وإنت بتحط إحتمالاتك ، حط من ضِمنهم
إحتمال "لعل اللّٰه يُحدث بَعد ذلِك أمراً"

يارب

وظَل گلبي بأمَل
تِرجع والاگيك
وگلت خله بأمَل مااحچَي خله
مَحضرلك لَحن ماسامعَه العُود
مِثل الريح يعزِف على الگَذله
وطَلع كل الرِسمته اوَهام باوَهام
ارسِم عالظلام بقَلم كَحله
تِرس راسي الثَلج واتأمَلك عود
بعَد ماظل وكَت ينطينِي مُهله .

تخسرني
اني انخسر ؟

ياما وياما حسبت
بعروگ اديك الخضر ،

وكلساع اشمها چنت
مثل اليجرب عطر …!

معذور ترجف رحت
متندم ومنكسر

يدري بقرارة غلط
من يرفس المنتحر

لِيـش يَاثالث عيُوني
ليـش يَـاتالي الحبَايب
ليـش يَا بعد امهَاتي؟
ليـش مَاكتلي مـن الأول
أنـا مو صَاحِب طويلة لاتحبنِي .

وأعترفلك
چانت أكبر أُمنياتي
لمن أزعَل تعتنيني
بـ اسف وردلي ودخيلك
وإنتَ تدري
تدري بأول چلمه أردلك
چنت أقدسك
حتى مِن تجرحني
أرِد ليك أشتكيلك ..

لاچمني كلبي عليك من كعدتك هاي
واليمك يخربون كوم اكعد حذاي

ما اقبل احبك وانت ما مرتاح
وما ارتاح احبك وانت ما تقبل
فكر باليهمك والمهم شتريد
انا كل اليهمني المهم لا تزعل
بكيفك من اجيت وماجبرتك يوم
ماجبرك بكيفك لو ردت ترحل
ما مليت منك اكدر ابقى وياك
بس المشكلة خاف أنه راح انمل

أمس ضاگ الحچي وبالدمع عاتبتك .

لا هنه العمن ، حتى العذر عميات
ولا هنه الغفن بالليل وارتاحن

_