#轉貼 #告急 #結業
================
#荃灣 #一意點心燉湯專門店

首次出post, 想同大家分享下，好感慨😔

話說舊年開始久不久都會去荃灣位置比較吊腳但價錢經濟實惠嘅“一意點心燉湯”幫襯，老闆同員工姐姐都好友善圍爐好好傾，啲湯好足料砂鍋飯好好味😋

上星期lunch又去朝聖，見到左撇子老闆開閘時左手舉唔起，頻頻按住左邊膊頭，捧餐嗰陣見佢有啲吃力，問佢係咪整親，佢話因為勞損，醫生叫佢休養一段時間俾隻手休息，但佢話生意好難做，由三月至而家都係虧損，雖然一星期開足七日，但夏天熱冇乜人買燉湯，午市又好靜（我去個日得我同另外一位食客，外賣得兩單😔）試過有一日全日得106蚊生意。。。 見佢一路講一路按膊頭就叫佢去睇針灸，佢話有時員工姐姐放假或者返晏，佢要睇住砂鍋飯啲火行唔開，去唔到睇醫生。。。🤕

老闆好有心，開業兩年店內一直有幫小朋友寄賣，又長期免費提供杞子紅棗桂圓茶畀客人飲，除咗燉湯之外都有推出凍飲嘅糖水，我試過洛神花山楂冰飲生津解渴味道唔太酸，雖然未食過點心但係有朋友試過都話即叫即蒸新鮮好味，大家有機會可以試下，真心希望老闆生意好啲可以抽時間休息下去睇醫生。。。

#黃
#荃灣
#一意點心燉湯

#轉貼 #結業
============
#土瓜灣 #大川滬

#黃
#土瓜灣 #大川滬 （7月31日結業）

2021年7月26日，晚餐。

今晚好開心，係依幾年值得開心嘅一晚。放工即刻起動去土瓜灣，因為約咗谷友 Sam Sz 一齊去大川滬到食飯，多D人可以叫多D嘢。仲有多謝谷友嘅手信，真係太客氣喇。

7點半去到大川滬，居然得半滿。我哋一行4人叫咗蜜汁火方，必叫嘅小籠包，回鍋肉，干煸四季豆同肉絲兩麵黃。

今晚仲要撞正睇劍擊決賽，雖然唔係full house,但全場氣氛好high, 比賽個時個個都掛住睇，到睇完先開始聽到食嘢嘅聲🤣。

老闆仲開心請大家食甜品，係超好味嘅擂沙湯丸。大川滬做到7月31日咋，希望店家會另覓地方再開鋪。

想知食物同店鋪詳情可以入去相到睇睇。