تعال اگطع نزاعَ الليل
حط بنحري چم
نجمّة
تعال اتنفسَك واندَار
تعداني الهوا ومالحِگ
اشتمّه
الحجي البعيوني ماينگال
بس الفارِگ يفهمه
دليني اعلى راس الخيَط
تيهت الشمع والناس والظلمة
مر بيه الندّم والذنب والوهواسَ
والكتال والذمة
چنت وياك كُلش شاب
مشيت وعُمري خف جدمه
اطيح من السمَه لطاريك
مِن مدافع النسَمة .

من غوربت شمس العصر ما مر عزيز ابالكم ؟
هنيالكم…

جرب غيري تلگه هواي
بس مثلي سبع بالعشرة ما تلگه
ولك انه علمودك فرطت بالناس ،
و تركت حروف اسمك بالصدر دگه
تقارنّي ببشر ما مشتريك بــروح
و تشيط عيوني تصعد للسما الزرگه
الك يومين مُهلة لهسة باقي الباب
ورا اليومين لو ترجع نبي نطبگـه
ما تعرفني بعدك لو دخلت عناد
اعاند بالهوه ولو اموت ما اشهگه
و هداياك الجبتهن وگفَلِي بالبلعوم
نص انطيتهن و البقـن محترگة
أناشغ و الدموع جنازة امي تگول
واحسها رصاص بيه من اسمع الصفگه

انه كلبي شكر بالليل لاحه الماي
واعرف من اريد انطي لو ينطحن لو يندك

ضاكت يارحيم الكون ..
بعد مامش صبر عدنه ..
ملجومين من كل صوب ..
الوجع ياخذنه ويردنه ..
صغار اعمارنه وشيبنه بالعشرين ..
ومحد عنه ينشدنه ..
محد لزم جفنه وشالنه من الضيم ..
الوادم والوكت ضدنه ..
نريد نموت هاي الدنيا مو النه ..