هاك اخذ كل الرسايل والظروف

وكل تصاويرك هذن بظروفك

كافي يا حيوان لو رايد تعوف

عوف بس باجر تعض جفوفك

عيش لوحدك محد يموت وياك
لا تلزم دروب المايريدونك
ترا شما تتعبلهم غيبتك بالريش
وحقك حتى يمكن مايفكدونك

تخلي راسَك عَلى المُخدة
تريد تغفى تلگه روحَك مانسيت
ليش ! والـ ليش شثگلها
تعاتب بروحَك تگلها
والله مابيَّ انتهيت

غنيتك چذب بـ أصدق موسيقى
چذبة وچذبة احلا من الحقيقة !
والم سنين عمري الضاعت عليك
وابچيهن دقيقة بصف دقيقة
ويمر طيفك واشوف الوردة تابوت
واعيش أيام برزخ بالحديقة
طلقة رحمة ..بس مابيها رحمة
صارت طلقة الرحمة .. موسيقى
وين الكه طريق وانت مابي ؟
خاطر كلمن يروح بطريقه..

نظرًا لإتقاني فن الانتظار،
لا أمانع في حال تكرار رحيلك.
سأبقى أمام النافذة،
أراقب قطرات المطر،
وأنتظر هطوله.

26.6.26
كُل ظني وياك انسعد
وبحبك افرح
يا ورد ما جنت أعتقد
حتى انتَ تجرح

ايد شايل بيها كلبي
وايد شايل بيها جنطة
الدنيا سنطة
وداعة اللّٰه ياشوارع
رايح وما اظن راجع
ماشي انا لآخر محطة
الدنيا سنطة

بَيّن بعينَك مَلل إي والكَفيل
عميَة عين الـ خَلتك مَليتني
ياهو مثلي الحَبك وحَط روحَه بيك
ثلجَة وبنُص موگدَك حَطيتني
چنت أضَويلك درب من شَح ضواك
ومن إجَتك وادمَك طَفيتني
رَغبه عندك يا وسف حَسبالي شوگ
ومِن دريت اتنفسك غيثتني
أمنيتي اضحكك لو اشيع بأبوي
ليش بالعيد الصبح بچيتني؟
ردتك تودني لـ هلي من أنعميت
تالي ما تالي بلحد وديتني
بعيني خليتك عِلى عليها السواد
فرجه لـ الله وللخلگ خليتني
يا مسيت العافيه عليك انا أكول
وانت بخشونة حچي مسيتني
چنت أشيل الكاع واركض مدري وين
مدري وينك من رحت؟ سليتني
گتلك الفوگي شمس والحدري نار
وانت كثرت الحطب چويتني
ردت تحافظ علي وتضمني بيك
ليش يم جمعه غجر غنيتني؟
كتلك عيوني عمن بس كضني اشوف
وانت يم شامت ولك هديتني
قَشمرتني بـ ها حبيبي وبعد ابوي
ومدري بأسماء شكُثر سميتني
راح أصدگ بالـ حسَب نجمات الليل
وما أصَدگ من صُدگ حبيتني.

وردة ماتت المن تحطلها ماي؟
وهذا ياهو الكالك تحييها !

يا طير المحبة هم سمعت بطير
ما شده الحنين لديرته وعشه.

آنه كل الناس عندي برخص باكيت الجكاير