បដិមាទេពប្រុសរកឃើញនៅប្រាសាទព្រៃបាសាក់ ខេត្តស្វាយរៀង
-----------
ប្រាសាទព្រៃបាសាក់ មានចម្ងាយត្រឹមតែ ៥គីឡូម៉ែត្រ ប៉ែកអាគ្នេយ៍ទីរួមខេត្តស្វាយរៀង ដែលស្ថិតនៅត្រង់ភូមិបាសាក់ ឃុំបាសាក់ ស្រុកស្វាយជ្រុំ។ យោងឯកសាររបស់លោក Lunet de Lajonquière បានឱ្យដឹងថា នៅឆ្នាំ១៩០១ – ១៩០២ លោក Jean Commaille បានធ្វើកំណាយបុរាណវិទ្យានៅទីនេះ ដោយបានរកឃើញប្រាសាទកណ្តាលធ្វើអំពីឥដ្ឋចំនួន​មួយ ភ្ជាប់ជាមួយសាលវែងមួយ បែរមុខទៅទិសខាងកើត និងប្រាង្គតូចៗធ្វើអំពីឥដ្ឋចំនួន ៧ទៀតហ៊ុមព័ទ្ធជុំវិញ។ នៅប្រាង្គកណ្តាល គេធ្លាប់រកឃើញបដិមាធ្វើថ្មភក់ និងសំរឹទ្ធជាច្រើន។ វត្ថុសិល្បៈដែលរកឃើញតាមរយៈការធ្វើកំណាយទាំងនោះ គេបានយកទៅរក្សាទុកនៅសាលាខេត្ត និងក្រោយមកទៀតវត្ថុមួយចំនួនបានបញ្ជូនមកកាន់សារមន្ទីរជាតិកម្ពុជា នារវាងចុងទសវត្សរ៍១៩១០។ ក្នុងចំណោមវត្ថុបុរាណដែលបានចល័តមកកាន់សារមន្ទីរជាតិកម្ពុជា មានបដិមាទេពប្រុសចំនួន ១អង្គ ដែលអ្នកស្រាវជ្រាវជាទូទៅយល់ថាជា “រូបព្រះសិវ” ឬខ្លះយល់ថាជា “រូបព្រះសិវក្នុងទម្រង់ជារាជវង្ស”។ តើបដិមានេះមានប្រវត្តិ និងលក្ខណៈដូចម្តេចខ្លះ?
-----------
អត្ថបទលម្អិត៖ https://khmercivilization.ams.com.kh/detail/35892
-----------
-Telegram
-Facebook
-YouTube
-Web

ព្រះវិហារវត្តនគរបាជ័យ
-----------
Join AMS Khmer Civilization

វត្តនគរបាជ័យ គឺជាបូជនីយដ្ឋានព្រះពុទ្ធសាសនា​​ដ៏ល្បីស្ថិត​​នៅ​ក្នុង​ខេត្ត​កំពង់ចាមហើយ​​​បានកសាងនៅ​​ក្នុងបរិវេណ​ប្រាសាទនគរបាជ័យ​ ដែលជា​ប្រាសាទ​ឧទ្ទិស​​ថ្វាយ​​​ព្រះពុទ្ធសាសនា​មហាយាន​នៃរាជ្យព្រះបាទជ័យវរ្ម័ន​ទី៧។ បច្ចុប្បន្ននៅក្នុងបរិវេណ​ប្រាសាទនេះដែរគេ​ឃើញ​វត្ត​ពីរ វត្តមួយស្ថិតនៅជ្រុងអាគ្នេហ៍ ខាងក្រៅកំពែង​ប្រាសាទ​​ហៅ​ថា“វត្ត​នគរបាជ័យ​ក្រៅ”។
-----------
អត្ថបទលម្អិត៖ https://khmercivilization.ams.com.kh/detail/35913
-----------
-Telegram
-Facebook
-YouTube
-Web