مِثل شمعَه !
اشتعل كل ليله، يم عَميان
لا ينفَع ضوَاي ولا يِطفُوني

اذا عندك وقت ساعدني ع النسيان

بلكت تفهم الما كاعد افتهمه

اريد الزم جروحي
وين امد الايد ؟

يلزم يا مكان الجارحة بكلمة ؟

من اشتاق الك بعد 12 بليل وتبدي العاطفة تضحك على الحكمة

شدير لعيني غير سوالفك وتنام ؟
بشنو يگابل الليل الولفه مو يمه ؟؟

وارد اقره الرسايل خاف ما رديت
وصلت لمرحلة مكتوبك اشتمة

واخاف اطفي الضوه ووحشة الليل تزيد

واضل وحدي وصورك عليّ ملتمة

چنت جاهل واخاف الظلمة عذري وياي
هسة شطولني وخايف من الظلمة…

چنت اگلهم
نار بيه
وچذبوني
ومِن بقيت رماد گالوا
ليش مَا گلت احترك ؟

التناقُض عِندي
مدري شلون صاير
المشَاعر مَرة زين
وشهر حاير
المَا يعرُف يسولف ضيمه للنَاس
يضل يطلُب صبر مِن الجكاير .

المُخجل في الأمر هو تقدّمك بالعُمر، وانت لم تقم بأي شيء يُذكر ولا حتى السيء منه، تقف بالمنتصف لا أنت من إحدى العصابات التي يهابها الناس بالحي ولست مِن مَن يبيتون لربّهم سُجّداً، تُراقب الحياة من هاتفٍ خلويّ، تخسر علاقاتك، حزينٌ يومياً عِند منتصف الليل، ولا يهتمّ لأمرك أحد، تشارك بعض الأشياء عمداً لتقصد بها شخص معين ولا يأبه لأمرك، تتمنى مرور الأيام وتنسى إنها من عُمرك، اعظم إنجازاتك إنك لازلت حياً .