اخذِني يَمك
كبُل لا يَخلص صبرَنا
ويَطفى دم وجوهَنا وتطلع صفـر
اخذني يَمك
بعد ما ظَل كَل عذر لا تعتذَر
اخذَني يَمك
كبل لايم الصُفر ينحّط صَفر
اخذني مني.

وبين أرفض
و أريد
وأقتنع
وأحتار
ذبّلت الورد بأقساط رغباتي
أمّد إيدي على صدري وأكتل الفلاح ؟
وأگول الگاع بارت و أنهي زرعاتي ؟!
لو أصبر..وأتاني
وأبني ع المجهول!
واحللها اللجام بغير نزواتي
أذبلهن قليل
الروح بيه تلوم
تخلص حنطتي
يطيرن حماماتي

باچر نغني على فگدك
موش تسمعنا وتصد !
باچر نموت بحزننا
وانتَ ما منك نشد
من يجي الطارش يگلك
ماتوا تحس بالفگد؟
من تخم بعزاز گلبك
هم تحس قل العدد؟
ندري موش ببال گلبك
ندري ما همك بعد
يالگصدت الناس كلها
شمالنا وماننگصد !
امس دفينا الرسايل
چيف جاساكم برد
امس رشينا عطركم
فوگ شدات الورد
امس حتى ربعك حچوها
وگالو فلان انسعد
امس صلينا وبچينا
شلون بچي البـ المهد
امس ودعنا النحبهم
موادع الأم للولد
وانگضا العمر على گاعك
نزرع ملاگة وجفاك الينحصد
يله يا باچر نريدك تاخذ ايدينا
و تكضنا و ما نرد .

أمس ذكروك يمي
وفرفحت روحي،
أمس سابع سلف خايب
سمع نوحي.
وأنتَ شگد صلف
ماشفتك اهتزيت
مثل دبچ الغجر تدبچ على جروحي .

حتى عينيك ستخونك يوما ما
وسيظهر عاجلا ام آجلا ذلك اللون الأسود تحت عينيك
وسيفضح جميع معاركك الداخلية

هاي آخر أيام السنة
ما إِلك نية تشوفنا ؟
ما ترهم نحبك ولك ومشتتين تعوفنا
احنه مرضى
وماكو دوة لهذا الجرح
مر علينا
وخلي إيديك تروفنا

ربما
السنة القادمة
في مثل هذا الوقت
يجلس أحدنا
بجوار أمنيةٍ كانَ يلحّ بها
في الدعاء كثيراً
ومُوحّدها الله بحروفه
لا بأس،
برغم استحالتي
قد جعلها ربي حقاً .

هاي إلية سنين بارِد محد
بملكاه چواني
شلون ما طگت عشبَ بيه
الثواني !
ويخلص الليل ويخضر
ليل ثاني.

والعطر يخنكني عكبك
والورد ما كمت اطيقة
تدري ما يعبر الليل
بلا جكارة ولا موسيقى .

والله لو ادري جان آخر لقاء
جا طبگت ضلوعي ويا ضلوعك

وامسح رسايلنة الگبل
لو ضجت امشي اقراهن
وضحكاتك الما ينّسَن
مادام صارن للغرُب
انساك انت وياهن

مثل ذاك السجين اليشتغل نجار
حكمه اعدام صار وگال ماريده
گبل لا ينعدم نط بحسرته ومات
شاف الكرسي صاير من شغل ايده

لا أملك شخصاً يخاف أن يخسرني ولا ينام حتى يعرف أخباري ، بإختصار يمكنني الغياب متى شئت .
- نزار قباني

حسبالي من أبتعد
تتعنى لدياري
تترسني وينك؟ مختفي ؟ ظل بالي ؟
حسبالي اهمك من صدك وتهمك أخباري .

وبعَدين إفتهمّت السكتة مُوضوع
وسكوتك عَ الرسايل هَم رسَالة .

بالوصیة أكتب ولا منك رجه
المنتحر تاناله واحد ما اجه
امس عتبت بابكم ضحكت علیه
وابابكم كل المواقف محرجة
هاذي الأصوات البسيطة الماتأثر
عندي الأصوات المزعجة
هلطلع التقریر من المشرحة
مو التدخین الكتلني المستحة
او لا تگلهم ما اجيتك شوف بابك
وجهه مخربه وایدیه مجرحة
ليش خلیت العلاقة بطول ثوبك؟
قصيرة وتفشل علاقة إمشلوحة