فاگدينَك .
مرة أذكر بيك نحچَي
ومَن وصلنة الحَرف أسمَك
هب حَنينك ، أنتَ وينك ؟
لا قَريب ونعتنيلك
لا تجي ونلمحها عِينك
أنتَ وينك ؟

عدت مَشهد ضحكتك
بس لگيته رماد
طفه وي غيري
بس بوجهي طشيته
علي يفتل غرورك مو عشگ
دُخان
و العذيبي اليهب عطاب سويته
هواك لشمعتي
سولف بطول الخيط
شعل رُوحي و حنينك
بيه طفيته
أختنك ليلك براسي
وما اتنفس طيف
وفَجرك هوى يمرني
وما اشتميته

أقصر واقوى نصيحة

قال لي غريب ذات يوم:
أمثلك يترك؟

شنهو الظال عامر بيها ما خربان
حتى أسكت واجامل خاف لا تخرب !

ها يمسعد تضحك بكل السنون
ومن زمان احنه الضحك ناسينه

وأذا بَعد الزعل دَزيتلكّ مَرسال  
مشيني أعلى گد گلبي

الإنترنت ينقطع من يوم 18/8 لحد يوم 13/9
يومية ساعتين الصبح علمود الامتحانات مال الاذكياء 🦥

ذبّحني مناطرك !
غيمة ومطرها يطيح
گضت شوغات روحي لـ لهفة المَلگه
مثل شَبگة مفارك مِن تجيني بـ طيف
اشبگَنك وافز وكِلشي ما الگه
مو ذَنبي تره لبَعض البشر مالوگ
لأن طَبعي صَريح ورَاسي مادنگه
اللؤلؤ باللضم كلش جَميل يصير
بَس هوَ الحچي عالرگبة التعّگله

النبات المايلوحه الماي يذبل

كَلت ملحَك بجَرحي وغَزّر وياي
واكلت سنين عُمري وما مضّن بيك
الله انطَاك عمر وعشِت وياي
وَي غيري شتِظّن هَم الله ينطيك ؟
جنطَة سَفر دَمعي وماخذَها ويَاي
خلَص بأول مَحطّة گبَال طاريك
عَليك مخَلي بالي وخَاف فَد يوم
تبرَد بيه حَاسب بيش أغَطيك
انا موَصي الجروح يلبسَن ثياب
مو لَأجل الستِر بَس خاف أمر بيك
اكو حَضنَة ملاگَه وحَضنَه مال ودَاع
ياهي تريد منهن مِن الاگيك ؟