 及 #曾志偉 擁有。

就是老土。

#就是青春 #青春本我 #青春不要臉
#TVB #老人台 #曾志偉 #香港開電視 #余詠珊

█ 睇完呢段新聞我就奇怪喇，#曾志偉 都有份主理綜藝節目，2021年回巢嘅時候，佢嘅職銜係副總經理（綜藝、音樂製作及節目），《開心大綜藝》好似直頭係佢嘅得意之作，但點解收視差，曾志偉有得「加官晉爵」，陞任總經理（節目內容營運）、加入董事局委員會，而王祖藍就要被放風批鬥？編者無意幫王祖藍講說話，不過講說話就公道啲好，無理由平時一個受訪就話某某節目係佢度出嚟，承載住咩願景，希望全香港人睇得開心云云，到收視低就推畀第個話佢做得屎、無創意。

P.S. 曾勵珍係曾志偉堂姐

▌葡籍人妻 #肥媽 最近又同契仔 #陸浩明 開新節目，開咗個野外煮食節目《煮·野食》，其中一集肥媽邀請咗契女，亦即係上屆TVB小姐冠軍 #謝嘉怡 上嚟做節目，喺節目尾聲之際，肥媽想用《係咁先啦》打個完場，就叫謝嘉怡唱返「我教你唱嗰隻歌」畀陸浩明聽，然後就唱道「走先啦，係咁先啦，下次再玩過！」nani！？我平時聽開嗰首唔係咁唱㗎喎，唔通肥媽即興玩二次創作？雖然就唔多啱音，但起碼見證 #音樂無分邊界 ，畢竟藍絲KOL唱MC $oHo & KidNey嘅歌都算係「破冰之旅」。

▌《煮·野食》由 #樂怡善 (#LifeNutritionHK)冠名贊助，康和健康農產品、士多提供產品贊助。該節目由陸浩明構思，佢指曾經被問及如果流落荒島，佢會揀同邊個一齊，陸浩明揀咗肥媽，並將構思話咗畀 #曾志偉 聽，促成呢個節目誕生，不過編者就唔明，個節目有煲有碗有調味料，乜而家荒島啲配套咁好嘅咩？

【樂怡善】
https://www.facebook.com/LifeNutritionHK/
https://pili.app/pg/1emLpTqTO

▌謝嘉怡係由肥媽推薦參選2020年 #TVB小姐，並且獲得冠軍。雖然佢係蘇格蘭長大，但無阻佢返去大埔探吓啲東莞同鄉，同鄉都讚佢飲水思源，稱呼佢做「香港小姐(東莞)」，連工聯會鄧家彪都share貼文讚佢「認祖歸宗」。另外，佢喺上年已經開咗小紅書喇，有玩開嘅朋友記得科勞佢😉

▌唔知大家早排有無留意到 #TVB 股價由4.25蚊谷底反彈，一度升穿5.6蚊？據《明報》報導，最近有間港資基金大正資本（Chartwell Capital）頻頻收集TVB (0511)股份，以6-7蚊價位、耗資近2億元收購咗約5%，位列五大股東之一。據稱，有投資者仲見過 #曾志偉、#王祖藍，向佢哋表示睇好TVB未來可以將電商業務擴展到大灣區，仲相信TVB可以由20幾億市值重返80億，甚至100億市值，仲樂觀過《巴士的報》社長盧永雄呀！

《明報》節錄：//消息稱，該基金背後投資者曾與TVB總經理（節目內容營運）曾志偉及首席創意官王祖藍等交流。據稱投資者冀TVB大力發電商平台、做好財經新聞台，輔助香港維持國際金融中心地位，及保持電視劇集及綜藝節目質素。有關基金更冀望TVB將來重返80億甚至100億元市值。他們投資TVB同時，亦希望電訊盈科（0008）旗下男團Mirror衝出香港，一齊做大香港娛樂事業。本報記者多次致電曾志偉，未能夠聯絡上。TVB發言人則回應指：「對於個別投資者的舉措，本台不作評論，由於公司股票在市場自由買賣，作為負責任的上市公司，公司的董事局及管理層一直堅守業務營運暢順，遵守法規，並為股東謀求長遠及最佳的回報。」//

