بعد منعاتبك ظل سُوي شتريد
‏نعرفك ملتهِي و مالك خِلكنه

ولتلومُوني اذا تعبان
أحبلِي انسَان
جان يحبله غير انسان
چَم مره حلفت ما ارجَع واشتاگ
چم مره دِفعت كفارة الحلفان

مشيت وياك
وأدري بروحي مغلوب
وچانن كل خساراتي
برضاتي
كسرت خاطري
ودموعي
والليل
وحتى الوجع
چان بمشتهاتي
ردت أوصل لآخر نقطة وياك
لآخر حل أحس بي ترضى ذاتي
حتى من ارجع
من العشرة مخذول
الوم بروحي
مو بمعثراتي ..

اشِد رِمش برمشِ
وما ترضى عيني تنَام
اراويها الصوَر وتصيَح
ودَوني !

بس هيَّ هَم مُشكلة
مو مَال ما تِنقهر وگليبك حنيّن.

توني جاي من الكوت

آنة وحدي
أفتر بليل الشوارع
ضايع يدور على ضايع

چي أحَبك أغفُر ذنوبَك وأجيّك
وأنتَ ياذَنب الأغُفره تَعيده .

علساس انشرها يوم 1 ديسمبر ونسيت
اعتبروني نشرتها يوم 1 اوكي ؟