كتلي من تعطش ترويك الچفوف

هذا انا العطشان وين جفوفك ؟

وكتلي اذا شح النظر بعيوني شوف

شفت كل الناس بس ماشوفك

كتلي من تستاحش بنص روحي طوف

شو علي شحيت حتى طيوفك

اوف من حبك الف مليون اوف

اني مدري شكاضني وماعوفك

مثل غركان ويدور ع الجروف

حظه بموته وما حظه بجروفك

هاك اخذ كل الرسايل والظروف

وكل تصاويرك هذن بظروفك

كافي يا حيوان لو رايد تعوف

عوف بس باجر تعض جفوفك

عيش لوحدك محد يموت وياك
لا تلزم دروب المايريدونك
ترا شما تتعبلهم غيبتك بالريش
وحقك حتى يمكن مايفكدونك

تخلي راسَك عَلى المُخدة
تريد تغفى تلگه روحَك مانسيت
ليش ! والـ ليش شثگلها
تعاتب بروحَك تگلها
والله مابيَّ انتهيت

غنيتك چذب بـ أصدق موسيقى
چذبة وچذبة احلا من الحقيقة !
والم سنين عمري الضاعت عليك
وابچيهن دقيقة بصف دقيقة
ويمر طيفك واشوف الوردة تابوت
واعيش أيام برزخ بالحديقة
طلقة رحمة ..بس مابيها رحمة
صارت طلقة الرحمة .. موسيقى
وين الكه طريق وانت مابي ؟
خاطر كلمن يروح بطريقه..

نظرًا لإتقاني فن الانتظار،
لا أمانع في حال تكرار رحيلك.
سأبقى أمام النافذة،
أراقب قطرات المطر،
وأنتظر هطوله.

26.6.26
كُل ظني وياك انسعد
وبحبك افرح
يا ورد ما جنت أعتقد
حتى انتَ تجرح

ايد شايل بيها كلبي
وايد شايل بيها جنطة
الدنيا سنطة
وداعة اللّٰه ياشوارع
رايح وما اظن راجع
ماشي انا لآخر محطة
الدنيا سنطة