詳見《明報》
https://finance.mingpao.com/fin/daily/20220307/1646595866962

TVB 據報擬封「電視城」 逾百職藝員或留宿三周趕工
https://bit.ly/3I4tkhY

TVB 多位職藝員先後染疫，包括胡定欣、馮盈盈等，劇組停工。《東方日報》今引消息報道，TVB 擬參考中國大陸做法，推行「閉環式」管理，即檢測陰性的職藝員須「禁足」，全日留在電視城工作，為期約三周。據報計劃由總經理曾志偉提出，曾本人亦已率先報名。
另外，有關注本地動畫的FB專頁發現，TVB先後抽起兩套動畫，改為重播，擔心配音組染疫情況嚴重。

#TVB #無綫 #無綫電視 #無線 #曾志偉 #禁足 #閉環式管理 #檢測 #動畫 #疫情 #染疫

▌大家競猜吓今次到邊位贊助曾志偉個節目？
A. 禁售象牙都趕絕唔到嘅 #象牙世家
B. 乜嘢節目都要贊助吓嘅 #馬百良
C. 專門競奪綜藝節目嘅 #喇叭牌正露丸
D. 贊助過《開心大綜藝》，攞客戶啲物業抵押畀財仔嘅 #康業信貸 (SmartMe)
E. 其他

▌以下係《香港01》報導節錄：

// #TVB 近日接連有藝人及幕後人員先後確診新冠肺炎，大部分劇組被迫停廠停工，令拍攝進度大受影響，早前網上流傳一張標題為「The Show Must Go On」的海報，內容指無綫總經理 #曾志偉 將率領約12位藝人組成「閉環天團」，連續三星期留守電視城，製作各式各樣的綜藝節目，預計在周日（20日）正式推出。對此，無綫企業傳訊部總監黃德慧就否認傳聞，並透露籌備工作仍在進行中，未有對外公布內容，並強調該海報非無綫設計的節目表。不過日前一段節目《#講你都唔信》的宣傳片播出，片中提及「獎門人」將擔任主持，而曾志偉就聲演講道：「我做主持？講你都唔信啦！」//

▌講起 #TVB 搶我哋「#SayNo4TVB」個名做商標，其實佢哋早有前科。2013年，HKTV喺TVB度挖走唔少台前幕後人員，成為潛在勁敵，於是TVB唔單止借《東張西望》詆毀HKTV[1]，仲跟住HKTV去申請「#香港電視」、「#HKTV」商標。雖然TVB遲過王維基入紙，但就快過對方獲批，拎晒彩嘅TVB行政主席嘅 #梁乃鵬 隨即喺TVB台慶慶功宴上，趾高氣揚咁同員工講「無綫係唔容易被欺負， 無綫就係無綫，46年歷史同成績唔係靠運氣，上下一心，其利斷金。」

▌有返咁上下年紀嘅朋友，可能會記得TVB出版過一本叫《香港電視》嘅雜誌[2]，並以此認為TVB都有權用呢個名。無錯，呢本嘢係1967開始出版，但1997年已經賣咗畀《南華早報》，而本雜誌亦都停刊咗廿幾年，TVB喺呢個時候註冊返呢個商標，其用意實在係司馬昭之心，路人皆知。

▌TVB成日認為觀眾、網民用心險惡，無事生非，但呢個世界邊有無緣無故嘅恨，TVB咁多年嚟點樣迫害競爭對手、反對聲音，用以維持壟斷地位，並間接扼殺香港創意產業，大家通通都有眼見。#曾志偉 上任之後，口口聲聲話要改革電視台，要公平競爭，但其實同十年前都係無分別，只係換咗個人咁解。

#CCTVB #老人台 #小器台 #小氣台

——————————————
[1]《蘋果日報》：https://collection.news/appledaily/articles/67AND2IF6NMTT4Q266YYUAE44E
[2]《輔仁媒體》：https://www.vjmedia.com.hk/articles/2013/12/01/55802/tvb-香港電視？